الانسان بطبعه كميه من الانفعالات والتصرفات والسلوك الإرادي والغير إرادي ... البشر يختلفون في طريقة تفكيرهم وفهمهم العام والخاص للغير وحتى لحياتهم أيضاً... بمعني آخر في كثير من الأحيان أنت تتعامل مع أشخاص مثلا لو في العمل او البيت او تعرفت عليه في في مكان ما ... وعند الاحتكاك به والنقاش معه ولو لمره واحده على الاقل تجد انه فهمه لشخصيتك خاطئ جدا جدا وغير المتوقع اي غير ماتعرفه أنت عن نفسك ... ... ::طيب سؤالي :: اذا أحد بالمنتدى فهمك غلط ؟! وكنت تتمنى تصلح هالفكره ويمكن ضايقك كلام هالشخص وطريقه فهمه للموقف او الموضوع بشكل عام ليس من باب تبرر له (( لتكبر بعينه )).. فقط من باب اكبر في عين نفسي اللي ممكن تقلل من شأنك وانت على نيـاتـك مـاتقصـد .. "حملت هذا السؤال وتوجهت به إليكم وانتظر ردودكم,! تحيآآآآتي لن ولن ننساكـــــــــــــــــــــ
بتضايق حيل وبحزن وبحاول افهمه وانا بالصج محد يفهمني ؛( وكله يفهموني غلط ( رفيجاتي ) واحاول افهمهم لكن للاسف اليوم الي بعده الاقيهم يقولولي ( خلاص لاتكلميني ولا اكلمج ) ؛( وثاااانكسس على الموضوع حياتي وهم على نشاطج بالقسم ؛)*
موضوعج عالوتر نور انا اخاف حيل اني انفهم غلط بالذات احنا هني بمنتدى كتابي الكلمه لما تنقرى غير لما تنطق وراح اتضايق حيل والله يعينا عالكلام الزين ويسلموو يا عسسسل..
مشكوره على دخوللك صفحتى ومداخلتك الصريحه حبيبتى الناس اجناس ولاتضايقين ولاتحزنين المهم النيه والقلب الصافي
ليش تخافين خلى ثقتك بالله ثم نفسك واللى مثلك مايقول الا الكلام الزين وهذى شهاده منى لك شكرا يالغاليه على انك نورتى صفحتى
أنا إذا حسيت حد فهمني غلط بوضح وجهة نظري للشخص عشان ماتكون هناك حساسيات وبطبعي ماحب اضايق أحد تسلمييين فدييتج ع الموضوع الحلو
مشكـــــــــوره على الموضوع ياقلبي...هع فعلاً أنا وحده ماأقول الكلمه إلاّ دارستها وعارفه وين مكانها ألحين ماتقولين كلمه إلاّ فهموها غلط وحطولها ألف معنى وأنت أكيد ماتقصدين .... مشكووووووه ياقلبي....
انا عن نفسي اذا يعرفوني عدل وفهموني غلط ماهمني يعني يعرفون طبعي وشخصيتي وطريقتي وفهموني غلط عيل ليش صديقاتي اذا مايعرفون اطباعي مثلا اما اذا مايعرفوني ذاك الزود او اهني بالمنتدى بحاول افهمهم واذا مافهموا مومشكلتي اهم الي راح يخسرون وحده سكره زيي خخخخخخخخخخخخخ
فديتج نؤر على الابداع ماشاء الله مؤضؤع رائع جدا" ؤعن نفسي انا مرات فعلا" تصير شؤيه مشاكل مع العضؤات ؤعلى قؤلة سلطانه المنتدى كتابي حتى لؤ ابرر ماراح تؤصل للي ابيه ؤهالشي صار معاي اكثر من مرة بس الحمدالله يعدي على خير ؤنبقى احباب ؤخؤات ؤمن هالمؤضؤع الررررؤعه مثل صاحبته اعتذر لكل من فهمني غلط
والله يالغاليه احيانا احب اعتذر اذا ماوضحت كلامي بطريقه عدله واذا شفت مافي فايده.........على راحتها اللي تفهمني غلط تفهم واللي تفهم صح تفهم اهم شي انا فاهمه قصدي من اللي كتبته
احاول اعلمها الصح واقولها فهمتيني غلط ترا انا كنت اقصد شي وانتي فهمتي شي واذا كانت بعقلها بتتفهم وضعي او احط لها موضوع او ارسل لها رساله خاصه وان شاء الله تتفهم
