السلام عليكم احب احكى لكم تجربتى مع دكتورة ولو حق اللقب لقلت طورة انا عروسة جديدة وتم الحمل الحمد لله بعد مدة لا باس بها من الزواج ووصفو لى دكتورة اسمها كبير ومشهورة وكشفها نااار رحت لها طلبت منى تحليل للحمل بعد ما عملت السونار ومطلعش حاجة فية عملت التحليل طلع فى حمل طلبت منى عمل تحليل نسبة الهرمون فى الدم لتحديد مدة الحمل عملتة وطلعت النتيجة 77 طلبت منى اعملة تانى عملتة المهم طلبت منى عشر تحاليل كلهم خاصين بالحمل بعد ما عملتهم واتكلفوا كتير معجبهاش المعمل وطلبت اعيد التحاليل تانى بس فى معمل هى اللى بعتتنى لة ومش قادرة اقول لكم اتكلفت اد اية التحاليل والمفاجاءة ان النتيجة من المعمل اللى وصت بية طلعت نفس النتيجة اللى فى المعمل الاول وبعد مشاوير وكمية تحاليل غريبة لهرمون الحمل فى الدم قالت لنا الحمل ضعيف ومش هيكمل المهم خضعنا لامر الله وقدرة وكتبت لى ادوية تنزل الجنين لانة مش هيكمل وبعدها رحت لها وشافت على السونار علشان تتاكد ان خلاص حصل تنظيف كامل للرحم من الحمل والحمد لله محتجتش لعلية تنظيف لانى كنت فى الشهر الاول وقالت ان ممكن فى خلال اربعين يوم يحصل حمل جديد ان شاء الله والحمد لله ربنا عوض صبرنا خير وحصل الحمل بعد الاربعين يوم بس مرحتش عندها تانى لانى اتشائمت منها وحسيت انها مش كويسة المهم تابعت مع دكتور والله كلمة ممتاز قليلة علية المهم المفاجاءة بقى واللى خلانى اقول عليها طورة طبعا كل المتزوجات والحوامل عارفين تحليل( Rh) وانة لو طلع سالب لازم المراءة تاخد حقنة بعد الولادة او الاجهاض عشان الحمل التانى ميحصلش فية مشاكل والجسم يهاجمة باجسام مضادة انا من ضمن كمية التحاليل اللى طلبتها منى كان التحليل Rh وكان سالب ومعلقتش علية نهائى غير بكلمة انة كويس ونا طبعا دة اول حمل ليا ولسة جديدة فى الحمل والجواز فمعلقتش على كلمة كويس لانى معرفش هو اية اصلا التحليل دة لكن فى الحمل التانى الدكتور جالة زهول واتصدم لما شاف اسم الدكتورة على التحاليل ومكتبتش لى على الحقنة بتاعت السالب بعد ما عملت لى الاجهاض الله ينتقم منها وبسرعة طلب منى اعمل التحليل تانى علشان يتاكد اذا كان سالب ولا موجب واعمل بعد اذا كان سالب اعمل تحليل تانى علشان يعرف جسمى بنى اجسام مضتدة تهاجم الحمل ولا لاء بس الحمد لله ربنا كريم مطلعش فى اجسام مضادة وطلب منى ان زوجى يعمل تحليل Rhعلشان يشوف اذا كان موجب ولا سالب علشان يعرف هاخد ادوية تحمى الجنين لو الجسم بنى اى اجسام مضادة ولا اذا طلع سالب يبقى خلاص مالهاش لازمة الحقنة او الادوية طبعا كل دة كان دور الكتورة الاولى مكنش لازم استنى للحمل التانى علشان اعملة وربنا يستر على حملى الان ويتممة لى على خير ادعو لى وخلوا بالكم ان مش كل دكتور اتشهر يكون بيفهم وعندة خبرة
