السلام عليكم ورحمة الله وبركاته قريت هالموضوع وعجبني قلت انقلة لكم ..........يعني لطش الله يغفرلي شنو صدمة حياتج اللي اثرت فيج؟ ومن منو ؟ وشلون تعديتي مرحلة الصدمة؟:what_smile: يالله نبي الردود لا تقولون ماكو صدمات لا بد منها بحياتها الله ياجرنا عليها
والله الصدمآآآآآآآآآآآآت كثييييييرة وماودي اقلب المواجع .. لكن ربك يفرجهآآ .. ماعلى الدنيا حسافة .. الله يعوضنا في الاخرة بأذن الله
صدمتي من صديقتي دقيت عليها مره وقعدت اسولف واضحك معاها وكل شي كان تمام ومن بعد هاليوم ما ادري عنها قعدت ادق عليها وادق على بيتها وادق على اختها اذا عليها ما ترد واذا اختها تقولي مو موجوده او ما ترد او اذا بالبيت تقولي ناايمه او طالعه وظليت ادق وادز مسجات لمده شهرين ونص تقريبا لا حياة لمن تنادي وفجاه مره دقيت على صديقتي واهي صديقتها بعد كان عندها انتظار كلمتني جان تقولي لحظه فلانه خليني اشبكم يوم شبكتنا صدمت صدمت عمري كانت صديقتي اللي ماتبي ترد علي وتتجاهلني وانا اللي كنت معطيتها الف عذر وعذر بس كانت اعذااااري غلط بغلط اهي حيييل صديقتي من ايام 3 ابتدائي تمنيته تكون معاي بعرسي وبأحلى ليله تمنيته تروح معاي الصالون واهي اللي تكون معاي خطوه بخطوه بس الله يسامحها وللحين مكانها بقلبي ما تغير آآآآآآآآآآآآآآآآآآآآآآآآآآآآآآآآآآآآآآآآه
انا صدمتي باني اقفد اختي بطريقة مايسويها لامسلم ولا كافر -واثرت علي وللحين تعبانه وهالشي يقهرني اشلون اتصور اني ما راح اشوفها ولا اسمع صوتها وعسي ربي يرجعها لنا سالمه يارب وللحين ما ادري اشلون اتعداها هالصدمه اللي ولا بالخيال واشكرج عالموضوع اللي جاي عالجرح
حبيبتي بنت الشيخ اقعدي مع صديقتج خليها تصارحج شنو اسبابها ...وصدقيني لا تقولين صداقة بهالوقت الاخت والام هم الصديقات الصدوقات اخت غرام القمة الله يرجع اختج بالسلامة صدقيني هذا ابتلاء من الله والله يصبركم يارب وامانة بشريني اذا تطمنتي عليها صدقيني هي مسالة وقت لا تياسين من رحمة الله لابد من ان يجمع شملكم
الله يعين انا عدي وخربطي من ابوي ولا من اختي ولا من رفيجاتي ولا من الناس اللي مومخليتني بحالي ولا من حظي بالزواج بس اكثر ماقهرني اختي كثر وقفاتي معاها وطيبي تجرحني حقوده ومالها صاحب
اختج ابووج ؟؟ ياربيي زمن لا انا عادي يعني سوالف مراهقه صدماات بسييطه ولا هواش مع اهلي اعيش الدور نفس اليوم و ثاني يوم انسى
صدمة شعوري بالبشر ماهي غريبه بس الغريب اني بعد ماتعملت صدمة حياتي وهي مو الاولى ولا الاخيره بالناس لكن صدمتي باختي اثرت فيني لدرجة مرضت وصار فيني خمول بالغده
عسى الله يصبرناااا ويقوينااااا على هالصدماات عسى الله لايفجعنااا بغالي وعزيز علينا وعليكم ,,, اللهم آمين,,,,,
انا انصدمت من ناس بحياتي كنت احسب اني غاليه عندهم انه مكانتي عندهم غيير لكن انصدمت انهم مافيهم خيييير ابد ومو مثل ما كنت متصورتهم اكبر صدمه بحياتي مو اني اخدعت فيهم لاء اكبر صدمه اني انا اللي طلعت غشيمه وطيبه ولا ادري اجناس الناس شنو بسس الحمدلله كل موقف وله حكمه وعبره مشكوره ع الموضوع الحلو
اخيييييييييييييييييييييييييه يبتيهاا علي الجرح الي تواا براا والله اخيييييه حساااااااافه بس ودي تقري رددي الي انخدعت فيهاا خساااااااااااااااره الاياااام معاها كنت اتصورهاا اختي الي ما ولدتهاا امي بس للاسف طلعت ولا شي بس يللا تعلمت درس حلوو ,, خوو الحياة تجارب
