بنات ودي رايكم بهالموضوع؟؟؟ شرايكم بالزوج اللي يعيش مع زوجته فتره مابين 7لي8شهوور بكل حب ويصير كل شي بحياتج اهلج ناسج ربعج كل شي وطيييييبه وحناااااااااان الدنيا كلهاا فيه معاج؟؟؟ وفجأه من مشكله بسيطه يحولها لي مشكله كبيره مالها حل ويعقدهاا ويصير وحش غامض مايرحمج يهيينج ويهيين كرامتج والوحده اهم ماعندهاا كرامتها ويسب ويشتم اهلج وبعد كل هالتجريح يقوول انه يبيج ويحبج ووده بس يرجع حق زوجته ومو راضي يطلقهاا واهيه طالبه الطلاق طالبها بيت الطاعه تقول شلون لو يولنا يهال اكيد ماراح يحترمني جدامهم واذا اهوه اللحين مومحترمني ومحترم اهلي ومعاند شلوون بعدين وهيه صغيره بالعمر واهوه بعد؟؟ هذي السالفه سامعتهاا من وحده وحيرتني سالفتهاا وودي اعرف رايكم بالمشكله هذي؟؟؟:sad_smile:
انا اقول انه مثل هالأ رياجيل يبيلهم قلب ميت واهي اذا تبيه خل تستخير ربهاااا واذا غاسله ايدها انه ينصلح ويرجع نفس اول فااا لا تعور راسها وترجع له داامها للحين صغيره وماكو عيال بينهم
الاحترام اساس بين الزوجين لازم يكون موجود بينهم واذا ماكو احترام لا لها ولا حق اهلها شتبي فيه .. لايقول لها احبج ويسكتها بكلمتين في اشياء وااايد لازم تكون موجوده بين الازواج الاحترام والتقدير اولهم واكيد الحب بس بروحه ماتنفع الحياة .. واذا اهوا صج يحبها المفروض يحترمها ويحترم اهلها ولا يجرحها لانه اللي يحب ما يعامل مرته جذي .. مووفقه انشالله تحل سالفتها
مشكلتك زي مشكلة وحده قريتها في منتدى ثاني ونصحوها بعض البنات انها ترجعله لانه زوجها وهي اكيد تحبه لكن معانده في لحظة الغضب كلشي يصير الشيطان حده يفور في دم بني ادم وهي اكيد عانتدته لو سكتت عنه واتعوذت من الشيطان نفسه ما اعتقد بتوصل انه يهين اهلها ... اذا الزوج ضايق الحرمه تكون بارده والعكس ولازم هناك تنازلات علشان تستمر الحياه الحياه مو كلها حلو في فيها شوية المر والشاطره اللي تحلي ايامها بمسك اعصابها
