السلام عليكم حبيت اقولكم قصة وحدة من صديقاتي العزيزات وايد علي تزوجت واحد من جماعتهم القريبين حيل زواج تقليدي واهوه كان يدرس برا لما خلص واشتغل بعدها بسنتين تزوجها مر اول شهر عادي والثاني من كثر ما يدق تلفونه وانتظاراته اكتشفت انه يكلم بنت من برا الكويت وبنات بالكويت سكتت وما قالتله اي شي لما زاد الموضوع عن حده وكثرة قعداته برا البيت وصلت لغاية الظهر ثاني يوم قالتله انها تدري حلفلها مو هو ربعه يتكلمون بتلفونه بس الواضح انه اهوا حتى ساعات المكالمات تكون واهوه موجود بالبيت من غير المسجات طبعا حملت الزوجه ومن كثر ما تحط بقلبها وهواشها مع زوجها نزلت الياهل وبعدها بشهرين راحوا عمره وردوا حست انه تقرب منها شوي وصار يداريها وتلفوناته خفت وارتاحت الزوجه بس اكتشفت بعدها انه عنده خطين غير تلفونه وخاشهم بسيارته مرة بالغلط وهو داش البيت جايب واحد معاه وشافته ولما افتحته لقت صور بنات ومسجات واجهته قالها هذيل من قبل والحين بعد العمره ماكو شي وحلفلها وطلعت حامل وهي بالعمره بس ما درت الا بعدها وسكتت عنه وقامت تطوف علشان الياهل لا يطيح لان الدكتوره قالتلها وضعج مايساعد لازم الراحه النفسيه طنشته بس هي طول الوقت متوتره من الشك فيه ماتقدر تصدقه ولا تحس فيه هو يحبها بس بنفس الوقت ما يقدر يخلي سوالفه راحت نامت يومين عند اهلها وردت لقت تلفون يديد عنده فتحته ولقته طول الليل يكلم وحده برا الكويت وهو ما عبرها باتصال واحد وهي عند اهلها ماكلمته الا كلمة وحده قالتله انت ما تستحي قالها لا في احد يستحي يسوي جذيه ؟ قعدت تبجي 8 ساعات ولما رد من برا ما ردت عليه ولا كلمته حط راسه ونام قالتله انت شنو ناقصك قال ولا شي وكل الي براسج اوهام وبس مع انه كل شي واضح جدام العين وهي ظلت بروحها تبجي برا الغرفه شنو الحل برايكم هي طالبه منه يفترقون عن بعض بس هو ساكت ؟ شنو تسوي ؟ انا توهقت ما ادري شرد عليها ؟ اخاف اقول شي واصير انا المذنبة ؟ تقفون ساعدوني ؟
عسي ربي ياخذه قولي امين او يهديه ثانياا خلي الموووضوع جدي ولاتسكت عنه نهاااائيااا اول شغله تروح بيت اهلهااا وتزعل ولاتدق عليه نهااائيا واذا دق ماترد وتخلي الموووضوع بيد ابوهاا احسن لهاا وله والله يعينهااا يارب
الله يكون بعونها رده لما قالها في واحد يستحي يسوي جذي!! حبيبتي قولي لها تستخير رب العالمين وخل تدعي ربها بقلب مخلص وتستخير . . . وخل تكبر عقلها ماتدري وين الخيرة والله . . . وحتى لو قررت تنفصل يمكن خيره علشان ما يبليها بأمراض وبلاوي من ورى هالسوالف البطالية واحنا نقول الله يهديه وان ماهداه يقلعه . . .عن دربها
