طبق باستا ربيان بصلصة حليب جوز الهند بالصور مرحبااااااااااا انشاء الله يعجبكم الطبق اللي سويت اليوم خوششششششششششش لذيذ اول شي نحتاج باستا مسلوقه بالماي مع قفشتين ملح كبار وقفشتين زيت تعرفون طريقة المعكرونيه بس اهم شي بعدين تغسلونها بماي الفلتر (البارد) عشان لا تلصق المعكرونيه الحين نييي للربيان بعد من غسلت عدل طبعا فحت الربيان اشوي وصبيت مايه ونقعته بعصير ليمون اقريبا نص ساعه نحمس بصل وثوم بالزيت ونحط فوقه الربيان ونحمس لمن تروح مايته وتحطون البهارات بجميع انواعها وحطوا كميات وافره (لأن الربيان يحتاج بهارات 2مكعب ماجي خضار (تقدرون تبدلونه بالملح ) اذا ماعندكم ولمن حمستوا عدل ضيفوا علبه كريمه حمرا و5 قفشات جوز الهند ( في بودر وفي سائل ) انا الي عندي بودر اذا تبون النكهه اقل قللوا وبعدين ضيفوا الخضراوا الي تحبونها انا حطيت ذره ومشروم وفلفل اخضر وبس خلوا يطبخ وتثقل الصلصه الحين نحط بالبايركس اشويه زيت زيتون والباسنا المسلوقه وفوقه الخلطه الربيان وتخلطونه مع الباستا وتلفونه بالقصدير وتدخلونه الفرن وبس يستوي تطلعونه وترشون عليه جبن موزريلا وتقدمونه انشاء الله تعجبكم
مشكورة على الرد الحورر انا عندي صور الطريقة كلها بس ما اعرف كيف انزل الصور ممكن توضحوووووووو لي كيف ؟؟؟؟؟؟؟ تسلمووووووووووووووووووووو
