طريقه عمل العزيزيه

قبل اي حاجه نسخن الفرن علي درجه حراره 180
مقادير العزيزيه:

ربع كيلو مكرونه

4 صفار بيض

لتر لبن ( 5 اكواب لبن )

كوب سكر

فانيلا

ملح

ملعقتين نشا







طريقه عمل العزيزيه :
نسلق ربع كيلو مكرونه

نضع حله علي النار فيها خمس اكواب لبن ونضيف عليه كوب سكر وملعقه صغيره فانيليا وملعقه صغيره ملح وملعقتين نشا ونضيف ربع كيلو المكرونه اللي سلقناها

ثم نستخدم الهاند بليندر لو معندكيش استخدمي الخلاط الكهربائي

نهرس المكونات دي كلها بالهاند بليندر وهي علي النار علشان تربط

بعد كده هتضيفي 4 صفار بيض علي المكونات دي واحده واحده مع التقليب المستمر لمده 5 دقائق لحد مايتقل شويه

اجيب الصنيه اللي هحط فيها العزيزيه وادهنها ماده دهنيه ( زبده او سمن او زيت )

نضع في ارضيه الصنيه زبيب او سوداني

اضع خليط العزيزيه في الصنيه اللي دهنتها ماده دهنيه وادخليه الفرن علي درجه حراره 180 لحد مايستوي بعد كده سيبها تبرد وقطعيها

بالف هنا وعافيه ياااارب



وده شكلها بعد ماطلعت من الفرن

سهله جدا وطعمها خطير وسريعه وتسعفك لما يكون عندك ضيوف