السلام عليكم ورحمة الله وبركاته.. شحالكم بنات.. بصراحه وكل صراحه.. انا انسانه تعبت من الرشاقه الزايده.. مليت من تعليقات الي حواليه :sad_smile: ... وانا انسانه شكاكه ماحب اخذ شي مثل الحبوب لفتح الشهيه :52_52: لني اخاف يأثرن عليه مستقبلا او يطلعن لي حبوب وانا حاليا اعالج ويهي ف ما يصير اخذ حبووب :emoticon_U: بليز الي يعرف طريقه للمتن يخبرني :1: أو انه حد يحط لي برنامج اقدر امشي عليه عشان امتن .. :cry_smile: انا عندي قابليه للمتن بدليل اني كنت قبل شوي فيه صحه ولكن من دخلت الكليه خلاص راحت كل الصحه بس ويهي فيه شويه صحه لني فيجيتيريان وايد احب اكل خضار وفواكه وايد وايد يليت حد يفيدني والله لدعيلها الي بتفيدني ,, لني قريب بعرس ومحبطه وايد من سالفة الضعف :sad_smile::sad_smile::sad_smile::sad_smile: اختكم AbuDhabi
نعالي خذي شوي من جنابي ههههههههههه الف مبروك بس كلي ونامي واخلطي كل ما يحلو لك من الطعام عكسسسسسسسسسسسيالله يوفقك :angel_smile:
شكرا حبوبه على مرورج خواتي معقووله محد عنده فكره عن الموضوع !! :emoticon_U: شو محد يعاني من الرشاقه الزايده !:emoticon_U:
هههههههههههههه لا والله نعاني من البدانه الزايده والله استانسي بالرشاقه باجر تدورين الريجيم بس قبل لما كنت بالنادي في وحده ضيعفه وسألناها ليش مشتركه قالت عشان امتن وطريقتها كانت عقب الرياضه على طول تاكل وماادري اذا هي صاجه والا جاذبه بس انا اشوفها عقب الرياضه تطلع هالككاويات وتاكل واتمنى اني فدتج والله يتمم عليج ويهنيج وتصيرين احلىى عرووس
الله يوفقك حبيبتي ولا تقصري في الاكل كل بعد شويه تاكلي والحلى والمعجنات هي للي تسمن بس بعد الزواج والحمل راح تدوري الرشاقه والله يوفقك ياقلبي
مسكي مينونج لا اييج اين منه ولا الناس مايعجبهم عجب ولا صيام رجب ناس تبي تضعف وناس تبي تمتن قولو الحمدالله
اي والله انا مع خواتي باجر ان شاء الله الله يرزقج بالعيال وبتمتنين من الحمال والزواج وبعدها تقولين يا حلو ايام الرشاقه الزايده :shades_smile:
حبوووبة كثري من المعكرونيا و البطاطس يتفخون بسرعه وعليييج بهارديييز وادعيلي ومبروك يالرشيييقه >>> تتدلع بعد
الله يتمم لك على خير ويوفقك يالغاليه أنا يوم تزوجت كان وزني 53 والحين الله لايوريك 75 وموراضي ينزل كلش إدعيلي تكفين
حياتي كلي شي فيه نشويات ( بطاطا, رز, خبز, .....) حاولي تاكلي من المطاعم مو من البيت كتري من اكل الشوكولا والتشيبس اهم شي كلي ونامي حتى لا تحرقي يلي اكلتيهم وحاولي لا تمشي كتير موفقة
حبيبتي واللة نصيحه من قلب القلب لاااااااااااااااااااااااااااااااا تستعجلين على رزقج بعدين حلات العروس ناعمه وبعد الزواج والعيال راح تتمنين الزمن يرجع واسالي مجرررررررررررررررررررررررررررب
فديــــــــــــــكن والله ,, ربي يعطيكن على قد نياتكن ويرزقكن ان شاء الله ,, مشكورات حبيباتي على النصايح .. اقتنعت بصراحه ههههه قعدت جدام المنظره اطالع نفسي اقول لو متنت عيني بتندفن و بستوي كبيره !! :teeth_smile::teeth_smile::teeth_smile: عقبال الي ما عرسن ,, شكرااااااااااان مره ثانيه ^^
ضحكتوني بنات حححححححييييييييييييييييللللللللللللل كلنا نعاني من البدانهالزايده ونفتخر ترى شحومي الزايده توصيل منازل اللي تبي تدق هههههههههههههههههه
تبين نصيحتي ياحلوه وماراح تندمين اكلي سريلاك مدة شهر يوميا اكليه غصب صدقيني راح تزيدين 10 كيلو وبعدين راح تتوهقين ودج تضعفين انا اقولج جذي عن تجربة صديقه لي كانت ضعيفه وايد وفجاه قامت تعاني من السمنه :wink_smile:
