بنت في العاشره من عمرها كانت تعاني من ظروف اجتماعيه ونفسيه بالبيت بسبب خلافات امها مع ابوها وفي يوم طلبت منهم المعلمه حل الواجب وانها راح تشوفه بكره واللي ماتحله راح تتعاقب عقاب شديد أخذت الطالبه تجمع اقلامها ودفاترها وتحطهم بالجنطه لان وقت الهده حان ولما ردت البيت سمعت صوت صراخ امها وابوها وكالعاده دخلت غرفتها وصكت على نفسها الباب ونامت واهي مليانه دموع وقهر والم والصبح راحت المدرسه وجا وقت الحصه السادسه الاخيره وطلبت المدرسه من الطالبات انهم يطلعون الواجب000000قامت هالطالبه وقالت انها ماحلت شسوت المدرسه المجرمه؟؟؟؟؟؟؟؟؟؟؟ قالت انا حالفه ان اللي ما تحل الواجب احبسها بالحمام لين تحل الواجب وفعلا اخذت البنت وقفلت عليها الحمام وخلت عندها الدفتر والقلم وقالتلها يله حلي الواجب رن جرس الهده وكل الطالبت والمدرسات طلعو صرخت البنت ونادت باعلى صوتها لكن لاااااااااااااااااااااااااامجيب تأخرت عن ردتها للبيت وسأل ابوها الحارس قاله ان كل اللي بالمدرسه طلعو بلغ الشرطه وحط اعلان بالجريده عن تغيبها وحط صورتها لكن بدون اي رد صار الصبح وبدا موعد المدرسه قعدو المدرسات يتريقون ويسولفون ويضحكون قالت وحده من المدرسات : ماشفتو جريدة اليوم حاطين ان طالبه راحت للمدرسه وماردت قامت المدرسه المجرمه وصرخت باعلى صوتها وركضت بسرعه للدور الرابع اللي فيه الحمامات وشافت الحمام مقفول صرخت وصرخت تعجبو منها المدرسات وكسرو الباب والا البنت منسدحه على الارض وفاتحه عيونها وميته وكان مبين عليها الخوف انهارت المدرسه بس شعقبه طالب والد البنت باعدام المدرسه وفعلا انعدمت وحس الابو بالندم وانه السبب بكل اللي صار حق بنته الله لاااااااااااااااااايسامحها يارب
لا حول ولا قوة إلا بالله العلي العظيم الله يرحمها ويغفر لها ويصبر قلب والديها يارب يعطيج العافيه على الموضوع (( عورتي قلبي ))
حسبي الله ونعم الوكيل حتى لو البنت ماحلت الواجب ماتاصل لهالمواصيل بعض المدرسات عبالهم التدريس رئاسة مادرو انة رسالة والمادة مهما كانت صعبة المدرسة بشخصيتها المرحة تحببج فيها
تذكرت سالفه أول التحرير بنت ما حلت المسأله قومي يالابله نادي الفراشه وأخذي مساحتها وطق بالبنيه فيها وأحنا مالت علينا ما دفعنا عنها بس قبل ما نتجرأ نكلم الأبله عكس الحين بس البنت علمت أبوها وعلى طول شكوى بالمخفر والسالفه بالجريده
حسبي الله عليهم ولد حماتي طاقه المدرس على بطنه ليما ورمت جبده والحين لهم 8 سنين بلندن يدورون متبرع بالجبد مولاقين والمدرس حي يرزق لا حول ولاقوة الا بالله
