السلام عليكم ورحمة الله وبركاته حبايبي عندي عدة مشاكل في طبخي اول مشكلة : اني ما اضبط المرق يعني بسوي مرق بطاط مع دياي ، او بسوي مرقة ربيان كلش مايضبط احس يصير ماصخ وجنة ماي يعني ماله نكهة معينة شنو اسوي وشنو البهارات الي استخدمها ثاني مشكلة : الربيان لو شنو اسوي ربيان مشوي، مقلي، مربين، مرقة الربيان يطلع مو شي يصير جنة بلاستيك ماني عارفى شنو اسوي بصراحة عفية الي تعرف شلون اقدر اتفادى هالمشاكل بالطبخ لا تقصر معاي
حبيبتي على طريقة طبخج كثر ماتبين الاكل يكون حلو كثري البهارات تلقين بالجمعيه بهارات مشكله حمسي بصل وحطي فوقه الطماط وبعدها البطاط وقصري على النار وحطي الدجاج اذا مثلن نص دجاجه انا احط 3 ملاعق كبيره بهارات لئني اخاف من ريحت الزفره وقطعت ماجي والملح حطي ملح ناعم بيدج يعني قبضت ملح بيدج جذيه انا احط يطلع مالح شوي بس حلو واغلي الماي وخليه يادوب يغطي الدجاج وخليه يطبخ وجيكي عليه كل شوي لاينشف الماي وبس تستوي الدجاج عاد كيفج تشوينها تقلينها براحتج وبس اما الربيان مو من ربعه انا واتمنى اني فدتج ياقلبي وموفقه خير
حبيبتي اذا تبين بهارات شغل عدل روحي مطحنة سمراء عدن بالديره صج ماكو مثل بهاراتهم واخذي ملوت المرق وملوت الربيان وملوت البرياني والسمج والمجبوس وراح تدعيلي اهو يعلمج كل شي وشوفي الزحمه عندهم ماشالله
حبيبتي مرق الدجاج سوي طريقتي وان شاالله ماراح تندمين قلي الدجاج بالقدر لين يتحمر من الصوبين وبعدين حطي عليه البصل وقلبيه لما يتحمر شوي حطي الثوم وقلبيه عدل وبعدين حطي الملح والكركم والبهارات انواع واجد بالجمعيه وحطي ملعقتين وقلبيه عدل وحطي الخضره الي تبينه وحطي فلفل بارد ترى يهبل بالمرق وحطي معجون الطماط علبه وغطيه شوي بعدين صبي عليه الماي وخليه يطبخ لما يصير المرق رايب ثقيل وقصري النار وخليه على راحته وعاد انتي ذوقي الملح اذا زين او يبيله زياده اتزيدينه والربيان حبيبتي يصير كانه علك لان الربيان كثر الطبخ يخليه يصير كذا
اذا طحنتي بهاراتج بالبيت تعطيج طعم خياااااالي انا كل شي اسويه بالبيت واسويه على قدي ما اطحن وااايد عشان ماتروح الريحه جربي هالشي وادعيلي هاذي مشكله طعم الاكل وحليناها ثاني شي اذا حسيتي ان المرق ماي مايوه حطي عليه قفشة اكل كويكر بس قفشه 1 وراح تشوفين تقبه يصير حلو ولازم تذوقين اكلج عشان تعرفين شنو المشكله والمشكله الاخيره حلها جدا بسيط الربيان مايبيله طبخ وااايد عشان جذي يصير مثل البلاستك وعقب هالنصايح ابي اشوفج طباخه .... ان شاء الله استفدتي
والله اذا تبين نصيحه في مكانها انصحج بالاتي ......... شوفي لج وحده طباخها يعجبج وقعدي يمها وهي تطبخ وهني راح تعرفين الطباخ العدل
