غطاااااي كويتيه مسااابقه (حيااااكم )

السلام عليكم ورحمة الله وبركاته
سلووونكم انشالله بأحسن الاحوال يارب
انا اليوم جايبه لكم خوش لعبه واهيا غطاااااي كويتيه قديمه وانا بحطلكم غطايه والشاطره تحلهااا وراح نحسب نقاط الي تحل الغطايه وكل وحده تشوف قدرتها على حل الغطايه واللي تحلها انا اقولها اذا صح ولا غلط واذا صح تاخذ نقطه وانا احط غطايه ثانيه
يالله نبدي اللعبه​

الغطايه
اذا تليت حزامه ، تهلهلت عظامه

معنى الكليمات للي موفاهمه هههههه ( تليت : سحبت ، تهلهلت : تناثرت )

شفيكم بنات لي هدرجه الغظايه صعبه ههههه

شنو اسهلها

الجواب: الخيمة او بيت الشعر


قولي صح.....

تو ما نورت اللعبه بمشاركتج
صـــــــــــــــح الاجابه

الغطايه الثانيه

منحازنا منحاز حلب ، نصه شاخ ، ونصه ذهب

معنى الكلمات : منحاز : إناء ، نصه : نصفه ، شاخ : فضة
النقاط......

ام عهود #

النور نورج غلاتي..

الجواب الثاني..


البيضة.....................قوووووووووووووووووولي صح

صح حياتي

الغطايه الثالثه

إذا أكلت أوله مت ، إن أكلت آخره مت ، إن أكلته كله عشت .

النقاط......

ام عهود # #

هههههههههههههههاي

السمسم



وناسة ...

ههههههههههههه ماشالله يبيله ام عهود بالمخيم وتسيرين من الفريق اللي انا في اكون هههههههه وحده مصلحجيه
صـــــــــــــــــــــــــح
الغطايه الرابعه

بنت الملك لابسة ألف تنورة ، و جالسة في الجورة

النقاط......

ام عهود # # #

اووووف..عاد انا مثلج بهالسوالف ...كل اسبوع بالبر ومحد يغلبني...



الجواب

الملفوف...

ههههههههه صـــــــــــــــــــــح

الغطايه الخامسه

واقف عالحيطة ، لابس برنيطة

النقاط......

ام عهود # # # #

المسمار ...
مو شكلج حاطة المسابقة بس لي..؟؟؟؟
وين البنات ليش محد يشارك؟؟؟


ابي منافس
هههههههههه

هههههههههههههههه اي والله شكلهم مايحبون الغطاوي او مايحبون التفكير

الاجابه صــــــــــــــــــــــــح

الغطايه السادسه....

يسقط بليا صوت .

النقاط......

ام عهود # # # # #