غفيت و أنا أسمع الأذان وتحلمت بعمة أمي المتوفيه....

الــســلااام عــلــيــكـــم

يــعــطـــيـــج الــعـــافـــيـــه أم مــحـمـــد

يا قلبي أنا كنت منسدحه على سريري أنطر الأذان يخلص و يقوم عشان أصلي الفجر

((اليوم الإربعاء 26/5/2010)) بس غطيت نمت و أنا أسمع الأذان وتحلمت أني أنا فوق جبل و عندنا خيام

بالحلم خيامنا إن إحنا مخيمين فوق الجبل و طليت من فوق الجبل لقيت خيام ثانيه هم خيامنا بس حق

ناس من جماعتنا و سألت أمي ليش إحنا فوق و هم تحت الجبل قالت أمي أهم يبون معانا بس ما

يقدرون وحطوا خيامهم تحت عشان يكونون عندنا قريب ولفيت على يساري لقيت حريم يتمشون ما أذكر

منو بس ميزت منهم خالتي أم عبدالله و أمي وحده بس ما أذكرها ويطالعون يمينهم وقالوا منوا جاينا

ولفيت يميني شفت سيارتين جاين صوبنا وحده رصاصيه سابقه السياره الثانيه و لونها أبيض و نزل خالي

حالي الكبير من السياره الرصاصيه و أنا أرفع صوتي و أقول هذا خالي مطلق

(( خالي بالواقع مريض فيه كسر أو رضوض وتوه يطلع من المستشفى بالظهر و جابرينا له))

و أنا مستغربه بالحلم أقول شلون يسوق ما يقدر

وراحت أركض أسلم عليه وأتحمد لله بالسلامه بس أمي سبقتني و خالتي أم عبدالله سبقتني وسلموا

عليه وتحمدوا له بالسلامه أنا رحت بسته على خده و على راسه وقلت له سلامات ما تشوف شر

الحمدالله على السلامه و السياره الثانيه فيها ولد خالي الثاني و ولد خالي أسمه محمد ومعاه زوجته

وأنا أقول ما شاء الله جاينا محمد مع زوجته شنو الطاري (( علما بأن ولد خالي وزوجته ما نشوفهم إلا

بالمناسبات بس وعندهم بس ولد واحد و ألحين زوجته حامل)) ورحت سلمت على زوجته و كانت بالحلم

عندها ولدين عيالهاالكبير و معاها واحد ثاني صغير وكانت قاعده على طرف الزوليه و قلت لها قومي

أسوي الزوليه لج عدل عشان تقعدين عدل قالت لا عادي بس أنا أصريت و عدلتها لها وكانت زوجته

بالحلم مالها خلق و عيالها مأذينها و بعدين صرنا في بيتنا أنا و أمي و خالتي أم عبدالله وأطالع بيتنا

متغير قلت لأمي ليش بانين على البنيان (( في الواقع إحنا بيتنا ثلاث أدوار وربع )) وبالحلم

كملوه لأربع أدوار بالكامل و أثار الخشب للبنيان على البيت من برى قالت أمي البنات أذوني

كل وحده تبي غرفه بروحها وسويت الرابع كل غرفه مع حمامها لهم قلت والله معطينهم وجهه

و فجأة صرنا داخل البيت و كانوا معانا عيال خالتي إحنا حيل معاهم واحد فيهم كان توه طالع من

الحمام لاف فوطه على خصره لي نص رجوله وكانت لونها بني وداخل غرفة أخواني وبالحلم

الغرف لأخواني ولهم ولا أشوف عمة أمي المتوفيه(( أم أمي بالرضاعه مرضعه أمي ))

(( متوفيه أول شهر 2 / 2010)) وكانت تمشي وتشتغل تخم وتشيل الأغراض اللي طايحه و

أنا خفت حيل ومتخرعه وقالت لها جدى شنو تسوين قالت أرتب أشتغل قلت لها أنتي تعبانه ليش قمتي

من الفراش قالت تعبانه لا مو تعبانه الحمدلله ما فيني إلا العافيه وكانت بصحتها و عافيتها وكانت نشيطه

حيل ومستانسه و فرحانه قلت بنفسي ياويلي هذي صحوت الموت إللي يقولون عنها أن المريض يمرض

حيل بعدها يقوم ما فيه شيء عادي وبعدها يموت ياربي جدتي بتموت صحت صحوت الموت و بتموت و

كنت خايف و ببكي ما أبها تموت ورحت أركض أدور خالتي (( خالتي تصير حق عمة أمي المتوفيه مرت

ولدها الكبير )) ورحت طليت بالغرفه لقيت خالتي تبي تنام على السرير وكان على السرير ثلاث مداليات

فيهم مفاتيح واجد كل مداليه بصوب وكانت خالتي بتنسدح عليهم على بطنها وكانت فيه بعد ميداليه فوق

الكمودينا بعد فيها مجموعة مفاتيحه قالت هلا خير شنوتبين تناديني قلت لها بخوف جدتي قامت تمشي

من فراشها ما فيها شيء ترى بتموت هذي صحوت الموت بتموت بتموت قالت خالتي لا ماعليج تراها

طيبه بخير و عافيه قلت لها بس هذي صحوت الموت ضحكت ونستحد على بطنها فوق الميداليات الثلاث

أدري طولت عليج بس الحلم هذا كان بألوان وكانت السماء لما كنا بالبر صافيه و حلوه وبعد كانت السما

لما وقفت مع أمي وخالتي بحوش البيت أسأل أمي عن البنيان كانت صافيه وحلوه وكان لون بيتنا بيج

بصفار برتقالي بالحلم وبالواقه بيتنا بييج في بني

أرجــوا التفسير يالغاليه لأن متحلمه بعمة أمي المتوفيه

جزاج الله خير ما قصرتي وسامحينا اذيناج يالغاليه

أدري الحلم طويل بس بعرف شكوا كل أللي أعرفهم مره وحده و بنفس الحلم

و شنو الحكمه من الحلم أبي التفسير بارك الله فيج يالغاليه

و جعله في ميزان حسناتج

اخيتي الغالية الرؤية جدا طويلة بس ارجع لها بوقت ثاني عيوني تعورني اليوم
وان شاء لله خيير

ما تشوفين شر يالغاليه سلامات

و عساج على القوة إن شاء الله

سؤال هل الألوان بالحلم لها معنى ؟

السموووحه والعذر أدري الرؤيه طويله

بس لأن الرؤيه كان وقتها على أذان الفجر و أكثر معارفنا

كانوا بالرؤيه

أكرر إعتذاري يالغاليه

السموووحه

جزاج الله خير أم محمد التفسير بارك الله فيج

في إنتظارج يالغاليه