السلام عليكم ورحمت الله حلمت أن بنت جيرانا إلي تربطنا علاقه بهم من ١٥ سنه وأول مره أتحلم فيها وراح تتزوج بعد ثلا ث أشهر أسمها عزلا رايتها في الحلم كأنها زايرتنا في بيتنا عشان تطلع معنا لسوق وكنت أنا وياها في غرفه وأخذت أنتقدها بس ماأذكر وش النقد إلي أنتقدتها أياه كأني زعلانه منها وطلعت كل حرتي فيها فجأه البنت إغمى عليها وقلت لصغر خواتي جيبي لها ماء فجأه صحت وقلت لختي حطي الماء جنبها وقامت البنت وطلعت وطلعنا أنا وأهلي وراها على أساس بنطلع لسوق وكان معنا رضيع مولود في عربانه دفيته وكأنه في الحلم أخ لي بس كان عليه شرشف خفيف وقلت لأمي ليش ماغطتوه برد عليه هاوشت أمي خواتي وقالت جيبوا إلحاف وجابوا بطانيه وغطوا الرضيع إلي في عرابه وقلت أنا لأخوي الكبير السائق أفتح موأخره الصالون عشان أحط الرضيع وفتحلي وطلع الطفل في الخلف وأغلق الباب وركبنا وصلنا لمكان مثل السوق فيه مطاعم وبوفيات وأمي كانت تمشي وأنا وراها أمشي وقفت عند كشك تشتري منه وأن الفت نظري وحد عنده كشك من زجاج بشكل دائري فيه دجاج كثير مسلوق واقف يقطع في وحده وأحسيت أن ماعلي حذيان وفجاءه ألأ أخوي جايب كيس من سيارتنا فيه ثلاث أنواع من الحذاء واحد منهن لونه أبيض لبسته على طول كان المقاس زين حسيت أن أمي كمان تبي حذيه بس ماخذت وأنتهى الحلم علما أني متزوجه وعندي بنتين والألتزام وسط
مساء النور أم محمد فسري لي الحلم الثاني حلمت أن أمي شايله بنت مولوده في لفه بيضاء وحلوه كثير وأقبلت عليها وقالت لي متي بتاخذين بنتك عاد وأنا في الحلم كأن هذي البنت بنتي وأنا ناسيتها مع أمي من زمان قلت لها ياالله نسيت ياأمي أن عندي بنت توني ذكرتها وحز في نفسي أني راح أخذها من أمي وهي إلي مربيتها قالت تدرين أن عمرها صار ثمان اشهور وأنتهى الحلم
الرؤية تدل والله اعلم على وجود معانات عندك ستنتهي وسيظهر لكي سعد وهناء ودنيا طيبة على حين غفلة والله اعلم
