مرحباااااااا بنات شلوووونكم حبيييييت أسألكم في وحده عندها فكرة لعرض ذهب العروس أو تعرف أحد يبيع أو يأجر شي يعرض فيه ذهب العروس أو حتى شفتي فكرة لعرض الذهب اوصفولنا أفكاركم وخلونا نستفيييد:teeth_smile:
انشا الله يفيدونج البنات انا ماعندي افكار بس اللي اعرفه ان بوابة الهدايا يسون شغلات وايد حلوه وبسوي عندهم حق عرس بنتي
توني مسويه فكره حلوه حق عرض الذهب حق اختي وكلهم انهبلو منها وهي عباره عن حديد مطروق نفس الشجره وعليه استاندات لعرض الذهب فكره جديده اذا بشوفينه راسليني علي الخاص
حبيبتي انا طريقه عرض ذهبي كانت وايد حلوه بس قبل 3 سنين يمكن قديمه تعرفين عربانه القهوه والشاي شريتها من التراث الهندي وكانت خشب وديتها بوابه الهدايا وزينتها وحطيت اطقمي فوق وتحت وافترت فيها اختي عالموجودين وكنا فاتحين الصناديق وهم اختي عرضت ذهبها بطريقه حلوه تعرفين الفازات الشفافه الي بمحلات الورد حق البوكيهات ترستهم صخر ملون مال احواض السمج وحطت سمج صجي وزينت الفازات بطريقه ذربه وحطت الاطقم فوق كل فازه ويقولون السمج يوخر العين فعلا احنا قب اي احد يشوف ذهب اختي كانوا سمج يموتون سبحان الله اتمنى اعرف اوصف عدل
