السلام عليكم شلونكم بنات ان شالله بخير ابي اسأل عن القهوه الخضراء لتنحيف احد جربها وشلون صارت النتيجه معها ومشكورين
والله انا جربتها صج تسد النفس وتضعف وااااااااااااايد بس كنت لاني مااكل شي كلش وايد عصبيه وبسرعه ابجي على اي شي احد يقولي ياه وحتى ماشربت كل العلبه بي جم وحده شربتهم ونزلت حتى الكل صار يقووولي انتي واااااااااااااايد ضعفانه بس مره قلت حق ريلي طعمها مو حلو قال خل اجرب اذوقها شربها وقال طعمها عادي قتله عيل اشوه اليوم ما اطبخ ماراح تاكل بس نفس الوقت قالي قومي سويلي غده يوعان قتله انت ديناصور مو ادمي مع ان ضعيف بس مافادت ولا حس فيها فمادري بس انا صج ضعفتني
سوسووووووووووو < < مشكوره اختى على التوضيح 00 انا جربتها لكن ما ضعفتنى الا لمن سويت صرت اخفف وما اتعشي00 نزلت شوى اختى نوارررررررره >>> جربيها حلوه
القرار >>>>>>> مشكوره على المرور 00 يالله بنات فيدونا بالموضوع اللى يمر الصفحه رهف نو <<<<<<<<<< خرعتيمى بس اهي مو قصدهم القهوه العاديه هذى اميركيه غير فيها مجموعه اعشاب
انا مجربتها صار لي ماخذ ه علبه ونص ومع ريجيم وشويه رياضه مو وايد لانه الجو صار حار وما اقدر امشي ..اهي شوي تسد النفس بس اتييب الاعصاب انا صرت عليها وايد عصبيه ونرفوزه وما اتحمل اي شي ........نزلت عليها بس مو وايد واحس اللي نزلته ما يسوا بالنسبه للعصبيه اللي صارت معاي .. وعلى فكره نزلوا بالجريده خبر من وزاره الصحه انها مو زينه وتاثر عالمخ فديري بالك اختي ..
سسلام صراح انا جربتها قبل عرس اخوى وكانت روعه تحسين فى مفعولها من 3يوم من استعمالها انا ما عندى اى فكره عن مضارها صارلى كم يوم باديه بالعلبه الثانيه اتمنى لج التوفيق
هلا والله بسيدات الكويت 000 شلونكم------------------طيبون انشاء الله ------ بصراحه بتحجى عن اخر قنعاتى بالقهوه والله ما نفعت معاى الا برجيم وهمن تسبب لى العصبية واللى تنزله ما يسوى وهمن خفت منها لانها مضارها على المخ الله يستر ويعافينا 000 يبه مافى مثل سدت الحلج على قولة امى والماى والمشي 000 بس من نسمع عن حبوب ولا قهوه ولا جاى يضعف سيدا نروح له صج حق تجارب صرنا ------------------- واخيرا الله يساعدنا ويقوى ارادتنا على الرجيم ----------------
اختي شاريتها وقالها مايحتاج تسوين رجيم وراح تنزلين 7 او 8 كيلو بالشهر بس والله العظيم مانزلتها مع انها مسويه رجيم وماتاكل ورياضه بس نزل وزنها 2 كيلوواكيد نزولها من رجيمها والرياضه
انا فاداتني حيل مو شوي ، والكل لاحظ ، وانا قبل لا اسمع عنه كنت اشوف بنات الدوام ، واقول داخل قلبي ما شا الله حييييييل ضعفانين ، بعدها دريت انهم يشربونها .
صباح الخير صباياا كيف حالكم .. انا صار لي ثالث يوم اخذها واحس فتحت شهيتي اكثر للاكل .. الله يستر بسألكم كم سعرها عندكم بالكويت
انا جربتها ونزل وزني عليها من اول كرتون بس وبعدين وقف وزني بس سبب لي وجع بالراس مو طبيعي والمعدة ونصيحتي لج لا تجربينها
