السلام عليكن ورحمة الله وبركاته هالموضوع منقول لعيونكن وهذا نص الموضوع الأصلي : ونستني اجمع احلى الوصفات لعيونكم اليوم عندي لكم وصفات للبياض الفوري .. اتناسب الوجه واليد أو الجسم .. مثل ماتحبين استخدامها تنفع للعرايس اللي ايدورون تبيض فوري .. وخاصه الخلطه الثالثه راح اتساعدهم وايد ملاحظه مهمه: ((اسخدمي خلطتي المفضلة وتقدرين تحتفظين فيها بالثلاجة وأي وقت حتى لو 5 مرات باليوم ما يضرج بإذن الله وانا استخدمها بعد الحف بعد كل وضوء للصلاة الخطة او اي وقت ثاني انتوا فاضين فيه)) ماطول عليكم .. اخليكم مع الخلطات : الخلطه الأولى: 1 معلقة زيت زيتون 1 ملعقة هردة (طحينة) 1 ملعقة روب (زبادي) اخلطيهم بالملعقة و احتفظي بهم بالثلاجة ما شي مشكله بس والله انه الخلطة اتبيض "بياض فوري" ونفس الوقت .. حتى عادي تنحط على الجفون وكل الوجه حتى الفم يعني بعض الاماكن الحساسة الخلطه الثانيه: الليمون والجليسوليد ممتاااز لكن نتائجه بطيئه بس رووعه 1. اعصري الليمونه .. وخذي عصيرها واخلطيه مع جلسرين .. واستمري عليه فتره يعني اقل شيء شهر .. مرتين في اليوم .. والله العظيم اختي مستخدمتنها .. روعه واجنن .. كانت عروس .. وكانت في قمة الصفاء والبياض .. خاصه اماكنها الحساسه (الكوع والركب وغيرها) .. لانها استمرت مايقارب 3 شهور .. وكانت النتايج ولا أروع ^_^ الخلطه الثالثه (للعرايس روعه) صابونة دوف تبشرينها بالمبشرة .. نص كوب ماي ورد.. 5 ملاعق جلسرين سائل .. عصير ليمونة .. مرطب فير اند لفلي للجسم أصغر حجم(يفتح ويرطب الجسم) 5ملاعق زيت اللوز الحلو (هذا مفتح للجسم) 1.نجي للطريـقــــــــــــــــــة .. انقعى صابونة دوف فى ماي الورد طول الليل والصبح حطية على النار مع التقليب لغاية ماتلاقى الصابون صار نفس الكريم ضيفى زيت اللوز وومكن لو مالقيتيه تضيفين زيت زيتون بداله والجلسرين وقلبى شويه واطفى النار وبعدين ضيفى عصير الليمونة ومرطب فير اندلفلي و وقلبى مضبوط وحطى الخليط فى علبة زجاج .. 3. طريقة أستخدامها .. أدهني كل جسمك بالخلطة لأنها زي الكريم راح يتشربها جسمك خليها لمدة 4 ساعات على جسمك بعدين بللي الليفة بس وادعكي جسمك منطقة منطقة تلاحظين أنها طلعت رغوة ماعليك كملي الى أن تنتهي وبعدين آخر شي لاخلصتي من الدعك أغسلي جسمك بالماي وشوفي كل الشوائب اللي في الجلد تخرج مع الدعك رووووعه بصراحه وحتى ريحتها حلوووووه يعني ماتضايق أبدا والأستمرار عليها يصفي وينعم الجسم بجانب تبيضه أصلا من أول مره تلاحظين جسمك يلمع بعد الأستحمام .. وتكفي هذي الكمية مدة طويلة يمكن لمدة شهر ونص .. وبالنسبة للملاعق أقصد بها ملاعق الأكل اللي ناكل بها .. وكل ما استمريتي راح تعطيك جسم لامع وأبيض من المره اللي قبلها .. ^_^( عسل بو ظبي) منقوووووووووول
