ليه تبعد وانت قربك يوم عيد وليه ترخصني وانا مغليك يا سمح الجناب ليه تقسى وانت لين والقسى همك بعيد وليه فصلت لجمودك من شرايني ثياب وليه فجاءة تنسحب من دون شرط ومن دون قيد وليه تلغي ما يسمونه شروط الانسحاب وليه وليه تترك ظنك الظالم على راسى يذيب وليه ما واجهتني وخذت من راسى جواب وليه غبت وليه رحت وليه تتركني وحيد وليه ما حنيت قلبي من كوابيس الغياب ما دريت انك وريد الدم او دم الوريد يعني العيشه بدونك ثامن العجاب وما دريت اني اعشقك صدق يا العشق العنيد وان ما قبلك يسمى ايش يمكن نزوة شباب يعني معقوله ما تدري لا لا لا شئ اكيد انت تدري بس وش سر الانقلاب الله اكبر ما انت خابر ليله العمر السعيد يوم كنا نكتب الذكرى على غلاف الكتاب وين كنا وين صرنا وليش والا ليه اعيد المشكله غاب وبعد كل ما يذكرني فيه غاب لا سؤال ولا وصال ولا اتصال ولا بريد حال يكسر خاطر الميت وهو تحت التراب منت والله مستفيد ولاني والله مستفيد ما كسبت الا عذاب ولا كسبت الا عذاب والاكيد اللى عليه احلف واقول انه اكيد ان قلبي من فراقك ذاب وذاب وذاب مما راق لي
