::صباح الور قبل لا ابداء بمشكلتي اوجه تحيه لكل العضوات بعد قلبي ماتقصرون والله يخلي الكل والجميع ويرزق الكل على قد نيته وتحية لحبيبتي ام عبدالله اللي ما استغني عن اراها المميزة انا مشكلتي ساكنة مع اهل زوجي طبعا الكل عارف البيت اذا فيه اكثر من عائله تكثر المشاكل فيه انا مشكلتي الاولى القيل والقال بالذات من زوجه حماي اللي ساكنة معاي بنفس الدور ماتخلي احد تدخل بين الكل والمشكلة تعرف تشربك خيوط وتموت غيرة اذا شافت اي وحدة فينا مرتاحة مع زوجها وخالتها بالذات وزياده على هذا عينها الحارة اللي **رت اغراضي وشقتي من حرارتها المشكله الثانيه هي عندها ولد عمره 3 سنوات لكن الله يحفظة هذا مو شاق القاع وقايل امبااااااااااع لا هذا كلمة شيطان شوي عليه حتى يرانا يتشكون منه ويطق طق مو طبيعي حتى اذا شاف ياهل مع اهله مايخاف لازم يمشع شعره يو زاروني بنفاسي في بيت ابوي طق ولدي مرتين على راسه عاد انا متعوده انزل اقعد مع خالتي الظهر او المغرب الحين وايد خايفة بصراحه على ولدي منه ومشكلتي وايد استحي اتذكر وديت ولد اخوي ذبحه طق وطيحة من فوق السرير بط راسه ، انا الحين اذا رجعت ماابي انزل تحت واذا مانزلت احس زوجي بيزعل لان بيكلمونه اهله ليش ماتنزل وما ادري شنو و بيزعل والله مب مشتهيه ارد شقتي مع اني كملت نفاسي من جذي وخايفة تلصق فيني زوجه اخوه فشله اطردها او ما افتح لها الباب واخاف على ولدي وهي الله يحفظها ماتتحرك لولدها لان عندهم كله ياهل يمزح غيران هذا موكلام المفروض يكونون شديدن معاه لان صج يخرع :sad_smile: ابي شوركم خواتي لا تقصرون معاي شلون اتصرف:emoticon_U:
يعني انتي حطيتي المشكله وبنفسج حطيتي الحل خلاص ...ولدج ماينزل تحت الا اذا انتي معاه واذا ريلج قال ليش او علق على الموضوع حاولي تشرحين له الوضع بهدووء وفهميه انه حل مؤقت لغاية مايكبر ولدهم وتتعدل اخلاقه وانج خايفه تخسرين خالتج بسببه ربي يحفظج ويعينج على بلوتج
لا نزلي ونزليه معاج وقولي حق ريلج يزفه او يكلم اخوه لاتزفينه انتي عشان ماتتمشكلين معاها واحس خالتج ان شافت ولدج ينطق مابتسكت بتزه ولد حماج وحاولي ت**بينه ترا ياهل قوليله هذا اخوك او عطيه ككاو **بيه خليه هو اللي يحامي عن ولدج نزلي. وولدج معاج وان بتقهوين او شي خلي خدامته عنده وان شالله خير وحمدلله ه علا سلامتج يالغلا
هلا حبيبتي طالعة من الشر يارب وحمدلله ع السلامة . . . الاخوات ما قصروا إما تخلينه فوق اذا عندج خدامة وإذا ما عندج خلي ولدج بحضنج ،ولاتنسين نزلي وياج كاكاو او عصير اول ما يبي يقرب من ولدج عطيه شغله وقوليله حبيبي يالا اخذها وروح العب واستانس . . . وإن حاول يمد إيده ع البيبي بيكون بحضنج انتي انتبهي للبيبي لا تخلينه بعيد عنج اي حركة مباغته منه صديه وقوليله لا ماما هذا بيبي صغير . . . واكيد خالتج بتشوف الوضع والياهل المؤذي وخصوصا اذا ايذاءه لبيبي صغير مافي احد بيسكت عن الغلط وخالتج بيكون لها موقف . . . والله يعينج ويصلح ما عطاج ويهدي ولد حماج . . . وبالنسبة لمرته ام عين حارة مروا على هالاشكال اللي عينها حاره ارقي نفسج وولدج دايما وتوكلي على رب العالمين ولاتنسين اذكار الصباح بتقيك من كل شر بإذن الله . . .
والله. فيكم الخير. وأنا مابذيد على كلام. الأخوات. الله يعطيهم. العافية. وخديها. نصيحة مني. خليك. رسمية. مع أهل زوجك. ولا ترضين. على. أولادك مهم صار. تحياتي لك
