مدرسة فنية؟

انا متخرجة من جامعة الكويت كلية البنات تخصص جرافك ديزاين

اذا بشتغل مدرسة بكون مدرسة فنية ... بس قالوا يمكن مالي كادر
شنو الكادر و ليش يمكن ما يكون لي كادر و اساسا جم الكادر
و اذا مالي كادر جم بكون معاشي؟



و شنو احسن مرحلة للتدريس؟ بالتحديد شلون المتوسط ؟ و ابتدائي اولاد؟
اللي يكون شغلة خفيف ،، لأن أخطط آكمل دراستي كطالبة بدوام نصفي


سمعت ان صج مدرسات الفنية منهجهم خفيف .. لكن مكروفين بالمسابقات ، و الاحتياطات ، و تحضير المناسبات
صج؟


انا قدمت الحين على الديوان .. شنو الخطوة اللي وراها؟ و هل اقدر انا احدد المدرسة و المرحلة ولا لازم واسطة؟


و غير هذا انا حامل الحين بالثامن
"دعواتكم"



رفيجتي تخرجت قبلي ، قدمت على الديوان اقبلوها عقب شهرين
لو صار لي مثلها بكون توني والدة او حدي موصلة

و انا بصراحة ودي أريح عقب الولادة شهرين \ ثلاثة ، لو ستة شهور احسن بعد

و سمعت ان الوالدة ممكن تطلع عشان ترضع .. شلون هالنظام؟


فيدوني بآي معلومة تعرفونهاش

يا ريت تكتبون لي كل شي بالتفصيل



مشكوووووورين
:*****

موفقهـ ,,أنشـــاء الله البنات يفيدونك :rose:

ليش جذي محد يرد .. معقولة مح يعرف ولا معلومة؟

" الكادر لجميع المدرسين مهما كان التخصص او الشهاده دبلوم النظام القديم او البكالوريوس فالكادر مرتبط بالمدرس مثل العلاوات "

" تحديد المرحله حسب المقابله التي تتم او حسب الشهاد اذا كانت محدده بمرحله والواسطه لها دوووور اكيد بتغيير المرحله او تحديد ايضا المدرسه "

" مافيه شيء اسمه ساعات الرضاع قبل كان حسب المسؤل المباشر والان مافيه الا اذا الناظره ارادت المساعده فقط "


" احسن شيء يتم تعيينج قبل الوضع علشان تباشرين وتتمتعين باجازة الوضع شهرين مدفوع اجرها وبعدها اصلا اجازة الصيف بس الاجراءات يمكن تطول "