مساء الخير حبيباتي : أنا مديرة مساعدة في مدرسة ابتدائية . مشكلتي تأخير الطلبة عن طابور الصباح . مديرتي تطلب مني ايجاد حل لهذه المشكلة واستعملت كذا طريقة بس مافي فايدة . أفيدوني جزاكم الله خيرا بخطة عاجلة نافعة . خايفة لاينزل تقديري .
سلام مشكلتج بكل مدرسة صعب تحلينا بس أذا كتبتي الطلبة تعهد علشان ما يكررون التاخير و سوتي مسابقة لتشجيع الطلبة على الإلتزام يمكن تقلليل هذة الظاهرة ...
احنا وكيلتنا سوت جائزة لاول 3 طلبه يدخلون المدرسه وفعلا اعلنت عنها بالطابور وصار تنافس وقل العدد وايد وكل يوم نكرم 3 بالطابور طبعا بشي رمزي ويحبونه
هلا اختي . . . والله هالمديرة تبي حل سحري للمشكلة !! أختي . . . أنتِ تتعاملين ويا فئات وأسر مختلفة لكل أسرة ظروفها الخاصة وطبيعتها . . . يعني ماتدرين عن ظروفهم . . . أول خطوة تسوينها تسجلين أسماء اللي يتأخرون وبعد اسبوع شوفي الاسماء اللي تكرر تأخيرها منو ؟ تواصلي مع اهلهم وحاولي تعرفين سبب التأخير . . . وهم بعد اقتراحات الاخوااات مجدية حاولي طبقينها . . .
يالغلا لا التعهد مو دايما يفيد لان انا اعرف وايد بنات ياخذون تعهدات ويعاندون الاداره يالغلا سوي مسابقه اول عشر بنات ييون المدرسه لان ثلاث بنات صعبه من بين جم طالبه وان شاءالله الخوات يفيدونج بس انا طالبه وادري هالموضوع ما راح يفيد احنا مدرستنا معروفه وادارتنا متميزه وكل سنه حاصله عالتميز مشالله في تاخير الطالبات مرتين يعني مره عشان ما يخرب الطابور من 7.25 لي ورا تحية العلم تدخلهم وما تكتب اساميهم وفي ورا تحية العلم الي ييون يسجلون اساميهم وترا بهالطريقه بتقلل من التاخير والي تتاخر ثلاث مرات تعهد وست مرات استدعاء ولي امر وتسع مرات فصل او تنحرم من الامتحانات واتمنى اني افدتج
