السلام عليكم حبايبي أنا عندي مشكله بزوجي وايد مأرقتني وهو كرش زوجي ومتنه والمشكله عمره صغير وخايفه عليه من الامراض ولا هامه شي أكلمه عن الرياضه وعن الريجيم والله ولا كأنه يسمع والله مليت منه ولا يتحرك ويوم عن يوم يزيد متنه ويكبركرشه أبا طريقه تخليه يقتنع والله ماأكذب عليكم أدعيله بقيام الليل الله يهديه ويقتنع والله السمنه مشكله والله لدرجه اني قلت له انته مب حرمه تيلس تاكل وما تهتم بجسمك ع الاقل امش ساعه وبمشي وياك من ساعه تقريبا اقوله اييب لك ملابس الرياضه ونروح نمشي قال لا انا مب مقتنع ساعات افكر اتركه والله استحي اطلع وياااااه الناس تيلس تتطالعنا انا احس جذه ساعدوني بطريقه فديتكم لاني صدق ملللللللللللللللللللللللللللليت أستغفر الله العظيم واتوب اليه
كل يوم عالغداء وعالعشاء سويله انواع السلطات والعصر كثري الفواكه واشتري جهاز رياضه يسويه البيت وان شاء الله يضعف
تتركينه عشان متين .. كل هذا عشان نظرة الناس لج وانتي مالج شغل بالناس اهم شي راحتج النفسيه وياااه وترى الرجال صابرين على اشياء واجد فينا ويقدر بتزوج بدالج اربع نصيحتي لج ابعدي عن هالحل لان الرجال مايضيعون والبنات كثرو وعلى أفا من يشيل يدورون الستر .. انتي حاولي تغيرين من نظام حياته هذا اذا تبينه وتحبينه وراغبه في تغيره لمصلحته مو عشان شكله موعاجبج يعني تسوين له خفايف والخبز تقللين منه يعني ياكل خبزه بدال خبزتين كمية الاكل لاتكثرين له وحطي له مع الاكل بذرة الكتان تسد النفس وبعد في طريقه بشراب بذرة الكتان ماني عارفتها سوي سيرج بالنت وانتي تلقينها وفي كثير من الطرق اللي تلقينهاا حاولي تكونين له عوووون واهم شي النفسيه .. اتمنى اني فدتج وماضايقتج بكلامي .. استغفر الله واتوب اليه ..
اولا مفروض ماتهمك نظرة الناس اهم شي انتي مرتاحه معه اولا وعشان صحته حاولي تقنعينه يخفف وزنة وقبل العشاء سوي له عصير انناس مع كيوي تسد نفسه او ع الاقل تخليه مايكثر عشاء والله يوفقكم
شوفي حبيبتي كثريله من الشوربات طبعا شوربات عاديه مثل شوربات ماجي وكثري من السلطات وسدي نفسه بالسوائل كل شوي حطي جدامه قهوه وشاي وغيره من السواااائل البارده والحاره واهم شي الكابتشينو والنسكافيه ترا يسد النفس وسويله عصير اناناس كي دي دي مع فاكهة كيوي واخلطيهم بالخلاط مع بعض والله هذا حيييييييل يضعف والله يكوووون بعونج وبعون الجميع
هلا حبيباتي وجمعه مباركه علينا وعلى المسلمين مشكورين فديتكم ع الردود والله يسعدكم ويفرج همكم ان شاء الله بسوي بنصايحكم والله يهدي زوجي وتحياتي لكم
