معقوووله اللي اشوفه

السلام عليكم يابنات المنتدى
والله اني ضاق خلقي
انا بسال المدرسات وهو/ هل صحيح الناظرات عندكم يتكلمون بصوت عالي ويرفعون صوتهم لا هي شايفتنا ولا شي عشان تتخذ هالاسلووووب
عاد انا حدي عصبت
امس غايبه ومادريت عندي دورة اليوم بلغوني قلت اقول لزوجي وهو عصب قال لا خليهم ثاني مرة يبلغونج لايطيحووون فيج
عاد انا الزوجه اللي مغلوب على امرها اقدر اروح بس منو يفكني منه بالبيت
انا قلت زوجي يرفض وانتو مابلغتو الا اليوم قالت الناظره انتي امس غايبه وشنو ندقدق على بيوتكم
شفتو شلووووون
الحين تقولي المراقب يقول امشو بالاورااااااااق
وطلعت الوكيله ذيج الورقه اعتذار عن التكليف وانا خلاص رايحه اوقع ولا جان تقول رفيجتي لحظه عطوني استئذان بقعد زوجي من النوم عشان يوديني هي ماتدل لوووووووووووووووول
وانا قلت شوف انا بجي اقعدك توديني قالي مااااااااافي

وهذي السالفه الحين حاطتني الناظرة براسها واللي زاد الطين بله انها تكون في وجهي وين ماااااارحت وارد من طريييقي مابيها تشوفني مارحت التكليف
ولا ابي ادخل على صديقتي الاخصائيه شفتها هناااااااك
ونحشت وثاني مرة لقيتها ونحشت
لووووووووووووووووووووووووووول
بس انا خايفه لا تحط على وتتصيد بعدين؟
شنو الحل
شلون تتعاملون مع ناظراتكم؟؟؟؟؟؟؟؟؟؟؟؟

هلا أختي . . .

تعاملي وياها بمنتهى الصدق + الهدوء

دخلي عليها وقولي لها أم فلان أنا زوجي رفض أروح . . .

وهالتكليف سبب لي مشاكل وياه لأني مضطرة أروح وياه وماعندي وسيلة نقل غيرها . . .

ومن يوم سالفة التكليف وزوجي زعلان ورافض هالشي لدرجة أنه قال بيسبب مشكلة ويا الإدارة والمراقب . . .

خلج صادقة وإن قالت لج هذي حياتج ومالي شغل بمشاكلج !

قولي لها قبل ما تختارون أو يختار المراقب أو موجهينه الأسماء

خل يسألون عن رغبتنا بالأول . . .

في مدرسات ماعندهم سيارات وفي أزواج ما يعجبهم حريمهم يطلعون بره المدرسة ويروحون أي مكان حتى لو كانت

مدرسة ثانية أو المنطقة التعليمية وقومي وقولي لها جزاكِ الله خير ما قصرتي . . .


وطلعي . . .

واهم شي ما تضايقين نفسج ولا تنحشين عنها واجهيها بكل أدب وصدق . . .

والأهم حياتج ويا زوجج لأنه صج مو مجبور يوديج غير دوامج . . .

هلا اختي انا مع الاخت ام عبدلله دخلي عالمديرة وقولي ظرف اخاص شستسوين بعد صارت ظروف بعد خلاص وقولي ظروف خاصه لاتشرحين زياده هذيل الناظرات يبون يدخلون بحياة الزوجيه واذا صارت مشكله بسيطه مرة وحده نسو الطيب كله وخليج جادة لاتخافين منها انتي على حق زوجج رفظ خلاص الزم ماعليج طاعه زوجج انتي قايمه بحصصج باكمل وجه وخلاص لايكلف الله نفسا لا وسعها