السلام عليكم بنات الموضوع هو ان كل وحدة تحط موقف(مضحك-يبكي-يقهر........ وانها مانسته ومستحيل تنساااااه وتوضح الكلام بعد واتمنى اكون فهمت هالله هالله بالردود لاتخيبون ظني تراني واثقة فيكم
يسلموو غلاتي على مواضيعج الحلوة مثلج ههههههههههههه عاد أنا مواقفي كلها اتفشل فيها بقولج على واحد مره رايحة السوق ويا امي واخواني الصغار وعمتي وواقفة انا عند الكاشير وعمتي مادري شقالت وانا مت من الضحك واضحك واضحك الا التفت على ورى ابي ارد على عمتي الا هذا الشاب مررررره فيس تو فيس خخخخخخخخخخ لصقنا في بعض واااااااااااااي الفشيييييييييييييييييييييييلة تعالي دوريني ساعتها اهو ضحك المجرم وقالي اسف انا قطيت الاغراض اللي عندي وطلعت من المجمع خخخ بس الحين من اتذكر الموقف اضضضضضضحك على شكلي شلون خخ وعاد اهلي والتعليقات حدث ولا حرج يعطيج العافية ياقلبي
ههههههههاي الله يعافيج يا بعد عمري حبيبتي والله مادري شلون اتشكرج انتي اول وحده تردين على مواضيعي انتي رائعة وراح تظلين رائعة
الموااااقف كثيره بس أتذكر ..لماااا تملكت كنت بس أبكي لاوأزيدش من الشعر بيت أشاهق بعد تدرين ليه لأني بفاااارق أحلى أسره في الكون (والله إني صاااادقه).....!
هههههههه كوكو موقفج رهيييييييييييب هع انا موقفي الي مستحيل انساه يوم كنت صغيرة كنا بجمعيه الرقة يمها كان في العاب بنات عماتي وبنت عمي كلهم انزلو من الزحلاقية انا ظليت طل ولد عمتي ولا اطيح بالزحلاقية وشته ببطنة ههههههههههههههه امبيه انا الحين اقول الموقف وفااااااااطسة ومن الضحكـ هع هع يعطيج العافيه حياتي =)
كنا مرة بالمزرعه وتيمعنا كلنا عند حمام السباحه والكل كان يتزحلق بالزحلاقية اللي تطيحيم بعدها بالحوض والوضع طبيعي .......... فانا طحت وبدل لا اطلع فووق قمت اغوص حييل تحت الحمام غرقت واهلي يضحكوووون على بالهم اني اضحك بغيت اموووت لما طولت وطلعوني وانا متفشلة حدي
