السلام عليكم عساكم طيبين؟ طفلتي عمرها 10 أعوام لا تأكل طعام الفطور الصباحي أبدا وخاصة أيام المدرسة وإذا أكلت تتقيأ أما باقي ساعات النهار فهي طبيعية. ماذا أفعل بلييييييييييز أبي رايكم
ماعرف بس ان شاء الله مافيها غيرالعافيه الله يحفظها وديها اخصائيه تشوف افضل البنات يفيدونك ان شاءالله قلبي
انا لما كنت صغيرة مثلها احتمال يكون خوف من المدرسة والحين اذا ما تريقت احس في شي ناقص بس هم لا تخلينها فحصيها تاكدي
هذي حال اغلب البنات الصغار وقت المدارس لانه تكون حالة نفسيه يمكن خوف يمكن مو حاسه بالامان بالمدرسه يمكن احد مخوفها .... لاتجبرينها على الاكل وخيرتها بتعدل حبيبة قلبي لاتكلمينها وايد بالموضوع علشان ماتحطه في بالها
هلا اختي . . . ما تشوف شر يارب اذا ما في سبب عضوي احتمال كبير رهاب من المدرسة اول شي جربي تعطينها ماي شوية وتالي عصير طبيعي . . .
أشكركم على إهتمامكم حيل والله وديتها لطبيب أختصاصي أطفال وسوينالها تحاليل بس مافيها شي وسويتلها فحص عيون كمان ولله الحمد مافيها شي وبارك الله فيكم
الله يخليها لج ويحفظها حاولي تكلمينها قبل لاتنام وقولي لها شنو حابه اسويلج ريوق الصبح ؟ واذ كلش مافيها فايدهـ حاولي تشترين لها فيتامينات احسن لها
الحمدلله اهم شي انه الفحص بين انه مافيها شي يعني السبب المدرسه روحي كلمي الاخصائيه الاجتماعيه وشوفي شاللي مخوف بنتج من المدرسه او يمكن الوقفه بالطابور والشمس ياثرون عليها يصير تطلعين لها اعفاء من حظور الطابور في وايد اسباب بس اول شي كلمي الاخصائيه وشوفي شيصير وطمنينه عليها الله يحفظها ان شاءالله
