ناس تلاحقني دائما...اخت ام محمد فسريه.....

السلام عليكم ورحمه الله وبركاته

اختي الغالية ام محمد اتمنى تفسرين هالحلم ...
من فترة تقريبا سنة او اقل جذيه دايما يتكرر معاي حلم غريب ومايعدي اسبوع الا وانا احلم بهذا الحلم...
دايما احلم اني بمكان عام (مجمع او مدرسة يعني مكان كبير وفيه ناس) واكون هربانة من مجموعة ناس عادة يكونون غرب(اجانب)وبعض المرات لا ناس عاديه يلحقوني وانا اكون جدا خايفة بالحلم وانخش عنهم واكون اشوفهم من بعيد يقولون حق بعض وينها لازم تلاقونها نبيها بناخذها دوروها وتكون اشكالهم مخيفة ومعصبين حيل ...ومره كنت كأني في قارب او يخت المهم شي بالبحر وكان موج وواحد كان ماسكني بقوةوانا ابي اهرب يقول تعالي وهم يكون معاه مجموعة ناس تبي تاخذني ...واذا امسكوني كأنهم يبون يذبحوني ...


دايم يتكرر اتمنى تفسيره يالغالية...
((انا متزوجة عمري 27 وعندي ولد وحاليا حامل ))


والله يجزاج الف خير...ويجعله بميزان حسناتج يارب

اختي الغاليه بخصوص الهروب من الناس فهو احذري من حسد عليكي
حتى لايضرونك بامورك وعليكي بالتحصن بالقرأن الكريم والحزر من الناس حولك
والرجل اللي يلحقك هو اضغاث استعيذي بالله من الشيطان ولن تضرك والله اعلم

جزاج الله ألف خير. ..الحمدلله دائما اتحصن واقرا المعوذات....والله الحافظ ان شالله


مشكورة اختي ام محمد وماقصرتي