بسم الله الرحمن الرحيم .. هذي قصيده لاحد الشعراء يرثي والده .. وانا اعلم ان فقد الاب ليس كفقد احد من الناس .. وخصوصا اذا كان الشخص في بداية حياته .. انا من الناس اللي فقدت ابوي وبكيت كثير .. لاكن لاتفيد البكاء ولاالدموع .. ومن بعدها وانا مع كل حدث يصير لي اتذكره الله يرحمه ويسكنه فسيح جناته وجميع موتى المسلمين .. الشخص منا ما يقدر ولا يحس بنعمة وجود والديه الا بعد فقدهم ويا رب ما تفقدون غالي ابد .. ما ابي اطول عليكم هذي القصيده واعذروني ادخلت عليها تعديلات من عندي .. يا قبر سلم لي على اللي نزل فيك ............................................. مع النبي الهاشمي والصحابه يابوي ياللي طيبات مماشيك ............................................ اسمع بنتك اليوم يكتب جوابه بجيرة الرحمن يابوي اهنييك ......................................... الواحد اللي ما يخيب الرجابه يابوي جعل الغيث يمطر ويسقيك .......................................... يرش قبرك لين يربع جنابه ما عنك خافي كل ما حل طاريك ........................................ يهل دمعي مثل وبل السحابه وتبكي الحنون وتنتخي بك وترجيك ......................................... من لامها جعله يضيع صوابه يبكي عليك العود الازرق ويرثيك ......................................... المجلس مابعد صك بابه وتبكي عصاك اللي وزانك تباريك ........................................ والدله الصفرا وباقي زهابه يا بوي ليتك تسمع اللي يشاكيك ....................................... وتشوف عقبك ما جرى له وصابه على النعش سجت عيوني تراعيك ....................................... واشوف قبرك يوم هلوا ترابه وشفت النصايب فوق قبرك تحجيك ....................................... يا شين ذاك اليوم واللي جرى به اقفوا وانا قلبي من الشوق قافيك ....................................... اقنب من الفرقا قنيب الذيابه يا بوي انا لك برفع الصوت وابكيك ...................................... وقت مضى وياك لا واسفابه لو طالت الايام ما نيب ناسيك ..................................... وشلون ابنسى من عطاني شبابه ويا ديرتي انا عقب احمر العين ما بيك ..................................... ديرتن عقب العود وش ينبغابه لولا رجالٍ فيك ما جيت ناصيك .................................... اللي لهم عز وجلال ومهابه كلٍ يغيب ورجعته لك تسليك .................................... الا طريح الموت يبطي غيابه مرحوم ياللي كل الاجواد تغليك .................................... فيك الكرم والجود كلٍ درى به ثلاث سنينٍ مالقينا مداويك ................................... عسى لك الجنه من الله وهابه في جنة منزالها عند واليك ................................... مع النبي الهاشمي والصحابه
واااو وربي روعه وانا بعد فقدت ابوي من شهرين وكتبت له هالابيات يا قبر اعز انسان غالي رقد فيك خفف عليه من التراب الثقيلي يا قبر مانيب طيب عقب راعيك اللي رعاني صار عندك نزيلي اغليك انا يا قبر من حب راعيك مرحوم يا راعي الوفا والجميلي يا اللي سكنت القبر صوتي يناديك موتك جرح قلبي وهد حيلي ما انساك والله لين قبري يوازيك واعلن من الدنيا العريضه رحيلي يا بوي محد بهالكون بطيبه يساويك ميت وكلن بفراقك يا الغالي حزيني
اختي عظم الله اجرج واجركم جميعا بس عفوا الابيات يمكن انتي مضيعة لاني شفتها من 3 سنين بالنت يوم توفى خالي وحاطتها في منتدى كتوقيع لي بعد وفاته والله يصبركم
اختي كيكة عظم الله اجرج وان شالله اخر الاحزان والله يرحمه ويرحم اموات المسلمين وامي اللي فقدتها من 6 أشهر الله يغفر لهم
ااااااااااااااخ يا كيكة عورتي قلبي...وجبتيها على الجرح ابوي فقدته من 9 شهور...الله يرحمه ويرحم ابوج ويرحم اموات المسلمين ويجمعنا معاهم بجنة الخلد اميييييييييييييييييين
