يايه سياحة مع الاهل عندكم يا اهل الكويت وبغيت ....!!

حبايبي اشحالكم انا من الامارات فديتكن بغيتكن ادلوني على احسن فنادق او شقق فندقية بس تكون اسعارها مناسبه لاني دشيت البوكينك عشان احجز حسيت انه الفنادق الراقية اسعارها نااار قلت بنشوف لنا شقة سعرها يكون حلو وبنفس الوقت ايكون كل شي جريب منها يعني الاسواق والمجمعات دخيلكم ساعدوني ويزاكن الله الف خير ان شاء الله لا طنشوووني لانه ما بقى شي على السفره الا 4 ايام تقريبا

اولا حياج الله ببلدج الثاني الكويت ونتبارك بزيارتكم يالغاليه

شوفي الكويت مو كبيره علشان تحتارين وين تقعدين او يم السوق لانه بين كل سوق والثني دقايق فقط

عموما اذا ماقدرتي تحجزين بالنت ...اول ماتوصلين الكويت طلبي من التا*** يوديج منطقة الشرق قرب المستشفى الاميري وبتلقين عدد كبير من الشقق الفندقيه المناسبه لكم وان شاء الله بتكون اسعارها مناسبه وكلها تقريبا مطله على البحر وهذا في متعه ثانيه لانه الكورنيش عندنا حلو بالنهار وكله مطاعم تتفطرين فيهم وعلى فكره منطقة شرق قريبه من المجمعات

اذا ما عندج جدول لاجازتج قولي لي وانا ارتب لج جدول شامل يومي لكل الاماكن والمجمعات وربي الموفق

ما قصرت المزاين بس ترى‏ عندنا برررررررد
الحين
وحياج عندنا

حبوبه حياج الله عندنا بتنورينا

عندج شقق فندقيه بالسالميه وره الفنار اسمه ساره بلازا ويكون صوبج مجمع الفنار وزهره والبستان شارع سالم المبارك كله

وهذا موقع الفندق شوفيه
http://www.saraplaza.com/Ar/default.aspx

واي استفسار حياج حاظرين لطيبين

هلا وغلا

في


اهل الامارات


تنورين الكويت

منورين الكويت يا اهل الامارات

منورة الكويت والبنات كفوا ووفوا