تدرون ليش الزوج مايحب مرتة وكلا ليش يسافر ليش مايقعد عندي انتي بالاول عدلي نفسج وتعالي تكلمي ينحاش منج من الريحة ومن لجة الجهال ومن الازعاج ومن حنتج لازم تهياين الجو نومي عيالج مبكر وتسبحي وتعطري وماكياج خفيف وبجامة راقية وشبي العود والاضاءة الخفيفة وحطي جدامة غوري شاي صغير ومكسرات او اي نو ع اهوا يحبة المسالة مافيها اي كلافة والسان الحلو واذا طول عليج اللة بالمسجات الحلوة عن تجربة وينك مشتاقتلك ينسى امة وابوة بهالمسج يجيج طاير وانتي عاد مزهبة نفسج ترى موشرط لازم الجنس لو قعدة تفكرين بمستقبلج او عن مشروع ترى الرجال مايحب المرة على طول مفصخة ابرزي مفاتنج بس لاتصرين خبلة خلج ثقيلة الرجال يحب المرة الغامضة وحاولي لو توصل لطلاق انة مايسافر بدونج خليج لزقة امنعية لانكم تدرون انة بيسافر حق الخياس واذا وصلتيها ياانا يالسفرة شي طبيعي انتي ليش رايح تعتكف ولا بتعمر خاف صج قبل كلا اتناجر معاة اذا بيروح الشالية صارلي مدة اقولة ها ماتبي تروح ازهب اغراضك حسستة اني ابي فرقاة تصدقون ماقام يروح الا من وين لوين\خليلج طلعة كل اسبوع اهم شي \وكلا انتي الصح واهوا الغلط لو شيصير خليج على كلمتج لاتثنينها وثانكس
والله وااااااااااااااايد بنات تطلقم من المركزية في البيت وياانا يا 000000الخ الوحده تصبر وتدعي لزوجه والبيته أحسن ومثل ماقلتي مو كله (( جنس )) هذا حياة أجتماعيه واخذ وعطه موووووووووووو دائما نتفائل في المشاكل خلوووووووووووونه نتفائل في الاحسن وشي الجميل وتقبلي مروري
إشرايج أعرف وحده كانت مسويه زوجها يا دهينه لا تنكتين قايمه فيه قومه من طبخ نظافه سنع وشنو جازاها فيه وهي توها والده وآخر يوم بالأربعين جاها البيت وقالها يا فلانه ترى تزوجت عليج بعد ماجابتله 6 عيال وماتحملت حرة الشريكه قعدت معاها 5 سنين وماتحملت الحره صار فيها 3 جلطات بالرئه وتوفت الله يرحمها شتقولين يا إختي والله إني قاعده أكتب ونزلت دموعي وبعد ماتوفت تزوج إختها عشان تربي عياله وليلحين يقول عمري ماراح ألاقي مره مثل المرحومه شتقولين يا إختي وطبعا كانت الله يرحمها فوق سنعها جميله والشعر واصل ليركب بس ما أقول إلا الله يرحمها والرجال إشعليه المره ماتت وهو وراها بأربع شهور تزوج إختها إهي الله يرحمها راحت من عمرها والمفاجأه إختها لقت مذكره للمرحومه تكتب فيه يومياتها عن القهر والظيم والغيره اللي شافته من زوجها والشريكه وكانت تكتب كل شي ما أقول إلا الله يرحمها ..... طبعا طول السنين اللي عاشتها معاه كان يعاملها أسوأمعامله من كلام يسم وطق بس صبرت لأنها كانت تحبه الله يرحمج.
شوفي الرجاال انواع في اللي يجي في العناد وفي اللي بالمسايس وانوواع والله اللي مايسافروون ويا ربعهم فئه قليله من اللي رحمهم ربهم ومالقو السفره اللي تطق ببالهم انا مع ان زوجي لي الحين ماسافر ويا ربعه مو معناة هذا انا يبي قربي ومن هالسوالف مو شرط حبيبتي وربي يااعرف لي وحده ملكة جماااااااااااااال بعد طلعتها من الاربعين بأسبووع سافر وخلاها مو شي يقهر .. صدقيني مو شرط الجمااال والا الريحه الحلووه .. والله والله والله اعرف لي وحده ريحة غرفتهاا الله لايوريج ومبهذله بعمرهااا وحتى الملابس الداخليه تقول ليش اشتري من انور و نعومي والطقه هذي الله يخلي ابو دينار ونص .. ومسويهاا يادهينه لاتنكتين ومستحيل يسااافر ويا ربعه ويخليهاا .. الرجااال لغز صعب حله واللي يبي الخراب يلقاااه حتى ببيته العولمه وانا اختج ربناا يكفيج شرهااا .. ومااقول الا ربي يهديهم ولايحرق قلبناا عليهم .
السالفه موسالفه عطر وكشخه وسنع في رياييل ماتترس عينهم الا الرمل انا من تجربتي ريلي كان هايت 24 ساعه وانا قاعده بالبيت اقلب بالقنوات ومن قمت اسوي نفسه اطلع واسافر واروح وارد لزق فيني لزقه عنزروت وماقام يطلع كله مجابل خلقتي وماقام يسافر مع ربعه وكل انسان وله طبعه يمكن لو واحد ثاني مسويه فيه نفس الحركه جان طلقني بس اهو فهم اني عاملته بالمثل بس لاني بحسسه بحساسي لمن كان اهو يطلع بس المشكله الحين انه لازق بالبيت وجنه الخطه انقلبت فوق راسي
مشكورة ي قلبي انا مع البنات مع ان الحريم فيه اللي مهملة زوجها ويركض وراها وفي العكس ومطنشها وانا ارد المسألة للحظوان قام حظك باع لك واشترى لك
انا بعد ارجعها للحظ ياما سنعات ضاعو ورفلات انجحو والله اعرفهم معرفه بس والله يقول لها عندج فلوس انسافر واذا ماعندها قال بروح مع ربعى محمول ومكفول
الله يعطيج العافية على الموضوع انا مع البنات الرجال اذا طق براسه سفره خلاص مسمار بلوح محد يقدر يغير رايه والمراه الله يرحم حالها مسكينه والله ما يهمه لا زوجه ولا عيال اهم ما عليه وناسته وبس
لازم الريال يغير جو خل يسافر يعني اذا سافر مو معناته يبي يخربط اذا يبي يخربط في بالديره مو شرط سفر تخربط يبي يغير جو وهذا رايي
مشكورين على ردودكم انا معاكم بكل شي بس مو معناتها يهمل زوجتة وبيتة وعيالة ويقولي بكل برود انا بسافر طل بعينك دامك مقصر في حقهم ولي تقول انا مو عن الريحة سر جذب ا لرجل للمراة بعطرها امشي بالسوق خل تمرج وحدة كلها ريح واللة انتعش طول اليوم وخل تمرج وحدة ريحتها صنان طول اليوم اصير متكدرة وبعدين الي تقول اليبيخربط جان خربط بديرتة ناسين ان بالديرة رقابة وكل خطوة محسوبة علية اما بالسفر ماوراهم والي لا رقيب ولا حسيب بيشبع متى ماخلص منهم ردلج واحلى من النفسية مافي الرجال انتي تمشينة وتعودينة مو اهوا الامر الناهي لازم لج كلمة لازم لج هيبة سوي نفسج شي حتى لو كنتي مو من شي مو كلة كيفك كيفك وقت الجد جد وترى اذا طرى السفر اول مرة يختبر ردة فعلج خليج قد كلمتج لا يعني لا لو تنطبق السما على الارض بروحك ماتروح انا بعد بسافر ياللة سفرني خليج جدية شوفي شلون يركض وراج واللة يلبنات اني متزوجة واموت بزوجي عسى اللة لايغير علينا وبعض الي كاتبتة مجربتة مابيلكم المشاكل لاني تعبت من كثر مااسمع عن الازواج وابحث واشوف التقصير من المرا ليش انتي مملكتة احتوي لاتقصرين في حقة بس لازم لج ردة فعل ترا اهوا ماخذ مرا مو طوفة يكلمها ماترد علية خليج قوية حابة اسمع ردودكم
واللة صج حطمتني السالفة اللة يرحمها تبين اكلمج بالعقل المرحومة زين ومو ناقصها شي ويتزوج عليها يحط عليها شريكة ليهني الحبل بيني وبينك اقطع ومافيها اي مناقشة لان مستحيل تقوليلي انها تحبة بعد ماتزوج عليها لان راح ينقلب لكرةةةةةة وحنا عايشين بديرة العز اللة يخلينا حكومتنا سايق وسيارة ومعاش لكل طفل واجار بيت مو شقة اسم اللة عليهم 6 وخدامة ومعاشها يمشيلها من الشؤن وورقة طلاقي توصلني طيب او غصب وعيش احلى عيشة بلا قهر وعيالي حوالي ساتريني بينفعني ماراح ينفعي على قولتج قهر وجلطات وعوار راس بيرقع السالفةاخذ اختها اللة يوفقهم بس شهالنفس ادخل على زوج اختي عساني اقعد عانس حتى لو عيال اختي على عيني اربيهم عندي بالبيت وانت كيفك تزوج ومصروفهم يوصلني
هلا حبيبتي بالنسبه للمرحومه إهي مو كويتيه وبعد ماطاف على زواجها 15 سنه خذت الجنسيه الكويتيه والجواز الكويتي بس للأسف ما تهنت بنفس السنه توفت الله يرحمها
حسبي الله ونعم الوكيل والله محد راحت عليه غيرنا احنا نقعد ناكل بعمرنا عليهم على افاضي بذكر لكم موقف اذكر يوم كنت حامل وياني طلق يت مرت حماي وودتني المستشفة وهو كانه اللي بتولد وحده من اشارع حتى ولا قالي سلامات تقومين باسلامة ولاعبرني وعقب ماولدت وقمت بالسلامة ولااسمع امه وخواته يضحكون يقولون انتي بالعمليات تولدين واهو قاعد يطالع مباراة وياكل حب اخ شقول بس وكل ساع طاق ويهه ومسافر وك يوم من يقعد من النوم لين اساعة 3 الصبح يالله يرد البيت وانا قمت اعامه مثل مايعاملني وتوه قام يتحسن
نصيحه لا تقهرون نفسكم عشان رياييل باجر تطقين وتموتين وهو بيقعد فتره وراح يتزوج ولا همه وانتي شنو إستفدتي إنتي رحتي من عمرج والله يعين الحريم مساكين
اللة يهدي واللة طنشي شوفي شلون يركض وراج عاملي بالمثل تمكيجي والبسي احسن لبس حتى لو ماتروحين مكان دلعي نفسج مساجات وصالونات زودي طلعاتج لهي عمرج بشي وهوا عندج بيموت قهر
انا مع اللي تقووووووووول الرجل لغز صعب حله فعلا اللي عندي دايما متقلب مااعرفله كلش انا مااقصر بلبس ونظافه وريحه بس عيبه عمره ماتكلم ولانطق بكلمه شكر ولاحب خلص من النوم سلام عليكم لاتطلبين مني شي كله ماله خلق بس اهو عمره ماغلط علي الظليمه شينه بس اللي بقوووووووله الرجاااااااااااااااااااااااااال ماينعرف له يخررررررررررررررررررررع
والله حالة انا من الي اشوفة الي متزوجين مو كل وحدة تقدر تعامل ريلها نفس ما يعاملها !!! كل وحدة وحسب طبع ريلها واسلوبة وانا ايييد الحظ يلعب دوور بالحسبة والله اشوف بنات موحلوين وشكلها حمدالله وشكر مرات والريااال احلى وابيض منها الخ وماخذها عن حب او يعاملها من ناحية الاسلوب الخ احسن بوااااااااااااااااااااااااااااااااااااااااااااااااااااايد من الي مهتمة بنفسها وحلوة ومجابلة ريلها وادارية الخ بس اغلب الرياااييل انانيين وما ينعرف لهم والله يستر من نصيبي شنو راح يكون بس انشالله يطلع نفس الي اتمناة !!!
