بسم الله على بركة الله نبدأ .. كعادتنا عدنا لكم بحملة رائعة تنقسم الى قسمين الحملة الاولى بقيادة: رافايلو بعنوان (الاسعافات الاولية ـ الطب الحديث) واحة بعنوان (الاسعافات الاولية ـ الطب البديل) وسوف تتخلل الحملة بعض المسابقات الممتعة فتعالوا لنستـمتع ونتعلم سوياً كيف ننقذ انفسنا بانفسنا وننشر الوعي لمن نحبهم وتهمنا سلامتهم كانوا قديـمـاً يعتمدون في علاجـهم للامراض على طرق بدائيه تعتمد بشكل اساسي على الاعشاب تعالوا نبحر في عالم الطب البديل وتصحـبنا في الرحله الطبيبه الشعبيه (المداويه) أم خـمــــــاس ~~~~ واحه: هل الناس لحد الحين تستخدم الطب الشعبي او البديل ..؟ ام خماس : اي لحد الحين يستخدمونه بنتيه واحه: طيب ليش يستخدمونه لحد الحين ؟ ام خماس:احياناً ما يرومون يسيرون المستشفى فيستعملون الاعشاب واحه:زين بنرمس معاج عن النزيف .. شلون يوقفونه قبل ؟ ام خماس:اذا كان صغير يربطونه اما اذا كان وايد يـحطون عليه قهوه مطحونه على طول يوقف واحه:انزين ونزيف الـخشم (الانف)<< الرعاف ؟ ام خماس:ما يبيلها نرفع الراس ونـحط ثلج واحه:ان شاء الله راح نرمس معاج بمواضيع ثانيه تخص الطب البديل والاعشاب ام خماس:مرحبا الساع ابويا حياكم الله بأي وقت .. واحه:وهـ بس :smile: ~~~~ تابعوا معانا وصفات شعبية مع ام خماس وشاركونا بتـجاربكم في الطب البديل
هههههههههههه ياهلااا بواحه وبأم خماااااس هع واي سؤال يطري على البال بنسألكم وح وح على فكره ضبطتي كلام أهل الشمال بالإمارات هع
ههههههه بسأل ام خماس واقولج .. هلا فيــج .. افا عليـج خبره انا في كلام اهل الامارات << الله يسلم حاير طاير هع وحياكم الله بأي أسئله ..
هههههههههههههههههههههه خووش موضوع واحه وام خمااااس وح وح اسالي آم خماااس شنوو علاج الافلونزا يعطيج العافيه
هلا بشوره منوره الحين تجاوب أم خماس أم خــمـــاس : الضرس : فيه وصفات واايد مثل .. *التمضمض باالخل المخلوط مع الملح ينفع ان شاء الله *نحط القرنفل مطحون بالسن وبسرعه يسكن الألم الفلونزا: الزنجبيل : يشرب كوب حليب عليه نصف ملعقة زنجبيل مطحون محلى بعسل نحل صباحا ومساء مسحوق البابونج استنشاق بعد أن يضاف مع ماء مغلي و سلامات
لاااا يلووو خلي واحه شكلها أدرى مني بكلام أهل الشمال عندنا هع هل بوظبي والغربيّه عندي حياااكم ههههههههههههه فديييتج وح وح
ميمي علاج الصداع قديما تشمين بهارات اي بهارات عندك جربي وايضا انتبهي للاضاءة الي بغرفتك فيه وحدة مسلطة على جزء من المخيخ او انك مشغلة ليت واحد فهذا يسبب الم ايضا شيلي الشباصة ودلكي راسك باطراف اصابعك وارجعي للخلف وارفعي قدميك للاعلى حتى يتدفق فيه الدم مرتين فقط والله العالم فيك بداية فلونزا انصحك (جيبي 3 حبات ليمون ابو زهيرة اعصريها بماء مغلي وصار دافي يعني لاتحطين عصير اليمون بالماء الا بعد ماغلى وشلتية يدفى ثم حطي شاهي لبتن ثم تغرغري وطلعي مرة ثم تغرغري لحد مايخلص الكاس ) وعطيني النتيجة هع
يلووووووو ياقلبي انتي يسلموووووو وانشالله بجرب أنا الصدااع دوووم ملازمني للأسف بس أكيييد وصفتج بتنفعني دامها منج وه بس
هذي وصفات للصداع : *يطبخ من الحرمل في الماء , ثم يشرب ملعقة في الصباح وثانية في الغداء وثاالثه في العشاء 0 *تدق كمية من النعناع الاخضر وتضعه في قطعة من القماش ويلف بة الراس *تاخذ من اوراق البرتقال مقدار 20 جرما وتغليها في لتر من الماء , وتشرب على فترات
