محد يدري بالموصوغ كلش وتعبت والله وانا كاتمه يس الله يخليكم لا تجرحون بالكلام انا كنت ادرس بالجامعه وماشيه عدل يس صارب فيها مشاكل وصرت مهمله والله كان الكل يشهد لي بدراسه والله كنت سريعة الحفظ اللي خلي رفيجاني ينصدمون ماني قايله انه اللي صارلي عين بس صج انتكست لدرجه اني اروح الامتحان الفاينل وارجع مااروح له ومن افتح كتاب اببي ادرس يا انام يا ما ادرس وفي مواد ما اداومها كلس مادري اهمال حاله نفسيه ليمااااا انفصلت من الجامعه وماقلت لهلي بس رفيجاتي كنت خايفه انه اذا درا ابوي يقعدني بالبيت ويقطني على واحد من عيال عمي خصوصا انه عصبي وماخليت احد مارحتله وسوالي سحب كورس بس كنت ناطره الموافقه وفي ناس كلموا لي دكاتره وكااااااان خوفي مانعني اني اروح اسال شنو صار على وضي بالجامخه واهلي يحسبون اني اداوم وكل اللي دفعتي تخرحوا وبعدين تزوجت قلت راح اصارح الي باخذه و ردلي الخوف وانا ساكنه مع اهله وحيل يسالون متى تخلصين وحملت وقلت بوقف قيدي علشان اجابل ولدي ورضى زوجي اهلي عصبوا ليش قاعده تتاخرين اللي بسنج توظفوا صارلهم 3 سنين واهله قاموا يقطون نغزات حلاته الوحده معاشها بايدها مو تتكل لى الرجال ووبناتهم بعمري صاروا مدرسات وحتى اصغر مني وانا 3 سنين عايشه بوهم وخوف ماكلني المفروض هالكورس ميداني جذي مفهمتهم واهني راح ينكشف امري لان الدوام بالمدرسه مو بالجامعه كلهم يسالون اي مدرسه حطوج وزوجي بعد يقول ليش ماسالتي لا يكون مفصوله كنت بقوله اي بس خفففففففففففففت انا قايله له دوام الجامعه شهر 3 بس راح يعرف من اخوووه انه هالاسبوع خايفه من ردة فعل زوجي اهله اهلي وراح يعرف اني مفصوله من زمان اهو مايحب احديسغفله ولا راح يعذرني ادري انه احتمال يطلقني كل ما اشوف ولدي ابجي احس اني ظلمته معاي يارب ارحمني وهونها علي تكفووون يابنات قولولي اي شي في احد صارله مثلي تعبت ابي ارتاح من هالحمل وربي اكتب وانا ابجي في ناس واجد ماراح ترحمني 3سنين كاتمه عشت ضيقه نفسيه وماديه
الله يهديج بس ..وينج طول الثلاث سنين .... جذي حطيتي نفسج في موقف حساس حييييل ... جذي أهل زوجج وأهلج بعد بيشكون فيج .. لان المده هذي موشوية ...... شوفي أنا بنصحج وعاتبج بس تحمليني شوي ... لان كلامج حييييييل عصبني .. وأنا عااارفه وحاااسه أن الفتره اللي طااافة كانت فترة عدم تحمل المسئولية ...وطيش بنااات وأنشغالج بأشياااء ثانية ..مراح نذكرهاااا .... شوفي أنتي ياتبلغين زوجج .... وتبيلين له نص الحقيقة وأن كثرة غيابج وتأخرج .... ورسوبج بالفايل بسبب فترة الحمل .. وتقولين أنج ماقدرتي تبليغينه في وقته لان كااان يسبب لج أحراج قدام اهله ونفس الوقت أرتحتي شوي وبينتيله نص الحقيقة ... ودعااااء لله أن الله يسهل أمورج ... وأن شاء الله يتقبل زوجج ويكون حليم معااج .. وأما تقولين له أنج راح تشيلين فكره التكملة الدراسة من بالج نهاياً ..وتسكرين على الموضوع ... ونسيه ....
أنا لو في مكانج قلت من البدايه اني موقفه ليش خشيتي 3 سنين !! تراها دراسه فالنهايه مستقبلج انتي يعني كانو بيعصبون فتره وبيسكتون بس اللي صار صار وفرأيي المشكله مو مشكلة توقيف بس.. لأنه بيقولولج طول الثلاث سنين وين كنتي إداومين؟!! عندج حل واحد تقولين حق زوجج انه نفسيتج تعباانه وماتقدرين تكملين واللي راح راح.. لأنه من خلال قرائتي لمشكلتج فهمت ان انتي مانك من النوع اللي يحب المواجهه والإعتراف فما عندج إلا هالحل أو المواجهه و الصراحه.. وعسى الله يوفقج ويسهل أمورج..
اسمحيلي حطيتي نفسج بمشكله من لا مشكله او ان فيه بالمشكله عنصر مفقود ان قلتيله ماراح يصدق ومليون بالميه راح يشك قوليله مابي اكمل وخلاص
هلا اختي . . . كلامي من راااي اختي حسناااء حبة حبة وبلغي زوجج وقوليله ان حملج وزواجج خلاج ما تدرسين السؤال طيلة فترة 3 سنوات هل كنتي تروحين الجامعة ؟!! يعني ما سألتي شنو صااار على قيدج او ايقافه او فصلج . . .
الله يعينج ,,,,,, لازم تكلمينه بكل هدوء وتفهمينه كل شي ..... وماتدرين يمكن هالشئ خيره لج ,,,(( وعسى ان تكرهوا شيئا وهو خير لكم ))))
الله يهديج صراحة اخاف اذا قلتي لة يشك فيج ويطلقج لانة راح يروح فكرة بعيييييييييييييد .........؟؟؟؟ مالج الا اهلج تصارحينهم وتتحملين اي ردة فعل واقنعيهم انهم يسون انفسهم يدرون بس انحرجوا يقولون له انج مفصولة خلي اي واحد من اهلج يقول له مافية الاجذي انتي وهقتي نفسج الله يريح قلبج
احسن حل قوليله بطلع من الجامعه سوي روحج ماتبين تكملين لان اذا قلتيله انج مفصوله 3 سنين راح يقول لج وين كنتي تروحين الجامعه ولا مكان ثاني ؟؟ امبيه مشكلتج عوده والله ماكو الا هالحل والله يكون بعونج ....
الله يهديج طبيعي بيشك فيج وبيسأل وين كنتي تروحين طول الـ3 سنوات اللي طافت ؟!!! لو قايلة من بداية الموضوع ما كبرت السالفة جذي قولي لة ما بكمل أو أنج تقولين حق أهلج الموضوع وأهمه يتصرفون وأن ابوج يقول لزوجج أنه يدري بالموضوع وصارله سنة الموضوع وبنتي قالتلي وأني طول هالفترة كنت أبي أحاول أردها للجامعة لكن ماقدرت وقلت أحطك بالصورة وبس ومافي غير هالحل
الله ييسر امرش والله يهديش انتي ليش مكبره الموضوع ترا شي عادي اولا انتي اللي بتدرسين مو هم وهذا مستقبلش لي خايفه الحمدلله والشكر ياحلوش شكلش خوافه المهم علمي زوجش والله ما اظن بيتخلى عنش عشان دراسه وين قاعدين وانتي اذا عندش رغبه الحين كملي دراسه وبس خلي قلبش حديد ياحبيبتي
الله يهديج بس مشكلتج صعبه مالج غير الدعاء والمصارحه لزوجج لاجذبين عليه قوليله الصج واذا اسألج ليش ماقلتي من زمان قولي كنت خايفه تخليني ارجع ادرس وانا مابي ادرس بس انا ابي ادرس وشدي حيل وخوذي كورس صيفي وحولي تخلصين بسرعه والله يفرج همج ويعينج
المشكله الاكبر من مشكلتها انها ماردت عليكم ولاقالت شنو صار معاها اكثر من عضوه تعرض مشكلتها وتروح ............. ربي يفرج عليها ويرد لها عقلها والا في وحده تسكت 3 سنين على هالكذبه لا وتستمر فيها حتى بعد زواجها؟؟؟؟؟؟؟؟؟؟؟؟؟؟
حبيبتي الله يفرج همج ان شاء الله وييسر لج امورج ...حبيبتي تعاليله في يوم وانتي اعصابج حديد وقوليله انا سحبت اوراقي ماابي اكمل حطي عذر انج كرهتي الجامعة والدراسة .. وربي يوفقج
الله يفرج عليج ويسر امرج يارب شوفي مافي الا انج تقوليله فصلوني او ان جايتج ضيقه من الجامعه وكارهتها !! والله يستر عليج يااااااااااااااارب ..
