رحتــي المسيــرة ؟ تعآلـي قوليلنــا شنو احساسج و شنو شفتي ؟

الســـــــــــلاآآآآآم
اول شي حبيت اهني كـــــل شعب الكويت بهاليــوم 25 فبرايـــر و عسى ايامنـــآ كلهــآآ افراح انشالله

طبـــعاً المسيرة مختصر مووجز عن ( فرحــة التحرير و الاستقلال ) فيـــهآ تبــان روح الوطنية عند الكــل سواء اطفال - شباب - وحتـــى الكبــار

ومثل ما الكــل عارف المسيرة مو بــس للــكويتيين بالعكــس احلى شي مشاركة اخواننــا بدول الخليــج فرحتنـــا

والحيـــن ابيـــج تقولينلـــي متــى رحتي المسيرة ؟ و شنو شفتي هنــآك ؟ و شنو تعليــــقج و احســآســـج بالاحتفالات ؟

انا عند نفسي والله واايد استنانست اكثر شئ سياير وبمشاركة دول الخليج ( سعودية , الامارات ,قطر) وايد فرحوني سعوديين تـــآرسيــن المسيرة منورين والله يشاركونا بفرحنا بس هل سنة صج صج شئ شئ بدون فومات صراحه الرش ماي وايد احلى من الفوم ,, الفوم وايد يأذي

يلا مايك لكم

انشاء الله اشوف صورة مصغرة من شرح الكويتيات في مسيرة فرحة الكويت

احنا مسيرتنا بالشالية عجيبة وصراحة مشكوررين يالشرطة والمنضمين تعبو الله يعينهم *

احنا بعد كانت با شايله

بس بصراحه عجيبه

واستانست

اولا كل عام واحنا والكويت وال الصباح كلنا بخير يارب
وعساها تنعاد علينا كل سنه بالخير والمحبه
صج صج والله هالسنه هاذي حيل احس المسيرات غير قبل لا يبدا هلا فبراير بجم يوم قاعدين بالصاله كلنا قعد اسولف لاهلي ان احساسي يقولي السنه هاذي المسيرات احلى واحس بتفاءل قوي
وصج مشاءلله بيوم هلا فبراير والمسيرات صار جونا احلى من باريس ولندن والكل يشهد بهالشي
واحلى شي كان مشاركه دول الخليج لافراحنا والله صج عسانا نردها لهم بافراحهم يارب

طبعا بعد هالقرقه راح اقولكم وين رحت بـــ 25 رحت كل وايد امكنه بس السالميه ما طبيتها لان مع امي طلعنا بس رحنا الاحمدي كانت صج وناسه ورحنا افترينا بوايد مجمعات
و 26 رحت المارينا والخليج وافتريناها كلها وصج كانت المسيره روعه روعه شويه عليها كانت اكثر شي قطريين وسعوديين وطبعا هالسنه مافي فووووم فانا قلت اكيد ما راح تطلع حلوه وانصدمت ان المسيرات طلعت وايد وايد حلوه واليوم رحت عرض السيارات من الخليج لي الابراج وكلها مشي عشان الكويت بس وبصراحه كان عرض وايد وايد وايد حلو ومميز
وان شاءلله انا مصوره جم صوره راح انزلها لكم باجر باذن الله

ويالله ننطر باقي العضوات ومشكوره ياقلبي عالموضوع الروعه

وكل الكلمات شويه علييها ديرتنا الغاليه الكويت ويمكن انا كتبت بعض الاحداث لاني هذا الي تذكرته وان شاءلله اذا تذكرت شي برد المايك لي

الله يديم أفراحكم ياارب وراح نشوف البنات شسووا بالمسيرات

كل عام وديرتنا بخير يارب

الصراحه هالسنه احلا تنظيم ووناسه
وكل الدول مشاركه

والحمدلله الله يديم هالفرحه يارب

ولا ننسى دور الداخليه الله يعطيهم كل عافيه يارب

وااااو صراحة صج فرحة الله يتممها علينا .. وياحلو المسيرة الكل فرحان ..

والله هالسنه وايد ارتحنا من الرغوه(الفوم)بس ابتلشنا بالماي الله يغربل ابليس هالصبيان ماغير رش على العالم لاحيا ولا مستحا

بس فعلا وجود الخليجين بكثر معانا فرحنا زياده والله العظيم

استانسوا اليهال وكانوا يطلعون من السياره على راحتهم وطبعا هذا لانه مافي رغوه

الله يديم الافراح علينا وربي لايحرمنا من السعاده بديرة الخير يارب