السلام عليكم ورحمه الله وبركاته بنات اول شي قبل ماكتب مشكلتي انا عضوه موجوده في المنتدي وسجلت عشان بنات خالاتي يعرفون النك نيم مالي ومابيهم يعرفون مشكلتي .. قبل كم سنه أبوي عطاني الابتوب ماله اطبع له المهم كنت ادور في الملفات صوره جان أطيح على سجل المحادثات ماله والقى محادثات مع بنات كلام حب وغزل خفت جان اسكره بسرعه ونسيت السالفه وماحطيت في بالي شي من قبل كم يوم اخوي الي اصغر مني قالي ان أبوي يكلم بنات ويطرش برودكاستات وصخه وقال لي انا أبوي يسافر بنات سامحوني على هاي الكلام يقول يروح يدفع حق بنات ويرقد معاهم وقالي بعد أشياء وايد عاد مع العلم أبوي عمره في نص الاربعنات .. وبنات أمي المسيجينه ماتدري عن شي وانا أخاف ينقال لها امراض وبلاوي من بنات الحرام وامي مسيينه مستحمله عصبيه أبوي وتشتغل عشان تساعده في **روف البيت بنات من قالي اخوي وانا طول الليل ابجي ماقدر أنام والله كرهت أبوي من هذي السوالف وخلاص مابي أتزوج مع أني في عمر الزواج الحين .. الحين بنات ابي اقول شلون افاتحها بالموضوع ؟؟ بنات سوري اذا الكلام مو مرتب وكله بدليات
هلا اختي . . . الله يهدي ابوج يارب . . . طيب اخوج شلون عرف ان ابوج استغفر الله يزني لما يسافر ؟!! خلي اخوج يكلم ابوج ويقوله قصة مفبركة بما معناها ان اللي يزني ويرتكتب فعل الحرام لابد ياتي له يوم ويزني به في اهله وربي يستر عليكم والوالدة فعلا ربي يعينها تشتغل وتساعده ومتحملة عصبيته وتاليتها غراميات بالماسنجر !! بصراحة مدري شنو اقولج لج اخاف تقولين لامج ويصير صدع ومشاكل كبيرة في البيت وتتأزمون نفسيا واخاف تسكتين ويصير مالايحمد عقباه بالوالدة . . . ما كو الا تتأكدين شلون عرف اخوج بسالفة البنات والسفرات والبيزات اللي تدفع للبنات ؟!! وان تأكدتي من هالشي لمحي للوالدة وربي يعنكم يارب ويهدي ابوج
مشكور اختي ام عبدالله ع النصائح اخوي عرف لان مره كان مسافر مع أبوي الديره اي فيه هذي البنات ويوم ردو الديره احبسه في الغرفه وقبضه من تيشرته وهدده ان مايب طاري لمي وأخوي يعرف حق سوالف الاكترونيات وابوي مايعرف حق سوالف الاكترونيات ولا يدري ان اكو سجل محادثات فاخوي اكثر من مره طايح على سوالفه مع بنات الحرام ويقول يسالفون في سوالف استغفر الله ويدزون صوره هم في اوضاع مب زينه واعتقد فاهمه قصدي وأخوي مايقدر يفاتحه بالموضوع اصلا قايل له والله أذبحك اذا قالت لمك انسى الي صار خلاص
الله يساعدج ويفرج همكم يارب المشكله مو هينه ولاتستهينين فيها حطي ورقة وقلم وكتبي شنو راح يصير اذا فاتحتي امج بالموضوع وبالمقابل شنو راح يصير اذا سكتي .... وحزتها بتعرفين تاخذين قرار صحيح سواء تقولين لامج او تسكتين بقولج شي بس لاتزعلين انا اعتقد انه الوالده عندها خبر عن ابوج وساكته علشانكم ويمكن اذا قلتي لها بتحرجينها شوفي....... مافي وحده ماتدري عن اسرار زوجها وحتى لو ماتعرف تاكدي انها حاسه فيه لانه الزوجه لها اكثر من طريقة تعرف شنو اوضاع زوجها اذا تبين رايي لاتحرجين امج ............كلمي ابوج بما انج مو صغيره قعدي معاه قعده **ارحه وفهميه انج خايفه على حياتكم وبالاخص امج ربي يهدي البال ويهدي ابوج للي فيه الخير
هلا اختي . . . لا تتضايقين هالمشاهدات لزوار يقرون لكن مايقدرون يردون . . . شوفي يا اختي دام اخوج متأكد من سوالف ابوج خل يكتب له رسالة اذا ما يقدر يواجهه ويكتب له ان الزاني يزني فيه بأهله واقرب الناس له ويذكره ان عنده بنت وزوجة وربي قادر انه ينتقم منه فيهم - لاسمح الله ربي يحفظكم بحفظه - اذا ما فاد وياه هالحجي خل ياخذ اميله ويدز له بين كل وقت والثاني اميلات تذكره بالموت وعاقبة امره ان استمر في هالطريق القذر لكن من اميل ما يعرفه ابوج وربج كريم ويهديه يارب مشكلة هالرييايل يهبون بالنت والماسنجر والمحادثات وبنات ابليس القذرات مستعدات لكل شي مقابل عشر دنانير والا تعبئة كرت وابوج صيده سهلة لهم ريال عوو وعنده بيزات ومستعد يدفع لهم الله يهديه يارب . . . وتاكدي من بس ابوج ياما حالات مثله والقادر عليه ربي ادعي له بصلاتج وسجودج ربي يهديه
السلام عليكي اختي لا حول ولا قوة لا بالله نصيحه اختي اكيدان امكي مقصره كثير مع ابوكي ونصيحه انكي تخليها انها تهتم بنفسها كثير وبطريقه غير مباشره تحكيلهاان ابوكي يعرف نساء بس لا تجيبي طاري السفرات والعلاقات والامور التي شفتيها بالاب توب الله يهديه يا رب
ممكن اذا فاتحتي امك تتعب واذا سكتي مايصير قومي الثلث الاخير من الليل صلي وادعي ربك ان الله يهدي ابوك والله مايردك خايبه الله يهديه ويغفر له يارب
انا برائي انكم يا العيال ما تدخلون نفسكم بين امكم وابوكم لانه هالمشاكل تخص الكبار فقط ما تسوا انج تقولين حق امج ويمكن تكونين سبب في خراب البيت وتشتيت عايله وتطلعين بالنهايه انتي الملامه .. ابوج يمر في نزوه .. وان شاءلله ربج يلتفت له ويهديه للطريج الصح .. لا تكلمين لا امج ولا ابوج وهذا يظل ابوج ظلي احترميه وقدريه ولا تحسسينه انج تدرين عن شي وعسى الله يوفقكم ان شاءالله
هلا اختي المزاين والله ماصار شي وانا ماعرف اذا اقول ولا اسكت احس مخي منشل ما اقدر افكر وخايفه على أمي وبعد خايفه من أبوي لانه عصبي حيل واذا عرف ان انا وأخوي ورى السالفه يمكن يسوي لنا شي والله يالمزاين استغفر الله صرت اكره حيل وانا اذا كاره احد يبان علي حتى أبوي يقول لي اشفيج
مساء الخير حبيبتي نصيحهـ مني لج اولها هالمشكله خصوصا النت وسوالف البنات بكثررره وبما انج بنته ضروري تطوفينها لانه حتى لو زوجته شافت هالشي بطوف له بتقولين ليش ؟؟؟ افهمج لازم تطوف وتمشي وتشوف شنو ناقصها من جميع النواحي الزوجيه والبيت والدلع وهالسوالف اوك والخيانه صدقيني خصوص النت يبي لها طولت بال وصبر والدعاء بالهدايه الحين يجي دورج انتي بنته قربي من ابوج واخوج كذالك لاتخسرونه وتقولين اكرهه تعوذي من ابليس هذا ابوج ضحوا معه وقت الاكل قعدوا معه سوي لها جو غشمره ووسوالف لاتسون له مشاكل ومشادات لا يطلع من البيت ويروح لاي بنت من هالبنات انتبهي لانها بختصار نزوه وبيرجع لعقله وبنفس الوقت قولي له يبا عطونا بالمدرسه موضوع عن الاسره والحب بينهم والوفاء بين الزوجين وذكري ايه قرانيه او حديث ومن هالسوالف او قصه وذكري انه ابوج كلمة كره لاتقولينها بالع** حبيه اكثر وقربي منه البنت دائما صديقة وحبيبة ابوها حتى لو عصبي حنون على بنته اي شي تبين راسليني على الخاص
سمعينى قلبى لا لالالالالالالالالالالالالالالالالالالالالالالالالالالالالالالالالالالالا تسكتين اكثر خلالاص لكل شى نهاايه جيبى امج وحطى لها اللاب جدامها وخليها تشوف وتقرا بعيوونها وبعدها اهى تتصرف معاه بالطريقه الى تعجبهاااا بس قبلها قولى لها بقول لج شى خطير عن ابوى وحلفيها انها تتحمل الموصوع او ال**يبه؟؟ يعنى لا تصدمينها حاولى تلفين وتدورين وبالخر وريها الى شفتى والله يعينكم كلكم ياارب
لا حول و لا قوة الا بالله العلي العظيم ... و الله غلاتي ما ادري شنو اقول لج ... بسسس تقدرين تسوين قصة مفبركة يعني تمثيل ... بس هاه ... من غير ما يشك بشيء... يعني مثلا تأخذين كتاب التربية الاسلامية ... و تقولين له و انتي فرحانة و مبتسة: يبا تدري شنو درسنا اليوم .. كان الدرس حدة عجيب و حلوو ... تدري شنو كان يتكلم عنه ... عن الموت و الخاتمة الحسنة و السيئة ... و شنو بيصير بالعاصي بالقبر ... و شنو بيصير بالمؤمن بالقبر ... و ان العاصي راح يتعذب بالقبر اشد عذاب ... و راح يتحاسب على كل شي و من هالاشياء الي بيتحاسب عليها : الكذب , الغيبة و النميمة ’ و الزنى ... و كوني فاهمة و دقيقة بكل شي ... و قولي له عن شنو عذاب الي يكذب و شنو عذاب الغيبة و النميمة ... و قولي كل شي بالتفصيل الممل عن هذي المواضيع ... و خلي اخر شي عذاب الي يزني ... عشان ما يشك بشي ... و قولي له الزنى حرام ... فإنه لا يقتصر ضرر الزنا على الزناة فقط بل يتعدى إلى غيرهم، فينزل غضب الله على قوم كثر فيهم الزنا، ويكثر فيهم الموت أيضاَ، فعن ابن عباس رضي الله عنهما أن رسول الله قال: { إذا ظهر الزنا والربا في قوم فقد أحلوا بأنفسهم عذاب الله } [رواه الحاكم وقال: صحيح الإسناد]. ... قال تعالى ان الله لا يغفر ان يشرك به و يغفر ما دون ذلك لمن يشاء ) ... اذا فــ ليسرع الانسان هنا الى التوبة ... فأن باب التوبة مفتوح لذا قولي لة يجب على جميع المسلمين محاربة الزنا والابتعاد عن أسبابه كالتبرج والسفور والاختلاط والغناء والمجلات الماجنة والأفلام والمسلسلات الهابطة الداعية إلى كل فحش ورذيلة. حبيبتي حثي ابوج على الصلاة في وقتها ... فالصلاة تنهى عن الفحشاء و المنكر ... و شوفي اختي شنو عقاب الزاني في قوقل ... اكيد راح تلقينه ...و الزاني راح يتعاقب على فعلة اذا ما تاب لربة ... اما اذا تاب فأن الله غفور رحيم ... فالزاني يشارك المشرك و القاتل في نفس العذاب والعياذ بالله ! فهل يليق بعاقل بعد ذلك أن يعرض نفسه لمثل هذا العذاب من أجل شهوة عابرة تذهب لذتها سريعاً ويبقى عذابها ... و اذا قال يعني انتي شاكة فيني مثلا ... قولي له : حشى انا اشك بأبوي ... مستحيل انت اغلى ابو في الدنيا ... شلون تبيني اشك فيك ... و قبلي راسة و انتي مبتسمة و ضاحكة ... لكن اهم شي لا تبينين له انج تعرفين عن الموضوع ... الانج ان قلتي له راح تصير مشاكل ... و امج مثل ما قلتي مريضة يعني لا تقولن لها عن شي ... و يمكن هي تعرف عن هالشي بس انتي راح تحرجينها و لو ما كانت التعرف فأنت راح تصدمينها ... فـ للاحسن و للافضل لا تقولين لها ... بس غلاتي لا تخلين هالشي يأثر فيج ... فأنت كأبنه لازم تحترمين و تقدرين ابوج ... فأنت بس لو عبستي بوجهه راح تأخذين ذنب كبيـــــر ... و اخيرا ادعي في اخر الليل ان الله يهدي ابوج الى الطريق الحق و خصوصا في السجوود ... و موفقة ان شاء الله
