الفزعة يا بنات

هلا خواتي
ابي ازور الكويت ان شاء الله قريبا و بغيت مساعدتكم في الفنادق
شنو فنادق زينة و أسعارها حلوة و موقعها أحلى
الصراحة آخر مرة سكنت بفندق حلو بس للأسف انا ما في حجز
لي ميرديان -بنيد القار

هلا والله حياج الله بالكويت
عندج السفير - المارينا - النخيل - شقق فندقية بودل بالساليمة بشارع المطاعم - الراية - جي ماريوت

ياختي انا بعد رايحه الكويت ومادل فيها شي ياليت خواتنا الكويتيات يدلوني على افضل المجمعات والاسواق اللي تستاهل الزياره لان اللي عرفته ان مجمعاتهم كثيره ابي اشياء كويتيه بحته ماحصلها عندي بديرتي قطر وزيارتي هي من الثلاثاء الى السبت بس بشهر 3

حياكم الله خواتي بالكويت نورت بوجودكم

عندج الفنادق __ النخيل --المارينا-- المنشر --هوليدي ان -- الشيراتون

المجمعات :- السالميه (الفنار - المارينا - ليلى جاليري- زهرة - سوق السالميه او يسمونه سيتي سنترالسالمية)

حولي (المهلب- مركز العثمان - البحر سنتر - دار العوضي- بيروت- النقرة)

الاحمدي (الكوت - المنشر - اجيال - كويت ماجيك)

الفروانيه (الافنيوز- المغاتير- الحمراء مول- العربيد غاليري- )

الجهراء (السليل- اوتاد - الخيمه مول-)

والمطاعم عد وخربط ماشاء الله واي استفسار انا حاضرة​

انا سكنت في فندق جي دبليو ماريوت والحمدلله كنت مرتاحه ويمدحون فندق المارينا

في فندق ibs بوسط السالميه ومجمعاتها وفي المركز العلمي وفي داخله الأكويريوم والآي ماكس إهي سينما ثلاثية الأبعاد ويعطونج نظاره خاصه علشان تشوفين الفيلم فيها وفي داخل مطاعم يعني مكان حلو ويونس

حياك الله فى ديرتك الثانيه وعندك فندق الهيلتون والمنشر حلوين