والله الحال من بعضه يتطلع لقيماتي يابسه تكسر ضروس اللي ياكلهم أو لينه ومليانه عجينه بس من ألحين بجرب كذا خلطه وإذا أضبطت معاي راح أنزلها لأحلى بنات المنتدى
مرحبا الساع حبايبي بنات ديرتي بالنسبه للقيمات اشتري لقيمات العلالي كرتون مع ملعقتين جبن كرافت السائل و2ونص كوب من الماء الدافيئ واعجنيها تطلع معاج سائله وخليها تخمر ساعه وبس بالعافيه طبعا الاشكال لابد منها وبعدين تتعودين وتطلع شي معاج بالملعقه الصغيره وحطي فوقها اخر شي عسل يطلع رووووووووووووووووووووووووووعه
السلام عليكم حبايبي...عندي لكم لقيمات سهلة بلا مكونات ولا شيء والله انا قبل كنت اسوي لقيمات تجنن قبل لا اتزوج... وكنت استخدم لقمة القاضي و احط معاها روب واسويها... والله كل من شافهم قال هذا شغل محل حلويات... وبعد فترة سبحان الله مايظبطون وياي بالمرة... يعني اما يابسه او تكون عجينة و غامجه من جهة وحدة.. وبيضه من الجهة الثانية... بس الحمدلله رجعت اسويها مثل قبل واحلى واللــــــــــــــه ... بس هالمرة والله ما استخدم شيء بالمرة... يعني بس كرتون لقيمات العلالي صراحة صج تطلع روعه وخصوصا ان زوجي دايما يبيهم حتى بعد الفطور.. و اهلي حتى لوماجيت لهم لازم ادزلهم برمضان يوميا وبيت اهل زوجي >>> كلهم بعد يحبونها.. لي تفطرنا عندهم يقولون لا تنسين اللقيمات والله كل من ذاقهم يشهد انها احلى لقيمات ذاقهم بحياته.. مايتفطرون الا عليها ولا ترا اسوي كرتونين لزوجي واهلي... وهاذي الطريقة بالتفصيل الممل... شوفوا حبايبي... اخذ ((1)) كرتون العلالي واحط عليه الخميرة مالته واخلطها مع الطحين قبل لا ازيد الماي... وبعدين احط عليهم ماي فاتر شوي دافي عشان يتخمرون احسن ..المهم كمية الماي لكل كرتون>>>>>كوب وربع (( القلاص العادي اللي يبيعونهم الجملة بكيس وسعرهم بدينار1 يجيج عريض من فوق وضعيف من تحت ولونه مائي وعليه رسومات ورود او نقوش من تحت اتمنى انكم عرفتوه)).. واخلطهم بايدي لمدة دقيقة بس حيل يعني ارفع العجينة وانزلها نفس الضرب ملاحظة العجينة تصير لا هي خفيفة ولا ثقيلة حيل يعني مايلة للثقل شوي.. واغطي الوعاء بكيس نايلون واربطه.. واتركهم بمكان دافي على طاولة المطبخ لمدة من 30 _ 45 دقيقة..... وبعدها اجهز مقلاة الغلي وتكون عميقه (( انا استخدم مثل مالت اليابانيين)).. واحط فيها زيت غزي(( ملاحظة الزيت هذا اخليه خاص للقيمات لكذا مرة استخدمه بس لازم اشخله بالمشخال قبل لا استخدمه مرة ثانية ))... واتركه لحد ما يصير حار جدا بس مو يدخن ... وبهالفترة هذي اجهز طاسه او ماعون شوربة صغير واحط فيه شوي ماي ... واجهز الملعقة الكبيرة ((ملاس)) ويكون مشخل ... واجهز مشخال واحط تحته صحن... وبعدها لما يجهز الزيت ويسخن اوطي على النار للاخر.. وبعدها اغط ايدي بالماي شوي واخلط العجينة مرة ثانية واخذ باطراف اصابعي شوي من العجينه على شكل كره >>> لاهي كبيرة ولا صغيرة وانتي تعرفين حجمها بعد ماتخلص اللقيمات يعني اذا كانت كبيرة صغريها والعكس.. المهم بعد ماناخذ العجينة باطراف الاصابع على شكل كره لازم امسح بها يمين ويسار على طرف الوعاء من تحت لي فوق علشان تصير مدورة حيل وبعدين سيدا اسقطها بالزين بهذوء مو حذف وتكون ايد قريبه للزين.. وبسرعه اكرر الطريقه احط ايدي بالماي وانثر الماي منها واخذ العجينة مرة ثانية واكرر الخطوة اللي قبلها واذا امتلت المغلا يعني سطحها طبعا اعلي على النار مرة ثانية مع التحريك المستمر المستمــــــــــــــر واقلبهم واالتحريك بشكل دائري لحد مايتحمرون.. واشيلهم واحطهم بالمشخال..... واوطي على النار مرة ثاني.. واكرر الخطرة السابقة لحد ماتخلص كمية العجينة... وبعدها اخذ اللقيمات واحطهم بجدر كبير واصب عليهم الشيرة ((القطر او العسل)) انا استخدم الجاهزة اللي بالجمعيات حلوة وطعمها حلو اللي لونها اصفر بالزعفران... مو الشفافه....واحركهم بايدي بشكل دائري وفوق وتحت لحد ماتلزق الشيرة عليهم عدل وبعدين على حسب الذوق اللي يحب السمسم.. وصدقوني حلوة>>> اخذ سمسم مقدار 1 م.ط او اكثر شوي لكل كرتون.. وانثره باليد وارد احركه وبعدها اوزعه بالصحون او بصحن حلو كبير للتقديم .... وبالعافية جربوها ماراح تندمون ... ادري طولت عليكم بس شسوي والله اتمنى لكل وحدة عرفت طريقتي تستفيد منها وان شاء الله تضبط معاهها.. ابي دعواتكم بالذرية الصالحة... اللهم لاتذرني فردا وانت خير الوارثين... alprincess>>> البرنسيســــه R
طريقتي ما في أسهل منها والطعم ولا أروع المقادير: كوب طحين 6حبات جبن كيري ملعقة بيكنج باودر رشة ملح ماء تعجنينهم بالماي ليما تشوفين الخليط متجانس وخليهم ساعه يختمرون وبعدين اقليهم و عليكم بألف عافيه
انا عندي طريقة وهي واحد قلاس طحين اسمر وابيض وخميرة فوريه وقليل من الزعفران ورشة ملح وسكر وتعجن بالروب بدل الماي
والله مافي ألذ من لقيماتي تهبل لقيمات وجبنيه 2 في واحد تاخذين ياطويلة العمر كرتون لقيمات جاهز مكتوب عليه هونج وتحطين عليه ملعقتين جبن سائل كرفت وتتبعين التعليمات وكمية الماي اللي عليه ومدة التخمير مكتوبه وربي عليها طعم يهبل والزيت اهم شي لاتخلينه حار من اول ماتحطين التاوه على النار خليه مقصر عليه عشر دقايق وحطي اللقيمات ولما تجين تاخذين بالملعقه شوي تكونين داهنه املعقه يعني عندج طاسه صغيره فيها زيت تغطين الملعقه فيها بعدين تاخذين العجينه وتحطينها بالزيت وهكذا لين تخلص الكميه وتقعدين تقلبين برواقه وبعدين سيده تحطينهم في الشيره وشوفي الطعم عليكم بالعافيه
أهلين ياقلبي و الله انا استخدم الخليط الجاهز لقمة القاضي بس اضيف لها زياده خميرة فوريه علشان تنفش و لون اصفر شوي و ملعقة نشا و تطلع حلوووووووووو دمتي بود
مررررررحبا انا بقولكم المكونات علبة لقيمات القاضي يعني الكرتونه وخميره وملح شويا وماءوتخلينها لين تخمروتنتفخ العجينه طبعاتغطينها خلصنا الحين اذا بتغلينهاتحطين ملعغتين قشطه فوق العجينه وتخلطينهم مع بعض وتغلينها هذي طريقتي ودعولي
بلا عوار راس صراحه كنت اسوي الاقي الخدامه قلب اسود وجهها وتاخذ وقت ويليت حلوه الاحظ اذا كليت القيمات عند ناس مايقولون لو شنو واقرب الناس لي وشرايكم نطلب من حلويات الصالح والله القيماتهم حلوه
حبيتى احسن طريقه للقيمات العلالى مع القيمر رووووووووووووووووووعه وبعد ماتخلص حطى الشيره وفوقها السمسم
عندي بطريقتي بعجينة الفطاير تحطينيي فيها جبنه كيري ثم تكورينها ثم تضعينها في الزيت ثم الشيره وبلعافيه ولاراح تصدقين من طعمها الررررررررررررراااااااائئئع
