ميخالف حتى لو مو نازله لا توقفين ماشاء الله الظاهر جسمج من النوع الي بسرعه يضعف انا اموت علشان انزل كيلوين .. قوليلنا ريجيمج خل نسوي معااج
السلام عليكم انا بصراحة توني سجلت بالمنتدى من كثر ماعجبتني المواضيع والعضوات ماشالله جنهم خوات الله لايغير علينا وبصراحة انا داشة بقوة لاني فعلا تعبت من كثر تنوع انواع الرجيم وماكو فايدة بدال لا انزل يزيد وزني وانقهر اكثر ارجو منكم مساعدتي خصوصا اني سمعت عن الدكتور بدر النصرالله وروعة نظامه ولكن للاسف ظروفي المادية ماتسمح لي بزيارته وارجوكم مساعدتي وانشالله في ميزان حسناتكم اختكم وردة البحرين الجريحة :frown:
ماشالله عليج و الله يتمم عليج هالإراده و يحرسج من العين انا ودي اروح حق الدكتور بس احس مالي خلق اروح الشويخ و ما ادل اصلا شي بالديره لوول بس ماشالله استمري و ترى نزولج حلو و ما تحتاجين وايد و الله يوفقج شجعتينا:teeth_smile:
قووووةةةةةةةة اااسفة سافرت و ضيعت الموضوع... انا لازلت مستمرة حتى اليوم و لله الحمد انا الحين باسبوعي التاسع و النزول 12 كيلو حتى الان.. الدكتور ما قصر معاي كل اسبوع نظام يديد الاسبوع اللي طاف عطاني رجيم قاااااتل نزلني كيلو و نص و هالاسبوع عطاني خوش رجيم كله اكل مراجعاتي كل احد و اخر وزن لي كان 78 و الوزن عند البداية كان 89.9. يالله نبي اخر الاخبار :teeth_smile: لا يوقف لايوقف
وين الحمااااس ؟ سويتية وين الارااااادة .. تبين تتمين عالمتن عشان عيزانه تسوقين لي شوييييخ !! يبيلج زفة سنعه .
السلام عليكم ياحلوات اقسم بالله العظيم اني عودت نفسي على رجيم طول حياتي ماهمني انزل جم كيلو ولا لأ المهم اكلي صحي لاني ماكو رجيم ماسويته ولا دكتور مارحت له وماكو فايدة فقررت ان اتبع حمية معينة طول حياتي ومره بالاسبوع اخربط بس بالمعقول وارجع مره ثانية التزم انا وزني 110 كيلو ومستحيل ينزل وهذا رجيمي من سنة الصبح قلاس ماي دافي الريوق 2 توست مع جبنة شريحة وحدة الي عليها رسمة الرشاقة مع خيار + حليب شاي ( طبعا حليب خالي الدسم ) الضحى تفاحة الغدا روب بخيار + توسته + ربع دجاجة أو 2 همبرجر ( طبعا توست اسمر ) المغرب 3 تمرات العشا ( الساعة 6 مساءاً ) صمونه فلافل وطبعاً اشرب شاي اخضر وكل اكلي بدون ملح وبدون سكر وقسماً بالله اني ماانزل ولا كيلو
اختي ترى اكلج كله نشويات مو شوية .. صمونة الفلافل بروحها فيها 500 كالوري!! بعدين التوست و الصمون في كل وجبة و هذا وايد .. بعدين مافي شي اسمه ما اضعف , طبيا مافي شي يمنع الضعف . في اشياء تبطيء الضعف مثل الغدة او مشاكل الهرمونارت لكن حتى اللي يعانون من هالاشياء يقدرون يضعفون . مشكلتك نظامك مو عدل و اعتقد ان مافي رياضة . انصحج تسوين تحاليل هرمونات و تاخذينهم عند دكتور سنع يمشي معاج عدل و اشتركي بنادي:teeth_smile:
اي و الله تعبنا من المتن انا هلعيد ما عيدت من كثر ما ظاق خلقي يوم رحت السوق ماشريت شي عشان جسمي باااااااااااااااايخ انا الحين اسوي ريجيم و يريت البنات يشجعوني عشان كل مرة اسوي ريجيم و ما ستمر موديلو بلييييز انا ابي احد يزفني انا في يومياتي راح اعترف شنو كليت بليز لا تحرميني من طلتج الحلوة :wink_smile:
شمس الشموسة يالغالية كلنا مرينا بهالحالة !! انا يوميا ادش المنتدى بتنزفين على كيف كيفج علمينا تفاصيل رجيمج و كم وزنج و كم حابة تصيرين ؟؟ انا كنت تقريبا 90 الحين 76 و بنزل ان شاء الله لي 65 و ماشية على رجيم د بدر النصر الله
سامحوني عالانقطاع بس اليكم اخر الاخبار : نزلت 18 كيلو ووصلت 71 و بعدين الدكتور كنسل كل مواعيدنا على انه بيمنتقل عيادته الجديدة !! صار لنا لحد الان 7 اسابيع من غير مراجعه و اذا ردوا عليج بعد طوووووول معاناة يقولون لج ما ندري متى بنستأنف المواعيد ( حلوة نستأنف هذه ) طبعا شهرين و انا اببببللللع لما طق وزني 76 جان اروح اول امس عند د محمد ربيع عشان الحق على عمري اليوةم لي ثاني ووزني 74.8 و رجيمة حلو .. اللي تحب تشاركني تتفضل اعطيها اياه . هو قالي انه المفروض اقل شي انزل هالاسبوع 3 كيلو والا بيقتلني
