السلام عليكم يا بنات .. بصراحه عندي قاعده .. اللي أشتري منه شي ويكون مثل ما كنت ابي لااااااازم أشكره.. واللي أشتري منه وما يعجبني(يطلع بالواقع غير عن الصور) أسكت وما أتعامل معاه مره ثانيه.. خصوصا بضايع الانترنت لان الخام غالبا يطلع مو نفس توقعاتنا أو أقل جوده بكــــــــــل صراحه ... رحيق العمر ما قصّــــــــــــــرت معاي بولا شي وبالـــــــــــــــــها طويــــــــــــــــــل .. أسعارها تينّن وبضايعها بالواقع وايــــــــــــد أحلى من الصور استلمت منها اليوم 4 نفانيف كل واحد يقول الزود عندي صج ما توقعتهم جذي واحد منهم باركب له شوارفسكي وباخليه لسهره وال3الباجين باخليهم للزوارات يعطيج ألف عافيه يا رحيق العمر.. وانا بغيت أشكرج جدام الكل .. واللي بخاطرها شي ومتردده .. ترى بتشوفون اللي يسركم وماراح تتحسفون .. صج خامات تينن وخياط مرتّـــــــــــــــــــــب وأسعار أرخص من بره الله يوفقكم جميعا
هلا أختي ليلى .. يا عمري والله صدمتيني بـردج .. جزااج الله خير .. والله أنا أتمنى أن أي وحدة تاخذ مني اتكون راضية لأني أحط نفسي مكانها .. و الحمدلله إنهم اعجبوج .. و هذي شهادة أعتز فيها والله .. كلج ذووق حيااتي .. بس تعالي .. عطيني اشووي من أفكارج هههههههههههه أي موديل الي تبين اتضيفين عليه الشوارفسكي ..؟ البنقسجي ..؟ و حيـاج الله يا قلبي ..
حبيبتي انتي من لا يشكر الناس لا يشكر الله وانا عن جد أبي الكل يستفيد ولأنج صج تستاهلين وبضاعتج بصراحه تشرّف كتبت لج هني بدل ما احط لج مسج روتيني وأشكرج وهالشي لا تنسين إنه بيصير بويهي جدام بنات المنتدى.. فأكيد لو موشي صج راقي وحلو جان ما حطيت على العام إي البنفسجي .. اللي قلتي لي عندج منه :wink_smile: باركّب عليه شوارفسكي من جدام صوب الصدر (الجيس حصلته ب14 دينار فيه أكثر من 1000 حبه بسوق الصفاة :teeth_smile: واتوقع ما ياخذ الا ربع الجيس) ومعاه هيلاهوب أسود وشال شيفون أسود مال بدله ثانيه و وانتي بكرامه جوتي بنفسجي وجاري التطبيق صج لبسته أمس سويت بروفه طلع شي خيـــــــــــــــــــــــال حبيبتي مشكوره مره ثانيه ماننحرم منج والله يوفقج ويرزقج كل ما تتمنين
يا حيااتي والله هذا من طيب أصلج .. جزاج الله خير على الكلام الطيب إلي ما يطلع إلا من الطيبين .. فديتج مشكوورة ع الفكرة .. اتصدقين سعر الشوارفسكي عندهم أرخص حييل من محلات الكلف .. و الفكرة رووعة .. شكلي بسويها ..:/ الشورافسكي أخذتي أي لون بنفسجي و لا فضي ..؟ و ياعمري آجمعين يارب .. مشكوورة على الدعوووة ..
حبيبتي رحيق العمر إي حده أرخص عندهم من محلات الكلف اخذي جيس 1 يكفيج شهور لي جدام وركبي على راحتج مكان ما تبين ترى يركب بالأوتي بعد ماله داعي جهاز.. انا عندي الجهاز بس ما يعطي نفس نتيجة الأوتي بس حطي بين الأوتي وبين القطعه جريده وضغطي أخذت فضي لأن بنفسجي مع أسود يبيله شي يشب.. البنفسجي معاه راح يصير وايد هدوء ولبسي معاه تراجي فضيه كرستال كبيره صدقيني بيطلع شــــــــــــــــــــــــــي :wink_smile: وأكيد انتي بتحلّينه بالتوفيق يا قلبي وان شاء الله تبيعين كل اللي عندج.. صج بضاعتج وخامتها وقصّاتها تستاهل الواحد يشتريها ويتعب عليها بعد بالتوفيق
هلا حياتي ليلى .. إي تووقعت اتحطين فضي .. و تسلمين يا عمري أنتِ أحلى .. و فديت الذووق الحلووو .. تدرين ما أعرف اركب الشوارفسكي .. بس من طريقتج جني فهمت .. بس ما تحترق الجريدة من حرارة الأوتي ..؟ شكلي بجرب من الشوارفسكي الي عندي على قطعة قديمة تجربة .. لأني كنت ناوية أوديه لخياط لوووووول و تسلمين يا حياتي ع الدعووة الحلووة كلج ذووق والله ..
