دكتور كاظم ابل يستقبل استفسارتكم

السلام عليكم ورحمة الله وبركاته

اخبارك يالدكتور نورت المنتدى بطلتك

انا عندي صديقتي كانت شعله من النشاط والفرح
والان بعد عشرين سنه تبلد تاااام لاتحس بالحب ولا الكره
ولا تستمتع بحياتها على ان جميع الظروف جيده
ولكن قتلها القلب الخالي ....؟

فياليت تلقى حل لها

اهلين فيج

الخمول وعدم الحماس للحياه وعدم وجود الدافعيه للانجاز والشعور بالياس من اعراض الاكتاب افضل عمل تشخيص دقيق لمعرفة مستوى الاكتاب لديها وبالتالي اقرر نوع العلاج وشكرا

يسعدلي مساك أخزنا ودكتورنا الفاضل ......
أتمنى تكون بصحة طيبه .........
مشكور على اهتمامك بمواضيعنا وردودك لنا ...........
بالنسبة لمشاركتي عن هالناس هم وللأسف قراب مني وأشوفهم بالأسبوع أكثر من مرة ... لو زميلة معاي بالدوام جان طنشتها بدري ... لأن فترة الدوام قصيرة وتنتهي علاقتي فيها بانتهاء الدوام ...
على كل حال مطنشتهم ع الآخر ومايشزوفون شر لأنهم دائما منتقدين لأغلب الأمور مني أو من غيري فالله يعينهم على نفسهم ..
وبالنسبة للدورات فبفضل من الله حاصلة على شهادة ال nlp وغيرها وفن التعامل مع الآخرين من أكثر من دكتور .... وأخيرا شاكرة جهودك الجبارة .

مشكوور ويعطيك الف عاااافيه يادكتوور ..

دكتوووووووور حياك الله بالمنتدي ويعطيك العافيه انا بصراحه بتكلم عن صديقتي وبلاقي حل لانها وايد متاذيه من هالموضوع امها دكتور دايما اتبووووووق اغراضها الخاصه لها او لزوجها لما تجيهم زياره والبنت لاحظت مره مرتين زوجها ايهاوشها صار بينهم مشاكلاللي قالت لها الخدامه قالتلها هذي ا مج اللي تاخذ مو انا خدامت الام مو البنت وتغاااااار وايد من بناتها كلهم وتقلدهم اي شي عندهم اتقولهم يبولي وعمرها تقول لما تشكيلي ما كانت لاتدرسنا ولاتعلمنا اي شي بالحياة الا الاكل تطبخ وتغسل وتنام وحتى لما تزوجو ماتنصحهم بشي لما رفيجتي حبت تتطلق من المشاكل حطت فلوسها عندها خذت شي بسيط منهم وقالت لها مووووو انا مادري منو فالحاله تقول تطورت قامت تنشر اسرار بيوت بناتها لكل اخت وطيحهم بعض وتضحك لما يتهاوشون وللعلم عمرها65 وتحرض البنات على الابو تقولهم لاتكلمونه بس كلهم يعرفونها شلحل او التصرف معاها ارجووو الرد وشكرا

السلام عليكم ورحمة الله وبركاتة

ابي الرد على الخاص اذا امكن

السلام عليكم ورحمة الله وبركات
انا عندي وااااااااايد مشاكل
ومنها اني اشك واااايد بزوجي وفي اشياء اشك فيها وتكون فيها شكي بمحله
بس زوجي كله يخليني اني انا شكاكة ومريضة واهو البريئ فمادري شلون اتصرف معاه مع انه هالاشياء اشكره اتصير جدامي وشاكرتلك
وارجو الرد على الخاص لو سمحت

السلام عليكم انا كتبت بالخاااص للدكتور ابي الرد باسرع وقت صارلي مده

وانا دازه الرساله

شلونك دكتور انا مشكلتي ماني فاهمه زوجي تعبت معاه لما ابي شغله او البيت ناقصه شي وقوله قال انتي حنه ماتسكتين طلباتج وااجد وايده طويله بالطق يعني اي سالفه انا ويه لازم يمدايده وانا من طبعي عصبيه ما قدر اسكت لم يطقني اصارخ وروح بيت اهلي بس ماعلم اهلي اقعد جم يوم ويجي ياخذني بس تعبت انا الحين بيت اهلي بس والله تعبانه نفسيتي

يعطيك العافيه دكتوور على الرد

جزاك الله الف خير

يعطيك العافيه دكتور نورت المنتدى

هلا

اعتقد انكي تساهلتي من اول يوم مد ايده زوجج عليج واصحج بعدم الخضوع مره وحده لرغباته العدوانيه وفي حالة اصراره علي رجوعج للمنزل يجب اخذ عليه تعهد من احد المحامين او شخص ذو شالن في العايله واذا استمر بالضرب فعليك تهديده بالمخفر

السلام عليكم انا عندي مشكله بس مو لي حق وحده انا اعرفها مشكلتها ان ريلها ما يصرف عليها ولا يحط عود بالبيت كله يقولها اعيالج اهما يصروف عليج واله كله يقول ما عندي اهو فاج بيتين وحده امقعدها عند اهله ومامن لها اما الى انا اعرفها طلعها من شقتها وقعدها ابيت اهلها 5 اسنين وبعدين طلعا ودفع اجار الشقه بس شهر والباجي طاف
شنو الحل

منور يادكتورنا الغالي بصراحه انت دكتور الاخلاق والكرامه والله اني استانست لمن شفتك بالمنتدى من زمان محتاجه لك يادكتور ياليت تحط ايميلك للتواصل والله اني محتاجه لوقفتك حالتي النفسيه تعبانه الله يحفظك يارب

مشكوؤؤرّْ وً يعطيك آلفّْ عآافيهّْ عً آلنصآئِحّْ

.,.

السلام عليكم..... المشكله يادكتور في ولدي عمره 8 سنوات فيه خوف موطبيعي وعلى اي شي يبجي..ومرات يكسر خاطري لاني اطقه لمن انقهر منه .... مثال . اذا نزلت للجمعيه وخليته مع اخوانه يقعد يبجي بصوره هستيريه.. واسفه عالاطاله..شنو الحل .

السلام عليكم يا دكتور بل يسعدنا انك تعطينا حلول لمشاكلنا عن نفسي كنت مترددة ان اكتب لك عن نفسي انسان بسيطة متواضعة جدا مشكلتي الناس اللي يفهموتي دايما غلط باختصار

هلا

dr.abal@hotmail.com
وشكرا علي الاطراء الطيب

هلا

انتي بطريقتج تمارسين اسلوب غير مرغوب فيه تربويا حيث يشعر الطفل عندما تظربينه بالذل وعدم الثقه بالنفس وهذا ينعكس عليه سلبا في تعامله مع الاخرين حيث سيشعر بالنقص وعدم القدره علي المواجه واذا كان ابنك يعاني من مشكله ارجو ان لاتترددي بمراجعتي حتي اقوم بالتشخيص الدقيق وتقديم المساعده الازمه له

يا هلا وغلا

منور .. حيااك الله