فقدان..ضياع..دمار..شتات..عذاب..نقاء

اي والله مسكينه حرام

العفو حبيبتي والحين اكمل من عيوني​

من عيوني حبيبتي الحين اكمل​

البارت السابع
********

(دمار)
*****


بو خالد: سمعيني زين.. مستحيل تاخذين...

نقاء (قامت تبجي): ليش يبا؟ اهم شفيهم؟

بو خالد: مافيهم شي.. بس كل واحد له عاداته ومعتقداته

نقاء (تبجي وتصارخ): انتو ما تبوني.. ومحد فاضيلي.. خلوني أتزوج.. وأتيسر

بو خالد: ليش؟؟ واحنا قاعدين بطريجج؟؟ تزوجي أي واحد.. الا هذا

نقاء: ليييييييييش؟

بو خالد: من غير نقااش.. لأ يعني لأ
******************


بعد ما فقدو جاسم ونقاء الأمل.. تمو مع بعض .. بس كل واحد فيهم مو متحمل الثاني

ما كانو يكلمون بعض ولا يشوفون بعض وايد

يا دوب مرة أو مرتين بالأسبوع يدقون على بعض.. والشوفه وين ووين

وبهالفترة ردت نقاء تطلع وتنام عند سلوى اخت بدور

نقاء: سلووو.. بغيت النغمة الي ذاك اليوم سمعتها عندج

سلوى: أي نغمة؟

نقاء: النغمة اللي كنتي حاطتها رنة بتليفونج قبل اسبوع

سلوى: ايييييي.. عرفتها.. بس مسحتها.. اذا تبينها دقي على عبدالله ولد اختي عنده

نقاء: لا فشلة شكو أدق على الريال؟؟

سلوى: لا فشلة ولا شي دقي عليه.. قبل لا يمسحها

نقاء: اممممممم اوكي جم رقمه؟

سلوى: هاج...

نقاء (دقت على عبدالله): ألوو

عبدالله: ألوو

نقاء: السلام عليكم.. عبدالله شلونك؟

عبدالله: وعليكم السلام.. بخير.. منو معاي؟

نقاء: آنا نقاء.. حماة خالتك بدور

عبدالله: يا هلالالالا ومرحباا.. انتي وييينج؟

نقاء: هلا فيك.. موجودة بس بغيت أقولك ما عليك امر.. بغيت نغمة الل..

عبدالله: قبل لا تقولين لي أي شي.. آنا من زمااااان بصيدج

نقاء (مستغربة): ليش؟ عسى ما شر؟

عبدالله: لا ما شر.. بس دقي علي بالليل أبيج ضروري.. انتي منو يمج الحين؟

نقاء: سلوى

عبدالله: خلاص دقي علي لما تكونين بروحج بالليل

نقاء: ليش؟

عبدالله: انتي دقي

نقاء: ممممممم أوكي.. بس بغيت اقولك عن النغمة

عبدالله: يبا أصيرلج نغمة.. بس بالليل.. يلا فمان الله

نقاء: مع السلامة
*********

وبالليل.. نقاء قامت تفكر " شيبي مني عبدالله؟؟ ليش قالي دقي؟ أدق والا لأ؟ مادري أخاف.. من شنو خايفة يبااا بدق اللي فيها فيها"

ودقت عليه.. نقاء: ألوو

عبدالله: يا حيا الله هالصووت

نقاء: الله يحييك

عبدالله: وينج يا بنت الناس تاخرتي علي؟

نقاء: كاني موجودة ما تأخرت

عبدالله: امبلا تاخرتي.. تاخرتي 6 سنين

نقاء: ههههههه اولا.. 6 سنين؟؟ ليش عاد؟

عبدالله: يبا وباختصار شدييييييييد.. آنا كنت ابيج من تخرجتي من الثانوية.. بس كنت ناطر الفرصة المناسبة.. وآنا للحين أبيج وودي أخطبج.. شقلتي؟

نقاء اخترعت لما سمعت كلمة (أخطبج) تذكرت اللي صارلها مع جاسم " شلون أتزوجك يا عبدالله؟"

عبدالله: أعتبر ان السكوت علامة الرضا؟

نقاء: عبدالله انت بصراحة فاجأتني.. آنا اخليك الحين

عبدالله: وييييين تخليني؟ تعالي.. آنا صبرت بما فيه الكفاية وما فيني صبر.. ويايج يايج.. والحين ماراح أسكره لما أقولج قصة حياتي كلها.. سمعي..

وقعد يسولف لها عن دوامه.. معاشه.. بيته.. ظروفه.. كل شي.. لين صارت الساعة 7 الصبح

الغريب ان نقاء انربط لسانها وما قدرت تقوله انها ما تبي تتزوجه

والصبح من التعب.. سدته.. ونامت على طووول

لما قعدت الساعة 2 الظهر لقت الكل ناطرها.. ولما فتحت جهازها.. والا بدور تدق عليها

نقاء: ألوو

بدور: ألف الصلالاة والسلالام علييييك يا حبييب الله محمد.. كلولولولولولولولولولولووووش

نقاء: شالسالفة؟

بدور: اهييييييي يعني ما تعرفين السالفة؟ آنا أقولج السالفة يا عروسة.. تعرفين عبدالله ولد اختي مها؟ يبيج وبنيي نخطبج بأسرع فرصة

نقاء تذكرت الموضوع " امبييييييييه السالفة جد"
***********************


ويو خطبو نقاء.. وبنفس اليوم قررت نقاء تقول حق جاسم

دقت عليه.. نقاء: ألوو

جاسم: هلا نقاء

نقاء: شلونك جاسم؟

جاسم: الحمدلله بخير.. انتي شلونج؟

نقاء: آنا الحمدلله زينه.. بغيت أكلمك بموضوع

جاسم: آمريني

نقاء: آنا.. آنا انخطبت.. ووافقت

جاسم (سكت فترة): مبروك.. الله يوفقج

نقاء: الله يبارك ببحياتك.. والله يوفقك.. وتلقى أحسن مني

جاسم: يعني انتي شايفة هذا اللي المفروض يصير؟

نقاء: اي .. آنا شايفة ان الأفضل ان كل واحد يشوف نصيبه

جاسم: خلاص اللي تشوفينه.. عن اذنج.. والله يوفقج

نقاء: أجمعين مع السلامة
************


عبدالله كان جميل.. طويل عريض.. وسماره حلو.. عيونه صغار

رموشه كثيفة حيل.. ما شاء الله.. خشمه دقيق.. وشفايفه متوسطة.. شواربه سووووود

أسنانه بيضة.. صفة وحدة

الخطبة ما طولت.. لأن عبدالله يصير حق مرت اخوها فما سألو عنه وايد.. وملجو بسرعة

وأول ما ملجو شرا عبدالله حق نقاء سيارة وموبايل هدية.. مسكين فعلا حبها

وبعد الملجة بجم يوم.. عبدالله كان قاعد يسولف مع نقاء بغرفته.. وفجأة قرب منها وباسها

نقاء (انتفضت): عبدالله انت شقاعد تسوي؟

عبدالله: شنو؟ شسويت؟

نقاء: ليش بستني؟

عبدالله: هههههههههههههه بعد زوجتي.. ليش ما أبوسج؟

نقاء: لو سمحت وخر عني

عبدالله: نقاء حبيبتي انتي زوجتي الحين.. ترى عادي.. انتي حلالي.. أصلا .. شلون ليه قتلج بنام معاج الحين؟؟

نقاء: شنووووو؟ لا مو من صجك

عبدالله: ليش لأ؟ انتي زوجتي.. لا تحرميني.. ومردنا بنتزوج

نقاء: عيل ليش بنسوي عرس؟؟

عبدالله: عادي نسوي عرس.. بس خليني أدخل عليج الحين.. تكفيييييين مو قادر أصبر

نقاء(تبجي): لالالالالالالا الله يخليك مابي الحين

عبدالله: خلاص خلاص لا تبجين.. مابي شي.. مسحي ويهج.. وامشي خل نطلع

نقاء مسحت ويهها.. وطلعو من غرفته

وطول فترة الملجة.. ماراحت مرة ثانية غرفته.. ولهت بسالفة تأثيث جناحها في بيت أهل عبدالله.. وتجهيزها من السوق
************************************


وبيوم العرس.. كان كل شي حلو ومرتب

وكانت نقاء روووعة.. نفنوفها كان لونه أبيض كوكتيل ومنفوش نفس السندريلا وكله يبرق.. وطرحتها طويلة.. ولابسة تاج مع التسريحة

ومكياجها كان ثقيل وناعم بنفس الوقت.. عيونها سموكي.. وحمرتها وردية فاتحة.. مايلة للون اللحمي

ودخلت على اغنية هب السعد.. كانو مطفين كل الليتات.. ودخلو جدامها بنتين صغار.. يرشون الورد بممشاها.. وثنتين وراها بمبخر وماي ورد

كانت تهبل .. ما شاء الله

الكل كان مستانس.. الا نقاء.. وناستها ناقصة.. وطول الوقت تدعي ان الله يستر عليها

بعد ساعتين من دخلة نقاء.. دش عبدالله مع الرياييل

كان حده مستانس.. ويوم طاحت عينه على نقاء.. استانس زيادة..كانت روعة.. وأخيرا الليلة بتكون فعلا له

بعد ما خلص العرس.. سوو حق المعاريس زفة عالبحر

ونقاء ما ودها تخلص الزفة لأنها خايفة من اللي بيصير بعدين.. بس عبدالله يبي ياخذها طيران لجناحهم

أول ما وصلو.. دخلت نقاء وبدلت.. لبست قميص نوم ناعم بيج طويل وفوقه روب

وقعدت مع عبدالله تسولف عالسرير

عبدالله: الحمدلله حبيبتي أخيرا لمنا سقف واحد

نقاء (قاعدة تحاتي بس تحاول ما تبين.. ابتسمت ابتسامة خفيفة): الحمدلله

عبدالله: شفيج مستحية مني؟

نقاء: لا حبيبي عادي

رن بيجر عبدالله.. طالع الرقم نزل البيجر ورد يطالع نقاء

نقاء: منو؟

عبدالله: مادري.. خلينا منه.. هاذي ليلتنا

رد البيجر يرن.. وتم يرن ربع ساعة

عبدالله: اووووووووه منو هذا اللي مايستحي على ويهه داق هالحزة؟

نقاء: عادي .. لاتعصب قوم شوف منو.. أخاف أحد يبيك ضروري

عبدالله (خذا تليفون البيت.. دق على الرقم): ألوو

------

عبدالله (ويها حده مستغرب): منو انتي؟

-------

عبدالله (مد ايده بالسماعة حق نقاء): شوفي منو.. يمكن حقج

نقاء (خذت التليفون): ألووو

بنت: ها؟ خذيتيه؟ بس صدقيني ماراح اخليج تستمرين معاه

نقاء (ضحكت ضحكة قهر): دامج تبينه ليش ما خذيتيه؟ روحي يا معودة اله يعطيج العقل.. والليلة عرسنا مو فاضينلج .. يلا

وسكرت التليفون بويهها.. نقاء (معصبة): يا حقييييييييييير.. خمامك لا يوصلني رجاءا.. جان عندك **الة تكلمها بعيد عني

عبدالله: والله حبيبتي ما عرف منو؟ يعني لو أدري أعطيج اياها تكلمينها؟ شنو ما عندي عقل آنا؟ وحتى لو كنت أكلم من قبل.. من خطبتج هديتهم كلهم.. وما عندي احد وآنا اخترتج من بد البنات كلللللهم

نقاء: عيل منو هاذي؟

عبدالله: مادري.. يمكن أحد مطرشها.. صدقيني.. حبي والله ما عرفها

نقاء: أوكي ماشي.. بس جان عندك شي.. مابيه يكون صوبي

عبدالله (قرب منها وباس راسها): انتي حبيبتي .. صدقيني ما عندي شي

نقاء حست ان الحين بيصير شي..خافت حيييييييييل

بعد مقدمات.. وتمنعات وااااااااااايد من نقاء.. دخل عليها عبدالله

بعد ما خلصو.. نقاء ركضت الحمام.. عشان تغسل.. وايدها على قلبها

لحقها عبدالله: ها في دم؟
***********

يعطيج العافيه

الله يعافيج حبيبتي :smile:​

البارت الثامن
*********


عبدالله: ها في دم؟

نقاء (ترجف): مادري.. (مدت ايدها سحبت كلينكس.. مشت المنطقة) ماكو شي

عبدالله: يعني شلون ماكو شي؟ ما يصيير

نقاء: بعد كا جدامك.. آنا شكو؟

عبدالله (يطالعها بريبة.. وشك): نقاء.. شالسالفة؟

نقاء: شفيك تطالعني جذي؟ شذنبي يعني مافي دم؟

عبدالله: لازم كل بنت لما تصير مرة يطلع دم

نقاء (بغت تبجي تمثيل.. لكنها بجت صج من الخرعة باللي راح يصير الحين): شقصدك يعني آنا مو بنت؟ انت تشك فيني؟

عبدالله: لا تبجييين وقوليلي.. ليش مانزل شي عيل؟

نقاء: مادري

عبدالله: ما تدرين هااا؟؟ آنا حماااار عندج؟؟ الحيييييين تلمين اغراضج وتروحين بيت اهلج

نقاء (زاد بجيها بصراخ.. وطاحت على ريوله): الله يخلييك لا تفضحني.. آنا تعذبت بدنيتي وااااايد.. لا تعذبني أكثر من جذي.. والله أصيرلك خدامة تحت ريولك بس لا توديني بيت اهلي

عبدالله (رفسها): ذلفي عن ويهي .. أكرهج.. استغفلتيني.. عبالج آنا مدمغ ما أفهم.. قلتي هذا يحبني يمووت علي خل ألعب عليه

نقاء: لالالا حرام عليك.. مو ذنبي.. آنا ما سويت شي

عبدالله (مسك شعرها.. ورفعها منه)

نقاء (ايدها على راسها.. تبجي): آآآآآآآآآآآي

عبدالله (قربها من ويها): قتلج ذلفي بيت أهلج.. مابي أشوف رقعة ويهج

نقاء (تبوس ايدها.. تبوس ريله): أبوس ايدك.. أبوس ريولك لا توديني بيت أهلي.. والله قول آمر.. باللي تبيه.. أمرك مطاع. بس استر علي .. ولا تفضحني

عبدالله (سكت شوي): شوفي لأني انسان أخاف ربي.. وبخليه بميزان حسناتي بتمين عندي شهرين. وبعدين أطلقج.. قولي حق أهلج أي مشكلة صارت.. بس انتي الغلطانة

نقاء: الله يخليك لا تطلقني.. آنا مابي أتطلق

عبدالله: سمعي يا نقاء.. كثر ما حبيتج كثر ما الحين أكرهج.. ولا أشتهي أطل بويهج.. أحس انج انسانة وصخة.. نجسة.. مثل ما قلتلج
شهرين مافي غيرهم.. وهااااااا أي شي أسويه انتي مالج شغل.. واذا أبي حقي بهالشهرين غصبا عليج تعطيني اياه.. فاهمة؟؟

نقاء (ارتاحت شوي.. قالت يمكن بهالشهرين يغير رايه): حاضر ان شاء الله.. اللي تامر فيه

عبدالله: والحين طلعي من الغرفة .. مابيج تنامين عندي.. مو مشتهي أطل بويهج

نقاء خذت مخدتها.. وسحبت لها شرشف.. وطلعت تنام بالصالة
*************************


عبدالله طول الليل يتقلب .. موقادر ينام " يمكن البنت فعلا مظلومة.. يمكن ماكو شي بس آنا أتوهم.. لأ لأ عاد مو لهالدرجة الغباء.. لا تصير غبي.. عيل ليش ما نزل منها شي؟ صدقني اهي لاعبة من قبل.. آنا ليش مخليها عندي؟؟ خل تذلف تروح بيت أهلها وأرتاح"

عبدالله قام من السرير وراح الصالة بسرعة.. لقى نقاء نايمة على الغنفة ومتكورة من البرد جنها ربيانة.. طالعها فترة .. كسرت خاطره.. ومشى بيرجع غرفته

بالممر وقف فترة.. وبعدين رد معصب الصالة.. وخر الشرشف من نقاء.. ودزها بقوة: قومي قوووووومي

نقاء (فزت مخترعة.. حاطة ايدها على قلبها): بسم الله الرحمن الرحيم.. شصاير؟

عبدالله: هه انتي تعرفين الله؟؟ قومي لمي أغراضج مابيج تقعدين عندي

نقاء (طالعته.. ونزلت دموعها): ليييش؟ شصار؟

عبدالله: أكثر من اللي صار شيبي يصيير؟؟ أقولج قوووومي

نقاء: ليش عبدالله.. مو انت قلت بتخليني شهرين على الأقل؟

عبدالله: ولا دقيقة.. آنا غبي أخليج عندي؟؟ روحي حق أهلج يعابلون فيج.. وفي مصيبتج

نقاء (تبجي): حرام عليك عبدالله ارحمني.. بس خلني شهرين.. بس شهرين.. وماراح تسمعلي أي صوت ولا تشوفلي أي طيف

عبدالله: ولا دقيقتين يالجلبة.. طلعي بره بررررررره

نقاء (قامت تبجي.. وتلطم على ويهها): ارحمني.. ارحم يتمي.. استر على يتيمة

عبدالله: أمج ماتت من دهر.. وانتي بتحطينها شماعة.. كل ما غلطتي تبين الناس تسامحج لأنج يتيمة؟

نقاء: لا تقول جذي.. أمي الله يرحمها.. ولو اهي عايشة جان ماصار فيني كل هذا

عبدالله: الحين خلصييييييييييينييييي.. ذلفي بيت أهلج

نقاء (طاحت على ريوله تبوسهم): الله يخليك.. والله أصيرلك خدامة.. بس خلني عندك شهرين بس شهرين.. وبعدين اللي تبي تسويه فيني سوه

عبدالله رفسها.. وخرها عنه.. وراح الغرفة.. ورقع الباب وراه
*************************


بعد اسبوعين.. كانت حياة نقاء جحيم بكل معنى الكلمة.. طق واهانات وسب.. ووقت مايبي حقه الشرعي ياخذه
مع هذا كانت نقاء مستحملة.. ماكانت تبي تتطلق.. تلبس.. وتتكشخ.. عشان تسعده

دخل عبدالله الشقة.. في بيت أهله.. لقى نقاء لابسة وكاشخة.. وقاعدة تطالع تلفزيون بالصالة

نقاء (ابتسمت له): مسااء الخييييير

عبدالله طالعها بنظرة احتقار ومشى عنها

نقاء (لحقته للغرفة.. لمته من ورا): أحبك. شدعوه.. ما سألت عني طول اليوم؟

عبدالله (شم ريحتها ذاااب.. اهو يحبها.. بس الشك ذابحه.. دزها عنها): وخري

نقاء: عمري ليش تعاملني جذي؟ شنو ذنبي؟

عبدالله: لالالا يا حرااااام مسكييييينة.. ظلمتج.. ما تعرفين شنو ذنبج؟؟ (راح لها.. وحط ويها بويهها) ذنبج يا محترمة انج استغفلتيني.. ذنبج انج وصخة

نقاء (بجت.. بس هالمرة تمثييييييل عشان تستميل قلبه): حرام عليييييك.. انت ليش ظالمني؟ ليه متى راح تغلط علي؟ ترى بعض الظن اثم

عبدالله: ذلفي زييييييييييين.. (هدها وطلع من الغرفة.. راح المطبخ.. قام يصارخ) نقاءوووووو نقااااااؤوو ويهد

نقاء (ركضت للمطبخ): خير عمري

عبدالله (طررررررررااااخ على ويهها.. طيحها على الأرض): يا حيوااانة وين العشا؟

نقاء (حطت ايدها على خدها.. ودمعت عينها من العوار.. لكنها مسحت دمعتها بسرعة.. ووقفت قباله): بعد

عبدالله: قاعد أكلمج آنااا.. وين العشا؟

نقاء: وانا بعد قاعدة أكلمك.. أقولك بعد.. طق بعد (تصارخ.. ودموعها تنزل حيل غصبا عنها).. بعدددد طقنييييييي بعد.. طقني لما تشبع.. بععععععععدددددد

عبدالله (يطقها حيييييل.. يبي يطلع القهر اللي فيييييه): اييييييي مو لأنج حيواااانه ما تحسيييييييييين.. (طراااااااخ.. طاااااخ.. طاحت نقاء على أرضية المطبخ تبجي.. وعبدالله هدها وطلع)

ركب سيارته.. ودااس بالسيارة بسرعة.. يبي يطلع.. يبي ينحاش من وضعه.." ليه متى آنا عايش بعذااب؟؟ ماقدر أستمر معاها بس أحبها" رفع راسه ودمعت عينه " ياااربي أحبهااا.. شييييل حبها من قلبي.. أبعدها عني.. ابعدني عنها"

قام يبجي ويطق ايده بالسكان حيل " ليش طقييتها لييييش؟؟ مسكينة قايمة بواجبي على أكمل وجه.. بس ياربي لو تعترف وتريحني.. اهي ليش مو بنت.. والا اهي بنت؟؟ يا ربي اهي شنو؟؟ آناااا شنو؟؟"

بعد ما تعب من البجي.. والفرارة بالسيارة بدون هدف.. رجع البيت.. سفط السيارة.. وسند راسه على الكشن.. وبعد فترة نزل الشقة

دخل الغرفة لقى نقاء نايمة على السرير.. واهو قايلها ما تنام عنده بالغرفة.. يعني اهي كل ليلة تنام بالصالة.. حتى اذا بغى شي.. بعد ما يخلص يطردها بره

لكن هالمرة كسرت خاطره حيل.. وحس انها فعلا تعبانة.. وانها مظلومة بالطق اللي كلته.. خلاها دش الحمام تكرمون خذاله شاور.. قعد فترة تحت الدوش.. جنه يبي يغسل.. نفسه.. يبي يغسل تفكيره وقلبه من الشك

عقب ما خلص ولبس.. دش الفراش يم نقاء.. وتلحف بنفس الكفر.. فر ويها يطالعها واهي نايمة.. كانت كل البراءة فيها " ياربي شلون وحدة بهالجمال.. والبراءة تسوي جذي؟؟" حط ايده ورا ظهرها بتردد.. لكن حبه لها خلاه يلمها ..ياخذ راسها على صدره ويناام
**********************


الصبح قعدت نقاء من الصداع.. لكنها مسرع ما نسته يوم لقت راسها على صدر عبدالله.. وان لامها.. ابتسمت بفرح.. وباسته على خده

عبدالله (فتح عيونه..لقى نقاء تبتسم له.. ابتسم لها..ولمها): أحبج

نقاء (دمعت عينها): حتى آنا .. أموووت فيك

عبدالله قرب من رقبتها.. قعد يشمها.. رفع راسه.. قرب شفايفه من شفايفها.. باسها بوسة حب.. نقاء بادلته البوسة بكل حب

أول مرة تحس انه يحبها ويبيها.. لكن يا فرحة ما تمت.. بعد ما أخذ حقه منها

عبدالله (دزها عنه بقوة): يلا وخري

نقاء (مصدومة): شفيك؟

عبدالله: اي متعودة عال... وخرررررري

نقاء (دمعت عينها): عبدالله عيب آنا زوجتك

عبدالله (مسكها من شعرها.. وتله حيل): مو انتي تعلميني العيب. فاهمة؟؟ وماراح اتمين زوجتي على طول.. حمدي ربج ساتر عليج

نقاء: آآآي عبدالله شعري

عبدالله وخر ايده عن شعرها.. دزها ودش الحمام
********************


بعد شهرين

عبدالله (توه داخل الشقة): نقااااء.. ياااااا نقاااااااااء

مالقى رد.. راح المطبخ.. مالقى غدا.. دش الغرفة.. لقاها منسدحة على السرير

عبدالله (معصب): انتي صمخة؟؟ ما سمعتيني اناديج؟

نقاء (صوتها تعبان): سامحني ما انتبهت

عبدالله: هاذي بالله وين أصرفها؟ ليش مو مسويه غداي؟

نقاء: ماقدرت

عبدالله: ليش ان شاء الله؟ خايفة أظافرج تتكسر؟

نقاء (متضايقة.. ومالها خلقه): حرام عليك.. كل يوم ترجع تلقى غداك جاهز.. لكني اليوم تعبانه

عبدالله (راح لها.. رفع ايده.. وعطاها طراااق.. سحبها من السرير): حرمت عليج عيشتج.. غصبا عليج.. ألقى غداي.. (توه ياي بيطقها)

نقاء (صرخت): لالالالالا آنا حاااااامل

عبدالله وقف.. الصدمة شلت حركته.. وقف تقريبا دقيقتين

عبدالله (يرد مثل الببغاء.. وعيونه بالفضا): حامل؟

نقاء (تبجي): اي عبالله حامل.. والله حامل

عبدالله: من منو؟

نقاء (بققت عيونها): يعني شنو من منو؟

عبدالله (زرها من ملابسها ورفعها بويها.. يصارخ): من منو يالحقييييييييرة؟؟ انتي حامل من منو؟

نقاء (مصدومة منه.. تبجي وتصارخ.. حطت ايدها على بطنها): هذاااااااااااااا منك.. هذااااا ولدك.. حراااااام عليييييييك.. يننتني ذبحتني.. دمرتنيييييييييي
************

كملي كملي بليز

اوكي حبيبتي من عيوني ​

البارت التاسع
********


انتشر خبر حمال نقاء.. مثل البرق

وأول وحدة دقت عليها تبارك لها مشاعل: ألووووووووو

نقاء: هلا حبيبتي

مشاعل: مبروووووووووووك.. ألف مبروووووووك.. حبيبتي الله يتمم عليج

نقاء (بنبرة حزن): الله يبارك بحياتج.. الله يسلمج

مشاعل: شفيج حبيبتي؟؟ جنج متضايقة

نقاء: لا بس شوي تعبانه

مشاعل: يلا مايخالف هذا دلع الحمال.. هههههههههههههه يلا تدلعي على كيفج الحين

نقاء: الله كريم

مشاعل: يلا أخليج الحين ترتاحين حبيبتي.. مع السلامة

نقاء: مع السلامة

وقامت تتدفق المكالمات على نقاء.. من خالد.. وبدور.. وجنان.. ومي.. وسلوى الكل يبارك ومستانس

ونقاء

آآآآآآآآه يا نقاء.. محد يدري ان هالحمال متعبها ومضايقها.. وانها مو متانسة فيه كلش

محد يدري.. ان عبدالله خانقه هالحمال.. وان عبدالله وده يخنق هالجنين.. واهو للحين برحم أمه.. " يعني الحين هذا من ولده؟ ولدي آنا؟؟
يااااااارب يكون ولدي.. حسبي الله عليج يا نقاء.. جانج حرمتيني فرحتي"

فوق كل هالمشاكل.. النساة كانت مو طبيعية.. وكانت نقاء.. حيييييييييل تعبانه لدرجة ماتقدر تقوم من الفراش

وعاد تخيلو اللي اييها من عبدالله!!
**************


وليما وصلت الخامس.. قام ينزل عليها دم خفيف

نقاء: عبدالله الله يخليك.. ودني الطبيب

عبدالله (نايم.. وماله خلقها): همممممممممم خليني.. وذلفي بره

نقاء: عبدالله.. تكفى.. آنا تعبااانه

عبدالله: انتي كله تعبانه.. ان شاء الله تموتين وترتاحين.. وتريحييييين

نقاء (تهزه أكثر): حرام عليك.. نازل علي دم.. أخاف البيبي في شي.. هذا ولدك لا تكون جاسي

عبدالله (سمع ان نزل دم.. خاف صج.. صحصح): انزين يلا بسرعة لبسي خل نروح الطبيب

ولما وصلو المستشفى.. فحص عليها الدكتور

نقاء: طمنا دكتور

الدكتور: الحمدلله.. الجنين وضعه كويس.. لكنك تحتاجين لراحة تامة

نقاء طالعت عبدالله.. بس ما تكلمت

عبدالله (يتحاشى نظراتها): يعني شنو دكتور.. وضح أكثر.. الجنين شفيه؟

الدكتور: أولتلك يا أخ الحمدلله سليم.. لكن مراتك تعبانه.. وتحتاج راحة.. يعني مافيش حركة بتاتا من السرير.. لحد ما تخفي وترتفعي

نقاء: بس..

الدكتور(مبتسم): لابس.. ولا حاجة.. دي تعليمات الدكتوووور.. والا انتي حتكسري كلمتي

نقاء (نزلت راسها): ان شاء الله

الدكتور: وسمعو.. دلوقتي مافيش جماع خااااالص.. لحد ما ترتفعي شوي

عبدالله (قام يخزها.. ويخز الدكتور): عن أذنك

طلعو.. ودفع فاتورة الكشف.. وبالسيارة

عبدالله: جان قعدتي بحظنه بعد!

نقاء(حاطه راسها على الكشن): منو؟

عبدالله: لا تتغيشمين الدكتور.. أقول جان قعدتي بحظنه

نقاء (لفت عليه.. تطالعه بنظرة مو مفهومة): صج مو صاحي.. (وردت حطت راسها على الكشن)

عبدالله عصب حده بس تذكر كلام الدكتور.. انها تعبانه.. ومايدري ليش لأول مرة حس انه خايف على البيبي عشان جذي سكت لها..
********************************


لكن مسرع ما عادت حليمة لعادتها القديمة.. مسرع مارد عبدالله للأذية.. والكره.. وعدم المبالاة

أول شي كسر كلمة الدكتور فيه.. الجماع

كان ينام مع نقاء يوميااا.. نقاء كانت تبجي.. وتترجاه.. لكن ماكو فايدة

اللي في باله يسويه.. ولا بهالشغلة

وبيوم..

عبدالله: انتي هييييييييي .. لا تسوين روحج كلش بتموتيين.. ياعلج المووووت.. قومي سويلي شي أتزوحره

نقاء(تعبانه حيييييل): والله تعبانه حبيبي

عبدالله: لا تقووووولين حبيبي حبج برص.. قوووووومي

نقاء (وهي تقوم بالغصب): اللهم طولج ياااااااااروح

عبدالله (راح لها .. طقها على راسها): لا تتحلطمين وانتي تسوينلي شي.. أبي اتهنى بلقمتي

نقاء فركت راسها وطالعته بنظرة حادة وكملت من غير ما تتكلم

نقاء سوتله عشا.. ولما حطت الأكل بالصالة.. نادت عبدالله من الغرفة.. نقاء: عبدالله تعال أكل

عبدالله: شفيج تصرخين؟؟ ترى آنا مو أصمخ مثلج.. (شاف الأكل على الطاولة) شنو هذا؟

نقاء: عشا بعد شنو؟

عبدالله: انتي لييش تراددين؟ تبين اييلج كف سنع؟ أدري عشا.. ليش حاطته هني؟

نقاء: عيل وين أحطه؟

عبدالله: نزليه تحت.. باكل مع أمي

نقاء: حرام عليك.. آنا تعبانة ومو زين كل شوي أنزل وأصعد.. انت اخذ الأكل نزله.. مافيها شي

عبدالله: ليش ان شاء الله؟ أشتغل عند أبوج اللي خلفج؟ قتلج نزلي الأكل تحت

نقاء شالت الأكل بصعوبة.. واهي تتحلطم بصوت واطي عشان لا يسمع

نزلت تحت بالصالة.. بالغصب.. لقت خالتها قاعدة

مها (أم عبدالله) بس شافتها فزت لها: يما ليش شايلة الصينية؟؟ ثقيلة.. عطيني اياها

نقاء: السلام خالتي.. لا عادي خفيفة

مها: وعليكم السلام حبيبتي.. أي خفيفة الله يهداج.. نسيتي كلام الدكتور؟ (مدت ايدها خذت الصينية) عطيني اياها

عبدالله (واهو نازل): انتي هييييييي.. ليش تخلين أمي تشيل الصينية؟؟ شيليها عنها

مها: لالالا آنا خذيتها منها بالغصب.. حرام اهي تعبانه

عبدالله: لا تعبانه ولا شي.. هاذي تتميرض.. سمعي روحي فوق السطح نزلي ملابسي اللي غسلتيهم العصر

نقاء: حرام عليك يا عبدالله.. ماقدر كل شوي أصعد وانزل

عبدالله (راح وعطاها طرااااااق): حرمت عليج عيشتج يالجلبة

مها (ركضت ووقفت بين عبدالله ونقاء): لالالا تطقها حرام عليك.. هاذي مسكينة

نقاء بس تبجي

عبدالله: سجينة تقطع وريدها (طالع نقاء بعصبية وصارخ): ذلفي فووووووووووووق ييبي ملالالالالابسي

نقاء صعدت من غير ماتتكلم.. بس تبجي بحرارة

مها: حرام عليك.. معذب هالبنت معاك.. آنا بعرف انت ليش صاير جذي معاها؟؟ اهي شيمسويه؟ شوفها مسكينه.. ساكتة وصابرة عليك

عبدالله: أووووووووووه فكينا منها زيييييييييين.. خل ناكل على راحتنا.. امشي اكلي معاي

مها: مابي.. جان ناديت زوجتك تاكل معاك

عبدالله: ايي عشان تسد نفسي.. خل تولييييي.. وتوه راح بياكل.. سمعو صوت طيحة.. وصرخة نقاء

نقاء: آآآآآآآآآآآآآآآآآآآآآآآآآآي (تبجي بصوت عالي)

ركض عبدالله مع امه فوق.. لقو نقاء طايحة على درية.. وماسكه بطنها تبجي

عبدالله شافها اخترع.. وقف مكانه مايدري شنو يسوي

مها (تحاول تقومها): اسم الله عليج يما.. قومي قومي حبيبتي (تصارخ على عبدالله) تعاااااااااال وقفها معاااااااي

عبدالله راح وقفها مع أمه.. وبس اوقفت نقاء على حيلها.. والا يطشر ماي البيبي

نقاء (صرخت): لالالالالالالالالالالالا

عبدالله (مخترع): شفيج؟ شنو بلتي على روحج؟

مها: أي بالت على روحها انت الثاني؟؟ هاذا ماي البيبي.. امش امش خل نوديها الطبيب

عبدالله صج خاف: يعني شنو بتوولد؟

مها: ويين تولد وهي بالسادس؟؟ خلصنيي يلا تسولف وايد

عبدالله شال نقاء بسرعة.. وحطها بالسيارة.. ومها ركضت يابت عباتها.. وطارو كلهم للمستشفى

أول ما دشو عالدكتور.. مها: دكتور الله يخليك.. مادري شفيها بنيتي؟؟ نزل ماي البيبي

الدكتور(قام بسرعة.. يكشف عليها): ليييييييه؟؟ أكيد من التعب.. آنا أولتلك ايييه؟

لما جيك عليها .. الدكتور: أنا ككتب لها دخول.. وننتضر.. ان شاء الله يوأف الماي

مها: ان شاء الله.. الله يسمع منك (وخزت عبدالله.. اللي كان طول الوقت ساكت.. وعيونه متروسة دمووع)

دخلو نقاء.. وركبولها درب..وكانو كل شوي يجيكون عليها

لكن الماي ما وقف كلش

نقاء قالتلهم يدقون على اهلها.. وأول ما سمعو ركضو مشاعل.. وجنان عند اختهم
************


ثاني يوم الدكتور سوالها سونار .. ومن القهر.. قام يطق على الطاولة: البيبي حالته كويسة.. بس للأسف لازم ينزل.. لأن مافيش مايه..
واذا استمريتي بالحمل ممكن يخرج مشوه..أو معاق

نقاء قامت تبجي بصوت عالي.. بس كلش مالامت عبدالله.. ولا طالعته حتى

وهذا اللي كان معذبه

عبدالله: انزين دكتور.. ممكن نعرف نوع الجنين؟

الدكتور: الجنين بوووي

نقاء زاد بجيها.. وعبدالله نزلت دموعه غصبا عليه

مشاعل: حسبي الله ونعم الوكيل

مها: الله يسامحك يا عبدالله.. وقامت تبجي

الدكتور: ما تخافوش.. دي نقاء لسه ضغيره.. وان شاء الله حتقيب بداله كتيير.. يلا دلوقتي تجهزي.. ناخدك لغرفة الولادة

ودوها .. وراحو وياها خواتها ومها.. وعبدالله ما رضى يوخر كلش.. وقف عند راسها

وبغرفة الولادة حطولها طلق صناعي.. وكان يموت.. يذبح.. قامت تصارخ من قمة راسها

تم الطلق من الساعة 8 الصبح.. لين 1 ونص الظهر ياااااااالله طاح البيبي

نقاء: ييبوه

الكل طالعها.. مها: منو؟

نقاء: ييبو ولدي بشوفه

مها: مو زين يما.. لاتسوين بعمرج جذي

نقاء: بشوف ولدي.. قتلكم ييبوووه (عطوها البيبي .. سبحان الله كان كامل.. بس صغير حييييييل)

شالته.. لمته على صدرها حيل.. وباسته.. الله يكون بعونها.. صراحة لا اهي اقدرت توصف شعورها.. ولا آنا قادرة أوصف هالشعور.. بخليكم تتخيلونه

نقاء (دموعها تنزل بسرعة): حبيبي يما.. انطرني راح أييلك.. لا تخاف بلقاك بالآخرة ان شاء الله

كل اللي يمها.. انفجرو بالبجي

وعبدالله ماقدر يتحمل المنظر.. ركض بره المستشفى .. طاح على القار بالشارع يبجي مثل الياهل " الله ياااااااااخذني.. ىنااا شسويييييييييت؟؟ ذبحت ولدي.. ولدييييييييي" وقام يبجي زيادة


دللول يالولد يبني دللول..جنت منت بجلاليلك دللول
آه يبني وحياتي وشمعة البيت.. اجو كل الولد بس انته ماجيت
شلون أصبر على فراقك يا مدلول.. دللول يالولد يبني دللول

ياوليدي بغيابك ما شفت نوم.. آنا فراشي القهر وغطاي الهموم
ومن يوم الرحت والقلب مالوم.. عليه غيبتك ماريدها تطول
دللول يالودل يبني دللول

دللول ياللي فراقه يهد ترى الحيل.. مايسوى العمر يخلص تواسيل
أون عليك وأشكي همومي لليل.. تردلي يالولد؟؟ هايما شتقووووول؟
دللول يالولد يبني دللول

YouTube - ‫ط¹ظ„ظٹ ط§ظ„ط¹ظٹط³ط§ظˆظٹ - ط¯ظ„ظ„ظˆظ„ ظٹط§ظ„ظˆظ„ط¯ ظٹط¨ظ†ظٹ - ط§ظ„ظ†ط³ط®ط© ط§ظ„ط§طµظ„ظٹط©‬‎

كملي بلييييز بليييييز

بجاني كلامها حق بيبيها الله يرحمه
وهذا عبدالله صج سخيف

اوكيك حبيبتي :teeth_smile:​

موبس سخيف انسان تافه وماله مبدى بالحياة على اللي سواه فيها ​

البارت العاشر
*******


بعد يومين.. طلعت نقاء من المستشفى.. ورجعت البيت

مها: نورتي بيتج حبيبتي.. الحمدلله على السلامة

نقاء (بصوت مكسور): الله يسلمج خالتي

مها (تغمز حق عبدالله): عبدالله يما صعد زوجتك فوق خل ترتاح

عبدالله: ان شاء الله يما (حاول يمسك نقاء.. بس وخرت عنه.. من غير ما ترفع راسها وتطالعه)

مها: يلا يما نقاء.. روحي ارتاحي

نقاء: ان شاء الله خالتي

وصعدت نقاء بروحها.. ماخلت عبدالله يجيسها.. بس ماسكة بالدرابزين مال الدري

دشت غرفتها.. دخلت الفراش.. انسدحت وتغطت

يه عبدالله.. وقعد على حافة السرير منزل راسه.. سكت فترة.. رفع راسه طالعها مغمضة عيونها: نقاء.. نقاء

نقاء مغمضة عيونها وما ترد

عبدالله (حط ايده على ظهرها): نقاء قاعد أكلمج

نقاء (وخرت ايده.. وعطته ظهرها): تعبانه بنام

عبدالله: الله يخليج قعدي سمعيني

نقاء: ماكو شي أسمعه

عبدالله: امبلا فيه.. آنا أبي أعتذر عن..

نقاء (قاطعته): لا تعتذر ولا شي.. انت ما سويت شي.. آنا الغلطانه مو انت

عبدالله: لا آنا أعتذر.. سامحيني.. لاتعذبيني أكثر من جذي

نقاء (صوتها قاعد تبجي): خلاص عبدالله قتلك آنا الغلطانة.. آنا مادرت بالي على ولدي.. كنت أقدر ماسويلك شي.. بس كنت أسويه بطيب خاطر

عبدالله: نقوووء.. انتي تبجين

نقاء: خلالالالاص عااااد خلني بحااااالي.. آنا تعبااانه

عبدالله (وقف بسرعة): خلاص خلاص اهدي.. آنا طالع.. (هدها وطلع من الغرفة)

نقاء قعدت على السرير.. لمت ريولها وقعدت تبجي" الله ياخذنييييييي.. الله يااااااااخذني"
*******************



بعد فترة.. نقاء قدرت ترجع حق حياتها الطبيعية مرة ثانية

ومن بعد ما أجهضت.. عبدالله ما مد ايده عليها.. ولا زعلها

وهي شوي شوي حست انها مسامحة عبدالله.. وان اللي صار مكتوب من الله سبحانه

عبدالله رجع البيت لقى نقاء قاعدة تغسل ماعين بالمطبخ.. يه من وراها ولمها

نقاء: واي بسم الله الرحمن الرحيم.. عبدالله شفيك خرعتني

عبدالله( يشم شعرها): اسم الله عليييج.. لا تخترعين مرة ثانية.. هههههههههههههه

نقاء: انزين وخر.. خل أخلص غسيل

عبدالله (مسك ايدها وغسلها.. تكلم بصوت يشوق): بعدييييييين بعديييييييييين.. تعالي الحين (مسكها من خصرها.. قرب شفايفه من شفايفها.. قام يبوسها بشغف)

نقاء (ذابت.. بس تتمنع عالخفيف): عبدالله.. خلني الحييييين بعدين

عبدالله (يمشي فيها.. ويبوسها على رقبتها.. يهمس لها): انتي اللي بعدييييييين.. تعالي الحين حبيبتي

وصلو الغرفة.. سدحها عالفراش.. وانسدح يمها.. يمسح عليها.. ووووووووووو
*******************



بعد فترة. كانت نقاء عايشة حياة شبه مستقرة مع عبدالله.. لكن بين فترة وفترة لما يتناجرون يعايرها بسالفتها أول ليلة

لكن مسرع مايرجعون يتصالحون.. عبدالله كان يحبها.. ومايقدؤ يستغنى عنها.. وهي بعد حبته.. وتمنت يعوضها عن التعب.. والضياع اللي
عاشتهم من قبل

وبيوم دش عبدالله الحمام تكرمون يغسل ويهه.. وكان ماخذ معاه تليفونه

نقاء (دشت عليه.. سندت على الطوفة قامت تطالعه).. رن تليفون عبدالله.. شافه حطه سايلنت ورده مكانه

نقاء: ليش ماتشيله؟

عبدالله: مالي خلق هذا واحد مليق

نقاء سكتت.. لكن رن التليفون مرة ثانية.. وثالثة.. ونقاء حفظت الرقم من كثر ما يدق

نقاء (مبتسمة): مايصير جذي رد عليه.. يمكن يبيك بشي هام.. مايخالف رد

عبدالله (رد على التليفون): ألووو

الصوت كان واضح ووايد ناعم

عبدالله: آنا الحين مشغول.. أكلمك بعدين

-----------------

عبدالله: اي.. اييييي.. انزين قتلك أكلمك بعدييييييين

--------------------

عبدالله: أوكي.. باي(وسكر التليفون)

نقاء: منو؟

عبدالله: هذا .. هذا واحد

نقاء (ضحكت بسخرية): لالا؟ واحد؟ مسكييييييين الله يعينه صوته وايد نااااعم

عبدالله (مسوي روحه معصب): شقصدج؟؟ تشكين فيني؟

نقاء: لا حبيبي لا أشك فيك ولا شي.. مايخالف اخذ راحتك.. بس آنا أعلمك (عطته ظهرها.. ومشت عنه)

عبدالله (راح لها.. سحبها من ظهرها وفرها صوبه): آنا قاعد أكلمج لا تعطيني ظهرج

نقاء (طالعت ايده باحتقار.. وبعدين طالعته): نعم

عبدالله: سمعيني زين.. آنا أحسن من غيري.. ونظيف وما اخون.. ولو بخووون ما خاف منج.. وانتي آخر وحدة تتكلمين

نقاء: اها .. أوكي

عبدالله (يصارخ): شنو أوكي؟؟ تتمصخرين علي حضرتج؟ آنا أراويج (هدها وطلع من البيت)

نقاء على طول.. راحت حفظت الرقم بتليفونها بسرعة

نطرت 5 دقايق.. ودقت على عبدالله

شوي جان يرد عليها .. يعني متنرفز: نعم؟

نقاء: لا ولاشي.. بس بغيت اتأكد عندك خط ثاني أو لأ

عبدالله (توهق): انتي شتبييييييين؟

نقاء: قتلك مابي شي باي

عبدالله: أحسن باي

نقاء (سكرته بسرعة منه ودقت على الرقم اللي شيفته.. والا خط ثاني)

البنت (بعد شوي): ألووو

نقاء: ألوو.. انتي قاعدة تكلمين عبدالله؟

البنت: منو حضرتج؟

نقاء(بصوت هادي وايد): آنا زوجته يالغبية.. وآنا اعرف عنج كل شي.. والحين يايه بيتكم ..(وسكرت التليفون بويهها)

طبعا نقاء ما تعرف عنها شي.. بس كانت متأكدة ان هالبنت بتوصل الخبر حق عبدالله.. وبغت تخرعهم أثنينهم

نقاء غيرت ملابسها.. وحطت مكياج وكشخت .. وحولت جهازها مغلق وطلعت من البيت

نقاء متضايقة حيل " يا ربي وين أروح؟؟ شنو هالحالة.. اللي انا عايشتها؟؟ انا كنت شاكة من زماااان.. بس قلت أطوف وما أعور راسي..
بس لا كل شي وصل حده.. يمكن الله مو كاتبلنا نستمر مع بعض"

وتمت نقاء تفتر بالشوارع.. ماتدري شيتسوي

فجأة طرى على بالها.. جاسم.. تذكرت حنيته.. وحبه.. تذكرت ان عمره ما خانها.. تذكرت شكثر كان يحبها

تذكرت ان عمره ما زعلها.. وحتى لما يم ايده.. كانت على أخطاء اهي مسويتها.. وكان لما يطقها تقدر هالشي (بعد تحبه لازم تغفرله)

كان مخلي عمره ووقته لها

اشتاقت له حيل.. بس كانت خايفة تدق عليه.. كانت خايفة.. يسمعها كلام بايخ

بس بالأخير.. مسكت التليفون ودقت على جاسم

جاسم (بعد 3 رنات): ألوو

نقاء سكرت التليفون بسرعة.. وكانت مغيره رقم تليفونها.. يعني ما يعرفه

بس دق عليها وايد.. وليش ان انت محوله تليفونها مغلق.. كل شوي اييها مسج.. مس كووول

وفجأة ياها مسج فتحته وبققت عيونها (نقاء.. أدري انه انتي.. ردي خليني سمعيني صوتج)

نقاء شافت المسج.. قامت تنزل دموعها بحرقة.. وتبجي من كل قلبها

دقت عليه

جاسم: ألوووووو

نقاء (تبجي): والله آنا من غيرك ما أسوى شي.. أبيك.. مابي أستمر معاه.. حاولت.. مو قادر .. يخوني.. يخونيييي.. وانت عارف آنا
ماحب الخيانة ولا أتحملها

جاسم: هدي هدي حبيبتي شفيج؟

نقاء (تبجي زيادة): والله ماتدري شنو سوى فيني.. طقني وهانني.. وطيح ولدي.. والحين يخوني.. يخوني يا جاسم

جاسم: شوي شوي.. أبيج تهدين.. عشان أفهم عليج.. مو قادر أستوعب.. قولي شنو صاير

نقاء حاولت تهدي نفسها.. وقعدت تقوله شنو صار.. من ليلة الزواج.. لييييي اليوم.. طبعا تبجي شوي.. وتسكت

بعد ما خلصت.. جاسم: نقاء سمعيني.. أبيج تهدين.. وتريحين نفسج.. أبيج تتحملين

نقاء (تقاطعه): ماقدر

جاسم: نقووء لاتقاطعيني.. سمعي.. مايخالف.. أبيج تتحملين.. بعد هذا نصيبج شيتسوين؟

نقاء: يعني شنو؟ مكتوب علي الشقى طول عمري؟

جاسم: ان شاء الله أمورج بتتعدل.. وتعيشين أحلى عيشه

نقاء: ليه متى؟ جاسم.. ليه متى تبيني أتحمل؟

جاسم: صدقيني الدنيا راح تحلى.. ومثل ما صبرتي الله بيعوض صبرج خير.. والحمدلله طافت سافة أول ليلة على خير.. وربج سترها..لا تفرطين بهالفرصة يا نقاء

نقاء: خلاص آنا بتحمل عشانك

جاسم: لا آنا أبيج تتحملين عشان نفسج.. واذا على عبدالله.. صدقيني الريال مبين عليه يحبج.. وشاريج.. جان ماخلاج عنده دقيقة وحدة..
واذا على الخيانة.. ىنا ما أبررله.. بس اذا ربج يسامح.. انتي ما تسامحين؟ اذا اهو وهو ريال شرقي مسلم.. سامحج بسالفة ليلة الدخلة..
سامحيني بس مافي أقوى من هالسالفة.. ليش ما تغفرينله زلته؟ صبري يا نقاء. " ان الله مع الصابرين"

نقاء ارتاحت شوي من كلامه.. وطخت شوي: مشكور جاسم.. وسامحني دقيت عليك ضايقتك

جاسم: لا تقولين هالكلام.. لا تنسين مكانتج بقلبي.. كانت ومازالت

نقاء: مشكور.. ماقصرت (طالعت الساعة.. والا صارلها 3 ساعات تسولف معاه) جاسم انا لازم أسكره الحين لأني بروح البيت تأخرت

جاسم: أوكي.. ديري بالج على نفسج.. بس نسيت أقولج

نقاء: هلا

جاسم: ترى آنا تزوجت من 3 شهور

نقاء (سكتت فترة): مبروك.. الله يوفقكم ويتمم عليكم

جاسم: أجمعين.. يلا ديري بالج على نفسج.. وردي البيت لا تطولين

نقاء (تذكرت ايام أول وابتسمت): ان شاء الله.. مع السلامة

جاسم: الله معاج.. مع السلامة

نقاء سكرت التليفون.. وطالعت المسجات والا مليووون مس كوول من عبدالله.. وخالد اخوها

وصلت البيت.. لقت سيارة أخوها بره.." أوكي يا عبدالله.. تبيها حرب؟؟ آنا مستعدة لها"

كملي كملي يما شهالحرب الي صاير هع

من عيوني حبيبتي اي لووووول شوف الياي اقوى ​

البارت الحادي عشر
**********


دخلت لقت عبدالله وخالد قاعدين بالصالة والنار شابه فيهم

أول ما شافوها.. عبدالله (وقف على حيله): وينج؟ كنت احاتيج؟

نقاء (قبل لا يتعشى فيني خل أتغدى فيه): تحاتيني والا تحاتي حبيبة القلب؟ خايف أروحلها البيت؟ ترى آنا ماني مدمغة أعرف كل شي

خالد: نقاااء.. عيب شهالكلام؟ كاني ياي اتفاهم معاه

نقاء: انا مابي أتفاهم بشي

خالد: لا تقولين جذي.. وقعدي خل نتفاهم.. اهو دق علي.. وقالي كل السافة.. وقال ان غلطان بعد شتبين؟

نقاء: وانت صدقته ياخوي؟؟ تتوقع ان بيوقف عن سوالفه؟ (قامت تطلع حجي من عندها.. بس طلع الكلام صج) اهو كل يوم يطلع معاها..
ويونسها.. ويكلمها 24 ساعة.. ومطنشني

خالد: مايخالف.. اهو قالي كل شي

نقاء: آنا مابيه.. خلاص تحملت وايد.. وانا متأكد ان ماراح يوقف خياناته

خالد: سامحيه .. وكل انسان يغلط

نقاء (بعصبية): لالالا الا الخيانة.. ما أسامح فيها

عبدالله: عطيني فرصة ثانية.. صدقيني مو مني.. اهي اللي كانت تحن.. وتدقدق علي.. وكانت تبي تيي هني البيت.. بس آنا ما رضيت

نقاء: بعددد؟ بتييبها البيييت؟ لكنها جبانة.. ماتقدر تيي البيت.. بس آنا اللي بروحلها بيتهم وبفضحها

خالد: الحين نقاء هدي.. وتعالي قعدي.. تفاهمي مع ريلج

عبدالله: لالا لا تقعدين.. آنا عندي لج مفاجأة

نقاء (ابتسمت من داخل.. بس للحين مسويه روحها معصبة): مابي مفاجأتك

عبدالله: الله يخليج.. لاتخربين المفاجأة وتضيعينها علي.. وعليج

نقاء: انزي خلصني شنو مفاجأتك؟

عبدالله (مسك ايدها وسحبها معاه ليه بره): مع السلامة خالد .. اخذ راحتك.. البيت بيتك

خالد: هههههههههههههه لا يبا مشكور.. بروح بيتنا.. مع السلامة وديرو بالكم على روحكم

عبدالله: ان شاء الله.. (فتح باب السيارة حق نقاء) يلا ركبي

ركبت نقاء السيارة.. وركب يمها عبدالله فرحان.. وتمو يمشون ويمشوون

نقاء: انت وين موديني؟

عبدالله: بوديج البحرين.. نغير جو.. ونفتح صفحة يديدة

نقاء استانست حيل بقلبها.. " اي والله يا جاسم كلامك عدل.. ان شاء الله.. الله بيعوضني خير عن اللي شفته.. وصج حاس بغلطته"

كان تليفون عبدالله يم نقاء.. ومحد دق عليه كلش

وطول الطريج عبدالله كان يعتذرلها

نقاء: خلاص حبيبي.. الله يسامح البشر.. ليش آنا ما أسامح؟

عبدالله: صدقيني هاذي وحدة قديييييييييمة.. كنت اعرفها من زمان.. وبغيت أخذها.. بس أهلها مارضو

نقاء (حست بغصة.. تذكرت سالفتها مع جاسم): يعني انت تميت بعد الزواج تكلمها؟ يعني اهي اللي دقت أول ليلة

عبدالله : لا والله مو اهي.. هذيج والله ا اعرفها يه يومج.. وهاذي والله ما كنت أكلمها.. بس لما زادت بيننا المشاكل.. كانت تدقدق علي..
لما حنيت لها وكلمتها.. لكن وربي.. آنا عمري ما حبيت وحدة مثلج.. والا كثرج.. حتى هاذي ما توصل ظفرج

نقاء (ابتسمت له): خلاص انا بعطيك فرصة ثانية.. (قربت منه وباسته على خده بنعومة ودلع.. عبدالله قام يدووووووووس بالسيارة)

نقاء: شوي شوي.. شفيك؟

عبدالله: مو قادر.. موصل حدي.. بوصل البحرين بسرعة

نقاء: هههههههههههههه انزين خفف يالمينوووووون

عبدالله: تسلملي هالضحكة والله.. عسى دووووووووم

نقاء: بس هاااااااااا؟ لاعبالك نسيت السالفة؟ خلني على بالك

عبدالله: أكيييييييييد حبيبتي.. يلا عاد سامحيني

نقاء (بدلع): مسااامحتك

عبدالله: أموووووووووووووت

ووصلو البحرين.. وصج استانسو مع بعض.. أخيرا حست نقاء انها متزوجة.. ولها ريل يخاف عليها.. ويحبها

بعد جم يوم رجعو عبدالله ونقاء للديرة

دشو البيت.. ونقاء كانت حيل تعبانه

نقاء: حبيبي آنا بروح أنام.. أحس مو قادرة أبطل عيوني

عبدالله: خلاص حبيبتي انتي روحي نامي.. وانا بطل على أخوي واييلج

نقاء: خلاص تمام.. باي

عبدالله (راح غرفة أخوه): سعودو عطني تليفونك؟

سعود: ليش؟ وين تليفونك؟

عبدالله: مو شغلك.. عطني بسرعة

سعود (عطاه التليفون): هاك

عبدالله: انزين اطلع بره شوي

سعود: انت شفيك؟

عبدالله: مافيني شي.. بس اطلع بره بتكلم شوي.. وتعال

سعود طلع من الغرفة.. وعبدالله دق بسرعة

عبدالله: ألووو.. هلا حبيبتي اشتقتلج

---: وانا أكثر حبيبي.. ليش تأخرت علي؟

عبدالله: قتلج.. بودي العلة جم يوم البحرين أنسيها.. وأرجعلج.. لا تحاتين ماراح أخليج كلش

---: وييييييييع.. وعسى استانست المسعدة؟

عبدالله: ههههههههههههههههههه اي تدرين مسكينة احسها وايد غبية.. بسرعة صدقت

----: ههههههههههههه سجييييييينة شكو مسكينة؟

عبدالله: تغاااارين؟

---: طبعا اذا ما أغار على حبيبي وحياتي.. على منو اغار؟؟ على الشيفة مالتك؟

عبدالله: ههههههههههههه عمري والله.. انزين اخليج الحين خل أروحلها.. ترى هذا رقم أخوي.. لاتدقين

---: أوكي حبيبي.. بس لا تطول علي.. بكلمك مشتاقتلك

عبدالله: أوكي حبي باي

عبدالله سكره.. وطلع من الغرفة راح جناحه.. لقى نقاء منسدحة بالفراش وبعدها ما نامت

شافته ابتسمت له.. رد ابتسم لها.. بدل ملابسه وانسدح يمها

قرب منها باسها.. نقاء (بدلع.. وأنوثة طاغية): عبدالله.. وخر عني تعبانه

عبدالله (كمل يبوسها): أحلى وانتي دايخة

نقاء: هههه يووز.. والله تعبانة

مارد عليها.. كمل يبوسها.. يلمها حيل على صدره.. واهي ما قاومت
***********************


تمو جم يوم.. عبدالله يحاول ما يبين حق نقاء أي شي

بس قلب المرة دليلها مثل ما يقولون.. حست ان فيه شي غريب.. خصوصا ان ماقام يقعد معاها بالجناح وايد

نقاء: عبدالله.. انت وين تروح؟ انا كله بروحي

عبدالله: كاني ياعمري عندج

نقاء: لا انت مو موجود.. تطلع ببجامتك.. وين تروح؟

عبدالله: لا ياعمري ماطلع.. أروح أقعد عند سعودو أخوي

نقاء: ليش شفيه؟

عبدالله: لا مافيه شي.. بس هالأيام ضايق خلقه وكله يبيني عنده

نقاء: أهااا.. أوكي

عبدالله (قام باسها): يلا حبيبتي بروح له شوي.. تبيني بشي؟

نقاء: لا سلامتك.. سلم

عبدالله: على منو؟

نقاء: على سعود بعد منو؟

عبدالله: اهااا هههههه ان شاء الله يوصل.. يلا باي

نقاء: باي.. وبعد ماطلع عبدالله.. قعدت نقاء قلبها مقمووت


" ليه هالدرجة يا عبدالله.. آنا رخيصة عندك؟ ليه هالدرجة ماتقدر تستغنى عنها" وتمت فترة طويلة تفكر.. وعبدالله ما رجع.. قامت لبست
دراعة وطلعت من شقتها

راحت تحوس بالبيت متمللة.. وتفكيرها كله في عبدالله.. بس تستحي تدش غرفة اخوه.. وسعود موجود

لين نزلت تحت جان تلقى سعود بالصالة

نقاء (مستغربة): السلام

سعود: وعليكم السلام.. هلا نقاء شلونج؟

نقاء: الحمدلله بخير.. انت شلونك؟

سعود: انا تمام

نقاء: عيل وين عبدالله؟

سعود: والله مادري عنه.. ىنا صارلي ساعة ونص هني ما تحركت.. وما شفته طلع.. عيل يحوس بالبيت

نقاء نغزها قلبها.. وافترت من غير ما تتكلم.. مشت بسرعة صوب غرفة سعود.. ومن غير ما تطق الباب افتحته

لقت عبدالله منسدح على فراش سعود.. يبتسم واهو يسولف بتليفون اخوه

نقاء (راحت صوبه.. وبعصبية): من تكلم؟

عبدالله (لما شافها انصدم.. تدوده.. وقط التليفون على السرير): انتي شفيج داشة جذي غرفة اخوي؟

نقاء ما ردت عليه.. خمطت التليفون.. لقت الخط مسكر.. ردت دقت سند.. لقت نفس رقم البنت

نقاء (حذفت التليفون على عبدالله): ماكو فايدة فيييييييك

وركضت.. ليه غرفتها.. ركض وراها عبدالله

عبدالله: سمعيني نقاء

نقاء (طلعت جنطة كبيرة.. وقامت تحط أغراضها): مابي أسمع شي خلالالالالاص

عبدالله: انتي شقاعدة تسوين؟

نقاء (دموعها أربع أربع): خلالالالالاص مالي قعده عندك.. بعد اليوم

عبدالله: ليييييييييييش؟

نقاء (تصارخ): وبعدددددد؟ تسأل ليييييش؟؟ شنو انت يا خي؟؟ بس لوووووووووعة.. عووووووووووووع مااااااابيك.. طق وكليت منك..
سب وسبيتني.. اهانة وتحملت بعد شنو؟؟ كل هذا رضيت فيه الا الخيانة يا عبدالله الا الخياااااانة.. وهم بعد سامحت أول مرة.. ليش تكررها
ليييييش؟

عبدالله شافها تبجي وتصارخ بهستيريا.. راحلها بسرعة ولمها حييييييل

نقاء دزته بكل قوتها: وخر عنييييييي.. لاتجيسني.. لاتلمسني

عبدالله: شهالكلام نقاء آنا ريلج؟

نقاء: أي ريل واللي يعافيك؟؟ ريلي مسوي فيني كل هذا؟

عبدالله: سامحيني.. بس سمعيني

نقاء (حقرته.. خذت تليفونها.. دقت على اخوها): خااااااااااااالد تعال الحين بسرعة

خالد: ليش شنو صاير؟

نقاء قالتله السالفة.. بس عالسريع.. وكله بجي

خالد: انزين خلاص لا تبجين.. الحين ايي اتفاهم معاه

نقاء (صرخت): لالالالالالالا مابي نتفاهم.. أبي طلالالالالالالالالاق

خالد: ولييييييييييييييييه انزين هدي شوي كاني ياي

سدته نقاء وقامت تلم باجي أغراضها

عبدالله: نقاء لا تكبرين السالفة.. ماتسوى

نقاء: اذا الخيانه ما تسوى شنو اللي يسوى؟ انت تبي تذبحني؟ تبي تييبلي السكته؟

عبدالله: اسم الله عليج.. ان شاء الله فيني ولا فيج

نقاء ان شاااااااااء الله (مسكينة مقهورة)
***************

كملي كملي

مصرقع عبدالله غبي حددده

ايييي حسبي الله عليه
من عيوني حياتي الحين انزل بارت يديد​

البارت الثاني عشر
*********


وصل خالد عند نقاء وعبدالله

دق على نقاء.. خالد: آنا تحت

نقاء (اللي كان يمها عبدالله للحين يترجى انها ماتروح): كاني نازلة

عبدالله درى ان خالد وصل .. نزل قبل نقاء وطلع من البيت لقى خالد سافط السيارة ناطر نقاء

عبدالله (راح له): قوة خالد

خالد (ماله خلق): يقويك

عبدالله: حياك انزل

خالد: لا مشكور مستعيل

عبدالله: خالد تكفى انزل خل نتفاهم.. انا غلطان.. بس مابي نقاء تطلع من البيت

خالد: خلاص هاذا الكلام الحين ما منه فايدة

عبدالله: بس آنا أبيها .. وشاريها

خالد: دامك تحبها هالكثر.. ليش تخونها؟

عبدالله: غلطت.. والشيطان شاطر

خالد: لاتقولي انا هالكلام.. المفروض تقوله حق زوجتك

عبدالله: حاولت بس مو راضية تسمعلي.. تكفى خالد انزل شوي عشان أقدر أتفاهم معاها

خالد (ماله خلق.. وتعب من مشاكلهم.. بس بينزل عشان يفتك): يلا نازل

طفى السيارة.. ونزل دشو الصالة أثنينهم والا بويهم نقاء نازلة ومحملة جناط

نقاء: خالد ليش نزلت؟ كاني ياية

خالد: اول سلمي بعدين تحجي.. وبعدين ماتبيني ادش بيتج

نقاء: هذا مو بيتي.. وسامحني نسيت اسلم عليكم.. انزين يلا خل نمشي

خالد: بس ريلج يقول يبي يتفاهم معاج

نقاء: خلاص قتلك خالد.. آنا مابي تفاهم أبي الطلالاق

عبدالله: وآنا ماني مطلق.. حبيبتي تكفين فكري

نقاء (خزته): اي صح حبيبتك.. حبيبتك فكرت وقررت تبي الطلالالاق

عبدالله: خلاص والله قلنا آسفين

نقاء: أسفك ما يحرك شعره بقلبي.. أكرهك وأبي أتطلق منك

عبدالله: بس آنا احبج

نقاء (عفست ويهها): ياخي حبك برص.. يبا عووووووووع مابيييييك

خالد: نقاااااء.. عيب شهالكلام؟

نقاء: خالد يلا نمشي.. وقفتنا ما منها فايدة

خالد طالع عبدالله..عبدالله يأشرله لا تروح

نقاء (قامت ترجف): خااالد.. يلالالا بمشي

خالد: مايخالف عبدالله.. نقاء محتاجة وقت عشان ترتاح نفسيتها.. خلها تيي عندي جم يوم.. وبعين يحلها ألف حلال

عبدالله (نزل راسه وسكت فترة): خلاص اللي تشوفونه

راحت نقاء مع خالد بيته.. كانت طول الطريج تبجي بصمت.. بس شهقتها تطلع غصبا عنها
*************************



طاف شهر.. وخلال هالشهر كان عبدالله يدق كل يووم على نقاء.. ويدز باليوم يمكن 100 مسج.. بس ماكانت ترد عليه

مشاعل: ليه متى بتحقرينه يعني؟

نقاء: ليما يطلقني

مشاعل: حرام عليج الريال يحبج.. وقال حق خالد ان مستحيل يطلقج

نقاء: أي يحبني واللي يعافييييييييج.. اكو انسان يحب ثنتين؟ وين صارت هاذي

مشاعل (تحاول تلطف الجو): صارت صدقيني صارت.. عند كل الرياييل

نقاء: عيل مالت عليهم كلهم

مشاعل: هههههههههههههه الله يقطع ابليسج يا نقووء.. انزين حرام ردي عليه

نقاء: قتلج ماني راده.. اييييييي أرد عشان يقول ردت هالغبية.. ويلعب علي مرة عاشرة

مشاعل: انتي ليش كله تشكين بالريال؟ آنا أشوف ان انصلح حاله

نقاء: انصلح حاله طل.. هذا ذيييييييب والذيب ما يهرول عبث

مشاعل: شهالحجي الفاضي؟ انزين يعني متى بتردين عليه؟

نقاء: قتلج ماني راده.. ليما يزهق ويطلقني

مشاعل: صدقيني ماراح يمل.. يبا الريال شاريج

نقاء (قامت تبجي): اي وايد.. أوكي الريال شاريني ويبيني وانا بايعته.. آنا ما استاهله.. بعد شتبون؟ الله يرزقه اللي أحسن مني

مشاعل (انكسر خاطرها على أختها قعدت عندها ولمت راس نقاء على صدرها): خلاص حبيبتي لا تبجين.. اللي فيه خير يجدمه ربج

نقاء ما تكلمت بس قطت راسها بحضن أختها العودة بجت بصوت عالي

مشاعل (تمسح على راسها): بس يا حبيبتي رحمي حالج.. محد يستاهل كل هالبجي.. والدنيا ما تسوى
**************************


مرو أربع شهور غيره.. ونقاء للحين في بيت اخوها.. وعبدالله مو راضي يطلق

دخل واسطات وااايد.. واهو يه كذا مرة.. عشان يتفاهم معاها لكنها رفضت

لين يه يوم انطق جرس الباب

بدور ونقاء كانو قاعدين بالصالة.. وبدور نادت خدامتها تفتح الباب

شوي والا يدش بو خالد مع عبدالله.. نقاء انصدمت.. أول مرة تشوف أبوها من يت بيت أخوها

بو خالد: السلام

بدور ونقاء (راحو باسو راسه): وعليكم السلام

بو خالد: ها بدور شلونج؟

بدور: الحمدلله عمي آنا بخير.. انت شلونك؟

بوخالد: زين.. خالد هني؟

بدور: اي هني

بو خالد: ناديه ماعليج أمر

بدور: ان شاء الله عمي الحين اناديه عن أذنكم

قامت بدور وقامت وياها نقاء تبي تصعد

بو خالد: نقاء

نقاء (التفت على ابوها): هلا يبا

بو خالد: قعدي بكلمج شوي

نقاء: ان شاء الله .. (وارجعت قعدت على الغنفة.. بس كلش ماطالعت صوب عبدالله)

فترة هدوء.. يه خالد من فوق

خالد (راح باس راس أبوه): السلام يبا تو ما نور البيت

بو خالد: وعليكم السلام.. مشكور

خالد (راح مد ايده حق عبدالله): هلا عبدالله شلونك؟

عبدالله: هلا فيك.. الحمدلله انا بخير

خالد قعد عالغنفة يم نقاء.. جنه يقولها لا تخافين آنا معاج

سكتو فترة.. بو خالد: نقاء

نقاء: نعم يبا!

بو خالد: ليه متى بتقعدين عند أخوج؟ متى بترجعين بيت ريلج؟

نقاء: بس يبااا..

بو خالد (بحزم): لا بس ولا هم يحزنون.. يلا عاد ما عندي بنات يدلعون.. رجعي بيت ريلج

خالد: بس يبا .. عبدالله وايد غلط بحقها.. ولازم يصلح غلطته.. ويوعدها وعد رياييل ان ما يعيدها.. حرام أختي تعبت

بو خالد: تعبت من شنو؟ هذا دلع مو تعب.. الريال أخطأ واعترف بغلطته.. بعد شماله للحين قاعدة عندك؟

نقاء(قامت تبجي.. وعبدالله ولا كلمة.. جنه حاط بو خالد محامي له): يبا هاذي مو أول مرة يخطأ ويعتذر ويعيدها.. آنا تعبت ما أتدلع

بو خالد (انكسر خاطره على بنته.. قام وقعد يمها.. لمها على جتفه): يبا ىنا أبي مصلحتج.. وهالمرة بويهي.. آنا خذيت منه وعد رياييل انه
ما يعيدها.. يا حبيبتي الريال شاريج وما يبي يطلقج.. لو ما يبيج وما يحبج جان طلقج من زمااان.. يبا حبيبتي عشاني.. انا خاطري أتطمن
عليج قبل ما أموت

نقاء (هدت شوي): خلاص يبا اللي تامر فيه.. بس ها جدامكم كلكم قاعدة اقووول اذا عادها مالي رجعة عنده

بو خالد: لا ان شاء الله ماراح يعيدها.. صح عبدالله؟

عبدالله: اي صح صح

بو خالد: خلاص عيل .. عبدالله يقول باجر ان شاء الله تزهبين كل اغراضج وياخذج

نقاء: ان شاء الله يبا

بو خالد: عفيه هاذي بنيتي العاجلة.. يلا عيل اخليكم الحين.. مع السلامة.. (طلع وياه عبدالله)

الكل: مع السلامة
*********************


ثاني يوم قامت نقاء الضحى.. راحت شرتلها قميص نوم يديد من السوق

وراحت الصالون.. سنعت روحها.. ورجعت عروس

لكن مع هذا كانت حاسة بغصة ما تدري ليش!

رجعت البيت زهبت أغراضها.. ونطرت عبدالله ايي

لكن عبدالله ما بين

نقاء تدق عليه ما يرد.. خالد يدق عليه ما يرد

" يا ربي الله يستر شنو صاير؟"
*******************