فقدان..ضياع..دمار..شتات..عذاب..نقاء

البارت الخامس والعشرين
***********

وأخيرا
(نقاء)
****


ناصر: ها نقاء شقلتي؟

نقاء: آنا موافقة.. بس بشرط

ناصر: آمريني

نقاء: تغير رقمك وتقطع علاقاتك

ناصر: خوووووووووش.. ريحتيني الله يريحج.. عبالي شرط قوي.. أصلا من غير ما تقوليلي راح أغيره

نقاء: ههههههههههههههه عفيه عليك


وتمت نقاء تروح عندهم كل يوم.. وتنام عندهم بس بغرفة خاصة.. يعني مو عنده بغرفته

وظلو فترة مع بعض.. وفعلا غير رقمه.. وقطع حتى من ربعه الخايسين على قولة نقاء

صار كله يجابلها.. ومايطلع من البيت

وبهالفترة ناصر كلش حتى ما لمس ايدها

وبيوم.. ناصر: نقاء.. خلاص احنا لازم نتزوج

نقاء: انت تدري أهلي بيرفضونك.. يعني خريج سجون وما تشتغل.. حتى لو ظلم.. ماراح يوافقون

ناصر: أدري أدري وانتي قايلتلي كل هالكلام.. عشان جذي آنا كلمت محامي.. وقالي مالكم الا العقد العرفي.. وبعدين نصدقه بالمحكمة

نقاء: يعني شلون؟

ناصر: يعني نتزوج عادي.. بس بعقد عرفي.. يكون فيه شهود وكل شي.. وبعد 3 شهور تروحين تشتكين علي بامحكمة عشان أصدق
العقد.. ونصدقه هناك

نقاء: وانت ترضاها أشتكي عليك؟

ناصر: بعد مالنا الا هالحل
**************


وفعلا تزوجو بعقد عرفي من غير ما أهل نقاء يدرون.. اصلا بو خالد ماكان يتواجد باديرة الا اسبوعين كل 3 او 4 شهور.. ومايدري كلش
عن نقاء

المهم تمو مع بعض 3 شهور وبهالشهور حملت نقاء

ونقاء مهي عارفة شلون تواجه اهلها.. بس ناصر كان دايما يطمنها وان بيوقف معاها ويواجه أهلها.. بس هم كانت خايفة

ناصر: يعني ليه متى بتخافين نقووء؟ احنا ياينا ياهل الحين اهلج لازم يدرون عني

نقاء: شسوي ناصر.. شقولهم تزوجت من غير شوركم؟

ناصر: انتي دقي على اختج مشاعل.. وقوليلها

نقاء: لالالالالالالالالا الا هاذي.. أخااف ناصر اخاف

ناصر: من شنو تخافين عمري؟ خلاص دقي على جنان

نقاء: ممممممممم يعني لازم

ناصر (ابتسم لها ولمها عالخفيف): اي لازم .. يلا حبيبتي دقي

نقاء (خذت التليفون بايد ترجف ودقت على جنان): ألووو

جنان: هلا نقاء.. شلونج؟

نقاء: الحمدلله بخير انتي شلونج وشلون عيالج؟

جنان: الحمدلله كلهم بخير

نقاء: جنان بقولج..

جنان: قولي حبيبتي

نقاء: آنا مسوية شي

جنان: يعني شيمسوية؟

نقاء: آناااااا .. آنا تزوجت

جنان: كلولولولولولولولولولولولولولوش

نقاء: ليش تيببين؟ أمبييييييييه يعني انتي مو منصدمة؟

جنان: وليش أنصدم؟ والله زييييييييين تسوين.. انتي من يدري عنج.. عفيه عليج سترتي روحج.. ما عيج من أحد.. الله يه*** ويوفقج

نقاء: انزين في شي ثاني

جنان: شفيج حبيبتي؟

نقاء: آنا حامل

جنان (شوي وتبجي من الوناسة): صج.. الله يتمم عليج ويقومج بالسلامة ان شاااااااء الله

نقاء (دمعت عينها): الله يسلمج حبيبتي

بعد ما سكرته.. لمت ناصر: حبيبي أختي يببتلي

ناصر: هههههههههههه آنا قايلج من زمااااان بس انتي الله يهداج مادري شفيج خايفة

نقاء: ههههههه اي والله صدقت

وشوي جان يرن تليفونها: أمبييييييييه هاذي مشاعل

ناصر: ردي عليها

نقاء: لالالا ألا مشاعل.. اهي اللي مربيتني وحسبة امي.. وأخاف أكون مضايقتها.. وتزعل علي

ناصر: نقووء يعني انتي ليه متى جذي.. الحين الكل بيدري عادي

واهم قاعدين يسولفون كانت مشاعل تدق جم مرة بس نقاء مو راضية تشيله

وبالأخير دقت عليها جنان: ألوو نقوء شفيج ما تردين على مشاعل؟ ترى اهي متضايقة.. لأنج ما رديتي عليها

نقاء: مادري خايفة

جنان: من شنو؟ يلا عاد عن الدلع دقي عليها

نقاء: أوكي باي

ودقت على مشاعل.. وأول ما شالته.. نقاء قامت تبجي: لا تزفيني الله يخليج.. واه مو مسويه شي غلط

مشاعل: لا والله ماني زعلانة حبيبتي.. بس بغينا نفرح فيج

نقاء: فرحتو فيني اول مرة وشنو صار؟ ولا استفدت شي.. خلوني بسكات أحسنلي

مشاعل: خلاص حبيبتي الله يوفقج ويه*** يا حبيبتي

وبعد فترة راحت مع محمد حق أبوها وخالد.. وسلمو عليهم.. بس ما علقو على شي كلش

وتمت نقاء عايشة مع ناصر في قمة الرومانسية ووناسة
*************************


لكن بيوم واهي نايمة حلمت نقاء.. جنه صاير يوم الحساب.. وان اهي مضيعه طريجها وما تدري وين تروح

فزت من النوم.. تشهق: بسم الله الرحمن الرحيم بسم الله الرحمن الرحيم

ناصر (فز من نومه): خير حبيبتي شفيج؟

نقاء (لمته حييل): وااي ناصر خايفة والله خايفة

ناصر: شفيج حبيبتي من شنو؟

نقاء: ناصر الله يخليك بطلبك طلب

ناصر: عيوني لج.. آمريني

نقاء: تكفى ودني العمرة بروح العمرة

ناصر: حبيبتي انتي الحين حامل بالشهر السادس شلون تروحين؟

نقاء (قامت تبجي): الله يخليك.. عشاني اخاف أمووت ومو رايحة العمرة

ناصر: خلاص خلاص حبيبتي أوديج لا تبجين.. حبيبتي انتي.. يلا عاد مسحي دموعج.. يلا عاااد ضحكي يا حلوة

نقاء مسحت دموعها وضحكت بويها

ناصر: ياااااا ربي تخليها لي وما تحرمني منها.. يلا حبيبتي نامي الحين ومن الصبح أروح أحجز تذاكر حق العمرة

نقاء (باسته وانسدحت): مشكور حبيبي

وفعلا حجز ناصر حقه ولنقاء حق العمرة.. وراحو العمرة

وأول ما شافت نقاء الكعبة.. قامت تبجي.. تشاهق وطاحت من طولها

ناصر (رفعها بسرعة): حبيبتي نقاء شفيج؟ ليش تسوين بعمرج جذي؟

نقاء (تبجي بصوت عالي): استغفر الله وأتوب اليه.. استغفر الله ربي وأتوب اليه

ناصر: استغفر الله.. استغفر الله.. اسم الله عليج شفيج؟

نقاء: خلني خلني يا ناصر.. مع ربي

ناصر: ان شاء الله ان شاء الله.. بس ريحي شوي حبيبتي

نقاء (هدت شوي): خلاص حبيبي ارتحت.. خلني شوي

ناصر: بخليج وأروح أطوف وأرجعلج.. بس لا اتعبين نفسج.. أوكي؟

نقاء: ان شاء الله

وراح ناصر.. وخلاها.. قامت تبجي وترجف من اخوف من رب العالمين

" ربي حبيبي.. سترت علي.. وآنا تماديت بغلطاتي وزلاتي.. سامحني يا ربي.. استغفر الله ربي وأتوب اليه..استغفر الله ربي وأتوب اليه"

ولما رجعو من العمرة رجعت نقاء انسانة ثانية.. انسانة نقية.. نظيفة تخاف ربها

مالها خلق حق يمعات وروحات وييات.. يالله يالله تجابل زوجها وبيتها وربها
***********************

كملي كملي امانة بااااااااجر مارح اشبكـ بلييييييييز كملي

علشان خاطري


امااااااانه

هذا لج بس نزلي هع

هههههههههههههههههههههههههههههه


حدج عياره تعرفين تقنعيني لووووول فديتج يلا الحين انزلج البارت ولا يهمج :wink_smile:​

البارت السادس والعشرين
(الأخييييييير)
********

ويه يوم ولادة الحلو فهد

والحمدلله ولدت نقاء ولدها بسهالة من الله سبحانه وتعالى وما تأذت وايد

والكل كان فرحان فيه.. بس فرحة ناصر لالالا توصف

كان طاير فيه طييير.. حبيبي فهود اسم الله عليه يهبببببل

وعاشت نقاء مع ناصر أحلى شهور عمرها في رومانسية وحب وحنان.. وناصر ما كان مقصر عليها بولا شي من الناحية العاطفية

لوما سالفة شغله.. والنواحي المادية.. لكن كل هذا كان يهون يم الحب والدفء اللي محتويها فيه

لكن في شي كان منغص عليها حياتها .. وشوي شوي خلاها تكره عيشتها

انها كانت تنام على صراخ وتقعد على صراخ ونجره

بس مو منها.. ولا من ناصر.. من سلوى.. أم ناصر

نقاء كانت عايشة في بيت اهل ناصر.. وسلوى نوعها نجرية.. تتهاوش مع الكل.. وتكره ربع ناصر

يعني كل مايطلع ويرجع لازم تتهاوش معاه

وهني حست نقاء ان ناصر بدا يتغير.. صحيح ان يحبها ويموووت عليها

بس أهمل نفسه حييل.. ماقام ينام عدل.. ما قام ياكل

حاولت تعرف شفيه بس ما قدرت.. كله ساكت

وأمه زادت مشاكلها معاه.. ماقامت تخليه على راحته كلش.. تعامله على انه طفل

تحاسبه على الطلعة والدخلة.. وهذا تعب نفسية نقاء زيادة فوق الحمال اللي متعبها زيادة (لأنها حملت ورا فهد على طووووووول)

لما يه يوم.. ناصر: نقاء

نقاء: هلا قلبي

ناصر: قومي لمي اغراضنا

نقاء: ليش؟

ناصر: بنطلع من البيت

نقاء: وين بنروح؟

ناصر: مادري أي مكان .. بس مو قادر اعيش هني أكثر

نقاء: مايخالف تحمل حبيبي شوي.. ترى أمك تحبك

ناصر(صرخ عليها لأول مرة): أقووولج قوووووووومي لمي الأغراض.. يلا قووومي

نقاء ما تكلمت ولا كلمة.. انصدمت من صراخه وخافت .. وقامت تلم الأغراض وبعيونها الدمعة

وطلعو من بيت أم ناصر.. وراحو بيت بو خالد (أبو نقاء)

ناصر: السلام عليكم.. عمي شلونك؟

بوخالد: هلا والله .. انتو شلونكم؟

ناصر: احنا الحمدلله بخير.. عمي ممكن نقعد عندك جم يوم على ما نلقالنا شقة صغيرة تشيلنا؟

بوخالد: أفا عليك يا بو فهد ماله داعي هالكلام.. أصلا انتو تونسوني.. خلوكم عندي على طووول.. مثل ما انت شايف انا بروحي بالبيت
والله انتو تنسوني وحدتي

ناصر: مشكور عمي ما قصرت

راحت نقاء تحط أغراضهم بالكبتات.. يالها ناصر ولمها من ورا.. باسها على راسها من ورا: آسف حبيبتي صرخت عليج

نقاء ماردت عليه تمت تحط الأغراض

ناصر لفها عليه: حبيبتي ليش ما تردين علي.. (لكنه لقى الدموع سبقت كلامها.. لمها حييييل) سامحيني حبيبتي سامحيني أذيتج معاي

نقاء لمته وقامت تبجي واهي ساكتة ما تتكلم


لكن ناصر تغير وايد على نقاء وعلى نفسه وعلى فهوود

" ليش؟ يا ترى شنو صاير؟"

كل ما تحاول تقرب منه يبعدها بعييد بعييد حيييييل

لين يه اليوم المشؤووم

نقاء ككانت قاعدة تلاعب فهوودي بالبيت ورن تليفونها رقم غريب.. أول مرة ما شالته.. ولا ثاني مرة

لكن لما تم الرقم يدق كذا مرة ورا بعض خافت " الله يستر يااارب شنو صاير"

نقاء: ألووو

----: ألوو.. السلام عليكم

نقاء: وعليكم السلام .. نعم

---: أم فهد؟

نقاء: منو معاي؟

---: أم فهد.. معاج ضاحي رفيج ناصر

نقاء (سمعت اسم ناصر.. قلبها بغى يوقف): خير ؟؟ ناصر فيه شي؟

ضاحي: أم فهد والله مادري شقولج بس

نقاء: بس شنو الله يخليك قولي شفيه؟

ضاحي: ناصر مسكوه الشرطة

نقاء: شنووووووو؟؟ ليش مسكوه شصاير؟

ضاحي: والله مادري بس اهو بالمخفر الحين

نقاء: أي مخفر

وقالها ضاحي أي مخفر.. وسدته من غير ما تشكره ولا حتى تقوله مع السلامة

قطت على روحها عباة وشيله وخلت فهد مع الخادمة وركضت حق ناصر

" ياااربي يا حبيبي استر علينا.. يا ربي شنو صاير؟ يا ربي شفييييه ناصر؟"

ولما دشت المخفر لقت ناصر مكبل عند المحقق

ناصر لما شافها وقف وبعينه الدمعة وبقلبه الحسرة

نقاء (ركضت عنده): شفيك ناصر؟ شيمسوي؟

ناصر: حبيبتي اهدي اهدي

نقاء: خلاص مو الا تقولي شيمسوي.. خلاص تعال آنا بكفلك

ناصر (متحسر): ما تقدرين

نقاء (انصدمت): ليش ما أقدر؟

ناصر: آنا مدمن يا نقاء

نقاء (مااستوعبت): مدمن؟ مدمن شنو؟

ناصر: آنا مدمن مخدرات

وقام يتكلم بس ما سمعته نقاء.. واهو يتكلم اهي تذكرت كل شي صارلها بحياتها.. تذكرت كل غلطة غلطتها بحياتها

" ليش ياااربي لييييييش؟ ليش كل ما أبعد عن الغلط.. اهو يركض اييني بنفسه؟ يا ربي سااامحنييي.. وتوووب علي.. ياااربي ارحمني وارحم
ريلي وعياليي.. عيااالييي عيااالي.. وين بيروحووون؟"

نقاء (طالعته وعبونها متروووسة دموع بس ما تبي تبجي جدامه): من متى هالحجي؟

ناصر: من حنة أمي ومناجرها معاي

نقاء (انهارت): أمك؟ امك؟ فكرت بنجرتك مع أمك.. وما فكرت فيني؟ ولا في فهوود؟ ما فكرت في البنت اللي في بطنيي؟؟ مو انت كنت تبي
بنت؟ كاهي يتلك البنت.. شنو سوييت حضرتك؟ الله بيرزقنا بنت بس ماراح تقدر تشوفها.. أدمنت وانسجنت.. ليش سوييييييت جذي؟ ليييش
فضلت ربعك ونفسك علي وعلى عيالك؟ آنا ضحييت لك بكل شي.. وما طلمت منك عووود.. ولا طلبت تسويلي شي.. كنت تكفيني..
وجودك كان يكفيني.. ليش ياااا نااااااصر لييييييش؟

وما تحملت اكثر طاحت تحت ريوله مغشي عليها

ناصر طاح يمها يبجي: سامحيني حبيبتي سااامحيني


وانحكم ناصر خمس سنوات

وولدت نقاء بنت مثل القمر.. سمتها سدن (ستار الكعبة)

نقاء كانت تزور ناصر

لكن ناصر رفض يشوف بنته واهو بالسجن

قال هذا عقابي من الله سبحانه على غلطتي

والحين طاف على الحكم 3 سنوات.. والحمدلله ناصر تعالج من الادمان

ونقاء تغيرت وااااااايد من دش ناصر السجن

صار وقتها لبيتها وعيالها ودوامها وبسسسس

ونقاء مسكينة ناطره ناصر على أحر من الجمر.. تبي تستقر وياه وويا عيالها

ادعوولها يا بنااات
**********


والحين أعتقد كلكم تعرفون العبرة من القصة

في البداية لازم محد يخلي فقدان شخص عزيز شماعه يعق عليها كل اخطاءه

ثانيا ديرو بالكم ياااا حلوات من رفيجاتكم.. آنا ما اطعن فيهم حشى لله.. لكن اقول أحسنو اختيار الصديقات.. ومو أي وحدة تثقون فيها

ثالثا لا تامنون بأي شخص ما يكون من اهلج.. أو ريلج

غير جذي الشباب اللي يلعبوون واايد.. والله لا يقط احد بحلج واحد مثل (السادي بدر) يماااااااااااي آنا اخاف منه

بنات واللي تسألني عن الشباب في القصة.. ترى نقاء ما تدري عنهم كلش

عشان جذي ماقدر اكتبلكم أخبارهم

واااااااي القصه روووعه عاد انا من زمان ماقريت البارتات اللي طافت لانه ماكنت اشبك والحين توني قريتها كلها اثرت فيني مسكينه نقاء بس الله يعينها ويرجع لها ناصر امين يا رب


مشكوووره حبي عالنقل فديتج وناطرين يديدج ياقلبي

ياحياتي فديتج والعفو ولووو وان شاءالله من عيوني ^_^​

وااااي حراااااااااااااااااااااام مسكينة نقااء =(

يعطيج العافيه على القصه =)

الله يعافيج حبيبتي ​