انا فهمت السالفه غلط لان تهاوشت معاه وتميت حاقرته واهو حاقرني اسبوعين ولازال الهواش مستمر :emoticon_U: والله اهو قالي لو اهلج يسألون عني ماراح يلقون الا كل شي يسرهم بس انا مشكلتي شقول لاهلي ؟؟؟ حبيبتي انتي والله سامحيني انا ماعرفت اوصل المعلومه عدل كلنا اخوان وكلنا مسلمين بس شتقولين بتفكير الناااااااااااس وانا اهلي للاسف تفكيرهم جذي هالشي كاسر ضهري وعشان جذي انا كتبت المشكله بالعكس ترى انا عايشه في مجتمع بدوي بس انا حضريه وحابه طريقه البدو والله العظيم بس ماجربت اني اتاقلم مع بدو مع العلم رفيجاتي والله كلهم بدويات وبنات قبايل كبيره وينحطون عالجرح يبراااااا والله كلامج عين العقل وان شاءالله هذا اللي بيصير بس اهلي شنو بيقولهم اذا اتصل على ابوي ؟؟ واذا قاله شدراك انه بنتي فيها كل هذا شنو راح يقوله ؟؟ وشلون اقنع اهلي اني موافقه وراضيه للعلم اختي العوده عارفه الموضوع وقالتلي هذي حياتج وانتي حره بس فكري عدل ماراح تتأقلمين وكلامها خوفني
الله يوفقج وصلي الاستخارة بس تاكدي اكثر منه بيتقدم او لأ؟ وبعدين اذا ياج صلي وادعي واهلج بيسألون اكيد وبيشفون لج الأصلح بس إذا زين ومافي عيب الحين بهالوقت مافي بدو وحضر وماتفرقين فيهم ويكفي انه كويتي ومن ديرتج الحمدلله طمنيني عنج وحطي في بالج المرض موعيب وقولي الحمدلله
حبيبتي البنات ماقصرو وانا بزيد عليهم قبل كل شي استخيري واطلبي ربج ان يكتب اللي فيه الخير لج والولد اللي يبيج اذا فيه خير لج الله يجمع بينكم بالحلال اما سالفة المرض ياقلبي واجد مريضات ومتزوجات انا مرت ولد خالي فيها كلى ومشاكل بالجهاز التنفسي ومتزوجه من كم سنه وعندها بنت وحامل وعايشين سمن على عسل الله يهنيهم اما مشكلة شكل البطن واثار العمليات فاكثر الحريم يعانون منها عندج الحريم اللي يولدون بعمليات تبقى آثار العمليه بالبطن وماتروح وهالشي ما اثر على حياتهم الزوجيه يعني بالله كل المتزوجات مواصفات اجسامهم خارقه والا مانيكانات ؟؟؟ فيه اللي متان وفيه اللي عندهم خطوط بيضا وفيه اللي عندهم سواد بمناطق معينه وغيره وغيره وغيره شيلي هالافكار من راس وتعوذي من ابليس واطلبي الله بهالشهر الفضيل وادعي ربج بصلاتج وبسجودج وقبل تفطرين ان الله يزرقج ولد الحلال اللي يسعدج ويهنيج اما شلون تقولين لهلج قبل مايجي يخطبج قولي لهم انه عن طريق وحده تعرفينها او انه اخو رفيتقج او من اهلها وسال عنج والله يكتب اللي فيه الخير
سمعي حبيبتي اذا كان يبيج وشاريج وعارف عنج كل شي عادي ارضي فيه وبعدين واذا مريضه ومشققه غيرج مو احسسن منج ياقلبي واذا على سالفه الحضر والبدو هذي ثنتين من خالااتي والحمدلله عاايششين احلا عيششه ومرتااحين لا تشيلين هم ياقلبي والله يووفقج
حاسه بشعورج والله توكلي على الله وخل يتقدم لج ..هذا نصيب يا يصيب يا يخيب وحتى لو ماتم الزواج لا سمح الله لا تضايقين لانه نصيب وقدر ومكتوب ربي يوفقج ويسهل امورج ويبعد عنج عيال الحرام تحياتي :smile:
بصراحه انتو ماعندكم سالفه اهو كويتي وانتي كويتيه ولالا ابدوي احضري كلنا بشر وشفيهم البدو مافيهم شي مزاييييييييييييييين وبصراحه انا اقول اسألي عنه واذا أهو مافي شي وكل الليييييي سألتيهم قالو انه رجااااااال ونعم الرياجييييييييييل خلاص واحلاشي ان الرجال شاريج يبيج بالحلااال مومثل غييييييييييره بس يبي يسلي نفسه بالأنترنت وانا اقول عسا الله يكتب اللي فيه الخيييييييييييير
الله يوفقج اختي الغاليه بس شوفي اذا انتي حاسه انه يبيج خل يخطب وبشرينا عاد والمرض موعيب والله يشفيج يارب,,
السلام عليكم ورحمة الله وبركاتة اختي احنا بزمن تطور ماعاد في حضر وبدو نفس قبل ولله الحمد الواحد ما يدور الا الي في الخير انا شمريه وخواتي ماخذين حضر والحياه ماشيه واذا كان الله كاتب لج نصيب صدقيني بتاخذينه وتبين نصيحتي اقري سورة البقره _ الحشر وصلي لج ركعتين قبل اذان الفير ودعي ربج انتي ساجده صدقيني فكري انج تستشيرين ربج صدقيني يستجيب لج اسأل الله العلي العظيم يرزقج الزوج الصالح عاجل غير اجل ويكون في خير ويعرف قدرج اللهم امين
.... يا قلبي لا تزعلين مني بس انتي مسويه من الحبه قبه ليش جذي مسويه بحالج اللي يسمعج يقول هذي ريولها فوق و راسها تحت شدعوه هذا انتي تقولين انج حلوة ماشاء الله تبارك الرحمن و تقولين انج دلوعة أهلج هم بعد ماشاء الله تبارك الله أول شي يالغاليه عززي ثقتج بنفسج و حطي ببالج ان أهلج ما يبون الا مصلحتج و أي كلمه تصدر منهم إلا لمصلحتج و أهم أكبر و أفهم منج عدل كلامي وإلا لأ ؟ و على سالفة شلون تقوليلهم انه يعرف عن حالتج فيه ألف طريقه وطريقه مثلا قولي انج تعرفتي على أمه أو أخته بصالون أو بجمعة حريم يعني مثل ما يقولون كذبه بيضه علشان تمشي الأمور وانهم قالوله عن حالتج و راضي فيج بس قولي لأهلج ان ما يفتحون سالفة مرضج معاهم مره ثانيه علشان مثل ما تقولين ما تبين أحد من أهله يدري و ينظرلج نظرة شفقه على فكره انتي حساسه حييل زيادة عن اللزوم لاتزعلين بس هالكلام لمصلحتج .... أكرر ثقي بنفسج و راح تشوفين نفسج ملكة زمانج وترى مافيه أحد كامل الكامل الله سبحانه و تعالى و أعيد ترى أهلج ما يبون لج إلا كل خير و صدقيني ترى اهلج خايفين عليج من انج تتزوجين واحد ما يستاهلج هذا كل اللي بالموضوع .... أول شي اقري سورة البقرة 40 يوم و بعدها استخيري وان شاء الله باذن الله راح ترتاحين وتفكرين صح .... الله يكتبلج اللي فيه الخير .... تقبلي مروري ....
نصيحه اخت انج اتصلين صلاه استخاره وبنيه صافيه وصدقيني راح تختارين الطريج الصح والستر بهل زمن حلو وحلو انج فكرتي فيه بهل طريقه زواج مو مثل بنات هل يومين الله يستر عليهم واهم شي يصارحج وتصارحينه بكل شي عشان لا تنصدمون بشي بعد الزواج باذن الله
امممم انا برايي طبعا أولا وأخيرا لازم تستخيرين قبل أي قرار تتخذينه وثانيا دام هو يحبج ويبيج وما تجرأ يطلب منج شي غلط معناته هو صج يبيج فأتوقع ان المفروض البنت ما تضيع شخص ميت عليها اما من ناحية بدو وحضر اسمحيلي هالنقطة لازم تغرزين عندها شوي الرجال اهوا مامنه شر دام يبيج بياخذج غصبا عن الكل بس اذا اهله مو راضين شنو بتستفيدين لأن بيطلعولج مشاكل من تحت الأرض لأن مو كل بدو يعطون حضر طبعا هم مع احترامي للكل بس في بدو عادي ياخذون حضر وفي بدو لا انتي لازم تجسين نبضه اذا حسيتي ان اهله عادي انا اقول توكلي على الله دامه يبيج وزين واذا اهله ما يرضون فكري بالموضوع عدل لأنها سالفة صعبة هذي حياة وزواج مو يوم أو يومين وانتي بتزوجين عشان تكونين سعيدة وتريححين بالج مو عشان تغثين عمرج بالمشاكل وهم ارد واقولج استخيري هذا اهم شي لأن بالاستخارة بيصير الشي اللي فيه خيرة لج الله يوفقج وكثري دعاء واستغفار سوري عالإطالة اييي وبضيف شغلة بعد قريت بوحدة من المشاركات وحدة من الأخوات تقول اقري سورة البققرة 40 يوم حبيبتي ترا مايصير جذي هذي تدخل من باب البدع يعني تعتبر بدعة انا قريت فتوى قالوا ان المفروض تقرين سورة البقرة عادي كل يوم لأنها تحصنج بس مااااايصيييير تحددين ايام معينة او اوقات معينة يعني اقريها وبس بدون تحديد
السلام عليكم ورحمه الله وبركاته اختي العزيزة بااختصار بدون اي تعقيدات اذا هذا الشخص فعلا مناسب لج وانتي راضيه في واهو راضي فيج يتوكل على الله ويدخل البيت من الباب ويطلبج بالحلال اما اذا العلاقه راح تتطور الى تلفونات ومقابلات انصحج بالابتعاد عنه والانسان الجاد اذا فعلا كان جاد راح يتقدم لج رسمي مهما كانت العادات الاجتماعيه او حضري او بدوي اما اذا حسيتي انه في مماطلات واعذار انصحج انج تبتعدين عنه
