اكشفي الامر الان لأن سيزداد تعقيداً ثم انك تزوجت وانجبت والحمدلله اذا ليس هناك مشكله اذا سحبت ملفك من الجامعه كلياً حتى تقطع جميع الطرق على من حولك من الناس
الله يعينج حبيبتي بس لازم تتكلمين مايصير تسكتين لان لو قلتيله ماراح اكمل يمكن ما يرضى شنو بتسوين او يرضى وبعد جم سنه يقولج كملي يكتشف انج مفصوله الشي ما راح ينخش لو شنو سويتي تكلمي وقولي لهم احسن
من رايي كلمي امج وقوليلها السالفه وبصراحه / لا تخافين منها هذي امج سترج وغطاج / هي صح بتعصب وبتزعل وبتغير نظرتها لج / بس كل هذا فتره ويرد كل شي مثل ماكان .. انتي لازم تقولينلها عشان سبحان الله اذا صار شي مو حاسبتله الا عندج احد يرقعلج .. ولو اني ما افضل تجذبين ع زوجج / بس للضروره احكام وعشان البيبي اللي بينكم / لازم تمشين حياتج مو تفكرين بالطلاق .. شفتي لما كنتي بالجامعه شلون تتضايقين من الدراسه شفتي احساسج وضيقتج خلي زوجج يحس فيها وحاولي تفهمينه ان عين ولازم تقرين عند شيخ / بعد فتره .. روحي الجامعه وسحبي اوراقج رسمي / لما تردين قولي لزوجج انج تعبتيي من الجامعه وماتقدرين عليها وقوليله اساسا انج قمتي تسقطين بالمواد وجذي / واذا حابه تكملين دراسه هم نطري فتره وقدمي ع التطبيقي وكملي ترا البنت مايفيدها الا الشهاده ..
الله يعينج ويسهل امورج .... بس قوية 3 سنين عاد الله يهداج ؟ وين كنتي تروحين بهالفترة؟ حطيتي نفسج في وضع شبهه جدامهم. انا من رآيي بلغي امج بالموضوع وفهميها بالخطة اللي راح تسوينها ... لاتقولين الحين لزوجج شي واذا قرب يوم دوامج وهو اكيد عارف متى بتداومين حبيبتي داومي اول يوم عادي وثاني يوم لاقعدتي من النوم وكأنج بتروحين للجامعة سوي الخطة وطقيها بجي وصياح من صباح الله خير وكأنج بتنفجرين من الضيقة لاسمعتي طاري الجامعةوسوي نفسج موطايقتها وبزيادة بعد وخليج على هالموال كل يوم وصدقيني هو اللي بيقولج ارتاحي وخلي الجامعه ... حبيبتي هذيل رياجيل موكلهم يصدقون اعذارنا لين يشوفون بعينهم ومايرحمون ولاتخسرين حياتج بسبه هالجذبه. الله يستر عليج ويصلح حالج
فدييتج قوليله بالحرف الواحد انا اصلا تاركتها ولابغيت اعلم اهلي وخاصه ابوي عشان مايزوجني واحد من عيال عمي وادري انك بتفهم وانت زوجي واثقه انك بتساعدني لان بالاول والاخير هذي حياتي انا وياك لااهلي ولااهلك لهم شي بحياتنا اتمنى انك تفهم لوضعي افتحي معاه هالموضوع اذا شفتي ان مروق واذا عصب قوليله سو الي تبي بس الاهم انك انت الوحيد الي يهمني انك اتعرف وغيرك مومهم عندي,, وعسى ربي يسخره لج ويبعدج عن كل شر يااااااااااارب
وااااااااااااااااااااااااااااااااااااو معقولة 3سنوات؟؟؟؟؟ ترى جد جد جد قوية؟؟؟؟؟؟؟ وشنو تسويين فهال3سنوات لما تروحين الجامعة؟ وبالع** الاباء مهما بلغت درجة تعصيبهم بس احسس في امور ممكن اطوف عليهم وللامانة ابوي وااااااااااااااايد متعصب لسالفة الدراسة ويعني الكل لما ندرس اييب شهادته وايده ترجف بالمقابل اخوي لما انطرد من الكولج اللي كان يدرس فيها رجع فنفس اليوم لان الكولج تبعد عن بيتنا 3ساعات وخبر ابوي وتحمل الكلام وكل شي بالمقابل ابوي ماوقف ضده ساعده ورجعه للكولج نفسها يمكن انتي لو خبرتي اهلج كانوا رجعوج او درسوج وتذكري حبل الكذب قصييييييييييييييييييير واااااااااااااااااااايد والمفروض ماتحطين نفسج فهالموقف بنت تطلع 3سنوات بدون هدف؟ راجعي حساباتج وفكري عدل وكلمة اخاف واستحي حطيهم فمكانهم الصحيح مو فكل شي بس الحين مالج الا تتصالحين مع نفسج وتشوفين اقرب شخص لج من العيلة وتحطينه يساعدج وياليت اذا عندج اخو كبير ومتفهم ومكن يسمعج تتصارحين معه وبالتوفيج
عزيزتي حلج 1 ماكو غيره بع الله سبحانه 1- تبلغين وحده من خواتج او قرايبج تنقل ملفج للتربية الاساسية 2-تبلغين اهلج انه خلاص طفح الكيل وانج مومتحمله تخصصج وبتغيرينه 3-تبلغين زوجج انه نفسيتج تعبانه وكله ترسبين بهالتخصص وتقنعينه انج تحولين التربية الاساسية لااااتقولين انج نقلتي ملفج 4-اقنعيه انه سنتين ونص او 3 تكونين متخرجة ان شاء الله 5-اهنيه تكون استتبت الامور بعد ما اقتنع زوجج وعقبها لج حرية الاختيار تكملين او توقفين قيدج من التربية الاساسية تحت اي عذر هالحل بعد تفكييير دقيق بمشكلتج والله يسهل امرج ولازم تصيرين واااضحه من اليوم رايح عشان ماتطيحين بنفس المشكله
